تجمع حوامل سوريا-دردشة ورود سوريا-دردشة الغاليات

[Nayota]

المشاركة الأصلية كتبت بواسطة syria

صباح الخير يا حلوات كيفكون وشو اخباركن

كييفون البيبيات

انا اخباري مو منيحة بالمرة
رحت عالمركز وعملت تحاليل وفحوصات وكلو تمام والحمد لله بس مو هون الكارثة

الكارثة بوزني
انا حملت وكان وزني 61 ودخلت الشهر الخامس وانا وزني 65 يعني معدل الزيادة تمام وطبيعي او حتى كان بيتحمل اني ازيد اكتر

بس الكارثة اني خلال هالشهر زدت 5 كيلو وانصدمت لما لئيت وزني 70 وانا بعمري ماعديت ال 60

بصراحة وبدون لف ودوران انا هالشهر اكلت بشكل فظيع صرت لما فيئ بنص نومي عاساس رايحة عالحمام مرئلي كم لئمة
وطول ماني ئاعدة عم اكل موالح وبزر ومكسرات وطبعن عدى اني ئاعدة طول الوئت بلا شغله ولا عملة بحكم اني متزوجة جديد وبيتي غرفتين بس وماعندي شغل زياده حتى طبخ ما كل يوم بطبخ

قرررت اعمل ريجيم بس ماياثر عالبيبي الدكتورة ما ئلتلي انو وزمك زيادة بس انا التلها عادي خفف اكلي ئالتلي خففي اكل الليل والحلويات وحاولي تكتري سلطة بدل الخبز وقررت اني بالموعد الجاي روح ولائي وزني 65 ادعولي

لو زوجي عرف انو وصلت لل70 ممكن يرجعني لاهلي هههههههههه
وخاصتن انو هو وزنزو 74 شوي وبصير اتئل منو هههههههههه

لا تخافي ولا تاكلي هم الوزن كتير بس عملي بنصيحة الدكتورة كلي سلطات وخضار وفواكه بس لاتلغي الخبز كلي ازا بدك خبز اسمر وهو لازم انتي تاكلي زيادة عن معدل اكلك بس 350 حريرة زيادة يعني مو لازم تاكلي عن 2 متل مابيقولو والشهور الأخيرة طبيعي يزيد الواحد لان حجم الجنين
بيكون عم يزيد وبالشهر التاسع بينزل وزنك شوي بس لا تنهمي عالوزن ابدا بكرة عالرضاعة كلو بيروح انتي بتنحفي والبيبي بيسمن وبنصحك تمشي ولا توقفي المشي ولو مشي خفيف شي نص ساعة باليوم واتحركي ولا تقعدي فترات طويلةالحركة بتتلين العضلات عندك ومابيصير عندك وزن زائد حتى سهولة بالولادة لأن كتر القعدة بتقسي الجسم وأكتر الدكاترة مابينصحو بالمشي إلا بالشهر التاسع وهادا أكبر غلط لازم تمشي انا عم انصحك عن خبرة وانتي دوري بالنت على مقالات بتنصح بالمشي للحامل مو بس بالشهر التاسع