تجمع رعاية المولود من حديثي الولادة إلى شهر 3

[يارحيم]

شوق انا كنت احسبك ساكنة بجدة واهلك بالرياض.. انتي زوجك يمني ولا عايشين هناك لظروف عمل؟؟ الله يعينك على فراق اهلك ويعينهم على فراقك انتي والنونو احسهم تعلقو فيها ياحرام..

ليتا مو عادي ان الطفل يقعد خمس ايام ما تبرز اكيد معاها امساك.. بس التزحر عادي والله لو تشوفين وجه ولدي وهو يتزحر ترتاعين يصير عنابي ويفعص كل وجهه ومرات يصيح من الالم ماحس انها مشكله.. بس ضروري تستشيرين دكتور بموضوع الامساك يمكن حليبها ما يناسبها..

مشاعل مرة زين ان بنتك ترضع منك ما شاء الله لو تقدرين تستغنين عن الصناعي افضل.. بس لو ماقدرتي زي حالاتي انصحك تشترين رضاعات النيو بورن اللي حلمها زيرو.. هذي حلماتها قصيرة وفتحتها ضيقه مرة يعني مناسبة للي يرضعون من الصدر والرضاعه بنفس الوقت يكونون متقاربين..

ما اخفيك ما اتخذت قرار الصناعي بسهوله كنت متردده وكان خاطري ارضع بس طبيعي لكن خفت اضغط على نفسي اكثر من اللازم ويجيني يوم انهار وما ارضع ابد!! لان ولدي ما يشبع كان وكل ساعه يبي يرضع.. حاولت انظم رضعاته حاولت اصبره مافيه فايده تعبببببتتتت صرت ما انااااام ومهما اشفط ما يكفي..

لما صرت اعطيه صناعي بالليل صراحه فررررق.. ما شاء الله تبارك الله صار ينام 3 ساعات متواصله ومرات توصل اربعه! صرت اقدر ارتاح صحيح اني حسيت الطبيعي قل عندي شوي لاني ماصرت ارضعه بالليل بس بكيفه المهم اني انام وارتاح وما يجيني اكتئاب نفاس وولدي بعد صار يشبع مب زي اول طول الوقت صياح ياعمري ما كان يشبع.. وبرضه كم وحده قالولي ترا اذا مابديتي بالصناعي من صغره ما يتقبله بسهوله لما يكبر ويتعبك مرة.. احسن ابدي برضعة او رضعتين باليوم الحين عشان بعدين تزيدينها بالتدريج لين تفطمينه وما يتعبك..