افكار لتزيين دبش العروسه

[rawan393]

السلام عليكم
كيفكم . امممم اكيد كل عروسهـ تشيل هم كيف تزين وترتب دبشها ونفسها يكون حلو ويعجب اهل الزوج..
عندي ليكم الطريقة طبعا من تجربتي الخاصه في ترتيب وتزين دبشي وبفضل الوالده وافكارها دبشي طلع روووعه وكل إلي شافه يسئل فين سويناه وطبعا احنا بنفسنا إلي سويناه ..
الطريقهـ..
1- لازم ماترمي ولا علبه ولا سلهـ ولا فلين>> طبعا انا كلمت زوجي كل الفلين الي يجي مع المكيف والثلاجه والغساله يعطيني هوا عشان منه انا عملت الافكار..
2- تحديد الالوان إلي تحبيها وياريت تكون لونيين بس الشي لو كثر بيزيد عن حده ويطلع بشع ..
3- تروحي عند محلات الجمله في جده >> اسمها البلد او الخاسكيهـ
تشتري باله قماش تل مع شرايط و ورود و ورد مجفف وسبتات كبيره طبعا بلونيين إلي اختارتيهم..
4- تشتري صناديق و دولاب خشبي ..
ودحين راح اشرحلكم طريقة الترتيب بصور من دبشي خطوه بخطوه ..
طبعا انا اخترت لون التل احمر مع قماش نمري >>تايقر و لون الشريط بني ..
نبدء اول شي طقم الحمام الفلينهـ تبع قاعدة الثلاجهـ لبستها بقطعة قماش النمري طبعا هوا استرتش ورصيت اغراض الحمام كلها.






وهذا الشكل بعد ما انتهى..


السلاسل حطيتها في شجره حديد لونها احمر تحتها قاعده فلين ملبسه قماش تايقر ..





ادوات الشعر كلها جمعتها في سبت مع جهاز الشمع ..



الساعات لبست المخده الصغيره إلي في علب الساعات وجمعتها في سبت احمر وغلفتهـ ..



الاكسيسورات جمعتها في استندات وقاعده فلينيهـ..



هذا استند الحلق..

وهذا لي اساور ..

الخواتم ..

وهنا طقم الشبكهـ


وهنا فصلت قاعدتين خشب للعطور ..



وهاذه علب بلاستك اشتريتها للجزم.. انتو بكرامهـ.





طبعا طقم الحمام والروب غلفتهـ بدا الشكل ..

وطقم شنط السفر بداخلها ملابس البيت والبجايم ..


المكياج حطيته في اصغر شنطه ولما راحو اهلي للبيت رتبوه بداخل الدولاب >>> من اكيا .
والشنطه إلي جنبهـ بداخلها الكوتشات ..

وجميع شنط السهره والخروج جمعتها في صندوق كبير ..


واشيائي الخاصه إلي اخدتها من بيت اهلي حطيتها في صندوق صغير وبجنبه صندوق فيه شراشف الصلاه والسجاده..


طبعا هنا الصوره مو كتير واضحه وللاسف ماعندي غيرها .
غلفت شنطة مكياج من نكتار وجنبهافلينهـ بداخلها بعض من المكياج .

وهنا جمعت الملابس الداخليه وحطيتها في صندوق صغير طبعا كل طقم سويته بكشه بتل الاحمر وشريطه وضعته داخل الصندوق>> اتمنى وصلت المعلومهـ



وجمعت الكريمات وادوات التجميل في سبت ..




وهنا استند ملابس علقت فيه فساتين قصيره والطويله الفخمهــ..




اممممم معليهـ الساعه 3إلى ربع والنوم كبس في عيني
في اقرب فرصه اكمل الباقي ..
وانتو لا تحرموني من تعليقاتكم..