لا تبعدي عن زوجك بالنفاس.... موضوع منقول ..شو رايكم بكلامها؟

[أم أصيـــل]

إللي يبغى الدح لايقول آآآح
لازم يصبر
وبعدين من قالكم إن فترة الحمل والنفاس هي إللي تخلي زوجك يبعد عنك
بالعكس هذي أطول فترة يقرب الزوج فيها من زوجته
والله الكلام المكتوب يصور الزوج إنو مو أدمي إلا وحش يبغى شهوته وبس

والله إللي كاتبة هالتخاريف هي إللي من جد مخرفه
وماعندهاثقه بزوجها,,

والله حرام حرام تروع هالبكريات المسكينات
روحوا حبايبي بيوت أهاليكم وتنفسوا وطلعوا الثلاثين يوم إذا ماعندكم صبر

بس لو سمعتي كلمة مني مناك سوي نفسك ماسمعتي
أصلآ من يشوفك زوجك راجعه يقول مافيها إلا العافيه ومشتاقتلي أكيد
تحسبون الرجال مايفكروا إلا هذا تفكيرهم ونص ومن واقع حياتي

مره قلت لزوجي تعال خذني تخيلوا من جاء أخذني لحد ماوصلنا البيت
والأخ مستانس ويضحك عباله مشتاقتله مادرى عني أبغى بيتي >>والله كسر خاطري

حبيبتي الزوجه العاقله تعرف شلون تعلق زوجها مو تخليه يعلقها
والله يابنات زوجي ماكان يعرف معنى الأبوه من شاف ولدنا كأنه شايف
طفل مريخي>>>>>>>>>>>طبعآ نظراته توحي

وأول إسبوع رايح جاي من الطايف لمكه عشاني الله يسعده
وبعد يومين صورت ولدنا وإرسلتها قلت النونو مشتاقلك وإلا هو جاي وبس يبوسه ويصوره

شفتوا إن الرجال ضعيفين مو وحوش بس حالهم حالنا يحبون إنك تداري عليهم

عاد إنتي نفاااااس تبيلك من يطالع فوجهك الله يعينك بس
وهذي تبغانا نطامر ورى أزواجنا ,,,,
نسأل الله السلامه ....
والله يشوفك تكرفين وتشتغلين الصدق بيفرح يقول الحمدلله زوجتي بصحتها وولدي عندي
طيب بعد النفاس جلس ظهرك مفكوك من الرجه الزايده ودوخه ورحمك نزل
ساعتها ماتلومي غير حالك وإذا هاوشك صدقيني هوشته قليله عليك
إلا يبيلك طراق عشان تصحصحين,,,,

إذا ماخفتي على صحتك هو وش بيده يسويلك يعني...؟؟؟؟؟

وملحقين على هالحركات أحط ورد وأحط صور وأرسل أقول بابا أنا مثتاقتلك >>>>الحمدلله والشكر

إن كان نفسه طيبه مابيجلس يستناك هو بيجيب الورد بنفسه
والصور حلاتها كل كم يوم وخلي ولدك وإلا بنتك تكبر وتبدء تضحك وتقول بابا سجليها
وإرسليها رساله صوتيه هذي حلاتها لما تجي على مهل
مو وإنتي مدرعمه والله تطقين الأربعين وهو لايعه كبده منك يقضي وطره ويمشي

ساعتها من جد يحوشك إكتئاب ونفسيه >>>>>الله الله بالحبوب

خليكم عاقلات مثل أمهاتنا والله العقل نعمه
ماشفنا خيانات ولا شكوك وأمراض نفسيه إلا من هالنصايح وعسى يجي منها خير

والله لو بسوي لزوجي كذا ليجرني جر على بيت أهلي,,
عارفين ليييييش؟؟؟؟
لإنه عارف عواقب الحركه واللحلحه الزايده تخليك تونين طول عمرك,,,,


أتمنى أكون أفدتكم وأرجوووووكم لاتحذفون ردي >>>> متعوب عليه
الله يصلح أحوالنا وأحوالكم ويسخر لنا أزواجنا لمافيه الخير والبر...