اللي جرب التلقيح الصناعي او عنده خبرة بالموضوع يدخل الله يجزاكم خير

[يارحيم]

السلام عليكم ورحمة الله..

اغلبكم عارف اني قد جربت الانابيب (حقن مجهري) وفشلت معاي والحمدلله..

الحين رحت لدكتور ثاني وقالي بما اني جايه قبل التبويض وبما اني لازم انتظر الدورة الجايه قبل ابدا بانابيب ثانيه نصحني اجرب التلقيح الصناعي هالفتره..

يعني من غير منشطات ولا شي قالي اجي يوم الجمعه يسوي لي سونار واذا فيه تبويض عطاني تفجيريه وجيت بعدها بيوم او يومين وسوو لي التلقيح!! مادري ليه حاسه ان احتمال نجاحها معاي ضعيف بس مافيه شي بعيد على ربي..

يعني المرة اللي فاتت 14 بويضه و انابيب وحقن مجهري وزحمه وما طلع لي الا جنينين من الدرجة الثانيه بس وما ثبتو بعد اللهم لا اعتراض.. يعني احس وضعي صعب!! لكن الدكتور قالي مو خسرانه شي كذا ولا كذا ما يمديك الحين انابيب خلصت دورتك..

ثقتي بالله عاليه جدا واحتمال انه دلني على هالدكتور بهالوقت بالذات عشان اسوي هالعمليه البسيطه واحمل.. قادر على كل شئ..

لكن اللي ضيق صدري اني لما سويت بحث بالنت قريت ان اغلب اللي نجحت معهم اضطرو يعيدونها ثلاث واربع مرات عشان تنجح وان نسبة نجاحها من 10 الى 15 بالميه!!

عموما انا اسألتي هي: هل التلقيح الصناعي زي الانابيب لازم بعدها 48 ساعه راحه تامه!! ولا عادي امارس حياتي طبيعي؟؟ وهل فيه نصائح معينه ممكن تعطوني اياها الحين استفيد منها؟؟ وهل احد سواها ونجحت معاه من اول مرة؟؟

الله يجزاكم الف خير..