تجمع حوامل سوريا-دردشة ورود سوريا-دردشة الغاليات

[hadeel al rouh]

مسا الخر ياحلوااات ‏
انا منيحة الحمد الله بس منو وجع ووحام بقرف ومنو ووجع بالقلب هاد طبعا كلنا عمناعني منو
انا دايما ببقا خايفة يابنات تخيلو ايمت مافقت بالليل بروح بفتح النت على اخبار منطقتي ومابقدر ارجع انام الا كون متاكدة انو مافي شهدا وطبعا بحاكي اهلي كل يوم تقريبا او يوم بعد يوم مابقدر ماحاكيهون دايما عبصير قصف وضرب الراصاص و عاد الطيران الحربي
والله الوضع صعب كتير على الي جوا الله يكون بعونون
بقا سامحوني لاني عبتأخر عليكون امانة انا مابستغني عنكون انتوا خواتي بالغربة


ام عائشة كتير انبسطت اني شفتك منيحة الحمد الله بالي كان عندك
انشالله يارب تولدي بالوقت الي حددولك ياه وتشوفي ولادك بحضنك يارب ياكريم

سروءة حبيبتي برافو عليكي ماشاء تبارك الله دايما فوتي وخليكي نشيطة والله حسستيني انو الشهر التاسع اهون من غيرو ربي يتمملك ويتمملنا كلنا

هايدي سلامتك شو عبصير معك والله هيك صعب كتير انتبهي عحالك ومنيح انو زوجك موجود وجاراتك باينتون حبابات الله يقومك بالسلامة وصحتيني وهنا على الكبة بالصينية كتير بحبها بس مو قادرة اعملها ماعندي ماكينة كبة لسا ‏

أماني الحلوة شلونك مية ‏ نقلتي على الشقة ‏ الجديدة او لسا الله يعينك النقلة وكركبتها مو سهلة الله يقويكي
واكيد منتشرف نجي لعندك هو بس نخلص انشالله من هالظلام الدنيا رح تصير احلا ‏
صحتين وهنا على البرغل ببندورة نحنا منقلو مغمومة فعلا كتير طيبة هالاكلة ‏

ووردة حبيبتي كيفك اشتقتلك انتي انشط واحسن مننا كلنا ههههه اننتي وردة التجمع والله ‏
انشالله بيبقا التجمع نشيط ومليئ بالحياة

عبورتي كيفك وكيفو حمودة اشتقتلك والله كمان انتي عبتغطي وكمان ظروفك الله يعينك يااارب ويقومك بالسلامة

جوري مشرفتنا الغالية شلونك وزونة كيفو ماشاء عبيكبر بسرعة وعبينشهر اكتر واكتر على قولة عبورة هههههه ربي يحميه
الله يعطيكي العافية انتي كمان على النقلة بس منيح اهلك جنبك بساعدوك وبشيلو عنك كتف على الاقل منشان يزونة ‏

مع الله ونهال ونادو ماعببينو انشالله يكونوا تمام انشغل بالي عليهون