بتجيني نفسيه من كثر التفكير ..

[النوريه]

صباح الخير ع الجميع
كيفكم ان شاء الله ماعليكم شر ..
عندي مشكله بس مادري المكان هذا صح اكتبها فيه او لا بس بطرحها عليكم ..
المهم ..
انا حامل باول حمل و الان في اخر الشهر السادس الاسبوع هذا آخر اسبوع لي ان شاء الله ..

من فتره من الشهر الخامس وانا تعبانه مره يعني اذا نمت وقمت من النوم مااقدر امشي رجلي مره تألمني من مفصل الفخذ والحوض من جهة الظهر بس في رجل وحده ..
طبعا رحت للطبيبه قالت يمكن عندك التهاب في البول اعزكم الله..بس عملت تحليل وماطلع شئ
وعملت لي صورهوكشف بالموجات فوق الصوتيه وقالت عندك تقلصات في الرحم وعلامات ولادة مبكره ولازم ترتاحين حتى انها تحسبني موظفه !!
واعطتني ادويه واستخدمتها ونهاية الاسبوع جاني الم طلق .. بس الحمدلله ماكان الرحم مفتوح ورحت لطبيبة الطوارئ واكدت لي انو عندي انقباضات ووصفت لي ادويه وطلبت مني ارتاح ..
وقالت لي امتنعي عن الحركه والجماع ..
و الحمدلله خفت الالام شوي مع الادويه وقل الحركه بس زوجي مايصبر دائما .. قد مايقدر يحاول يمسك نفسه لدرجة انو ينام بغرفه ثانيه بس مافي فايده !!
ولما رحت للطبيبه في العياده في الموعد قالت لي اقطعي الادويه حقت الانقباضات والولاده المبكره والمثبتات لانك صغيره بالسن وهذي اثارها الجانبيه قويه عليك .. لانها فعلا تتعبني اذا استخدمتها بس تريحني ..

المهم مثل ماقلت لكم مشكلتي مع زوجي يعني ان صبر 3 او 4 ايام خلاص هذا اكثر حد عنده ..
ومن اسبوعين نزلت الافرازات فيها دم !!
بس خفيف مره يعني بالصدفه شفته .. وبعد 24 ساعه راح الدم ماعاد شفته وتطمنت قلت يمكن جرح خارجي بس ..
والحين لي ثلاث ايام من رجعت نفس الحاله ..
وعندي آلام طبعا في اسفل البطن ونغزات جهة اليسار واحيان من تحت يألمني اذا جلست احس بشئ يرتفع في بطني اذا جلست وكأنو بينفجر .. واذا مشيت شوي خلاص تجيني الام ولاعاد اقدر اتحرك ..
وانقباضات وتقلصات قويه تتعبني ..يصير بطني مثل الحجر .. اللي اعرفه انها طبيعيه بس حد معين مو كذا اغلب الوقت ..

موعد مراجعتي اول يوم بعد الاجازه .. هل اصبر وانتظر والا اروح الحين ..
وتتوقعون هالدم اللي مع الافرازات بسبب الجماع !!


ومين اللي مرت بهالشئ او كانت حالتها مشابهه ..
اخاف تجيني ولاده مبكره حتى ما اقدر انام بس افكر .. واذا قرب مني اجلس ابكي واترجاه اخاف من الآلام والا يجيني ولاده ..