الحاجة أم الإختراع .. يا مرضعات الصناعي هلموا.... وبالذات أمهات التوأم

[بنت شيخ]

كيفكم يا أمهات

أكيد كل وحده فينا من مرضعات الصناعي بيروح منها وقت وهي ماسكة الرضعة

على الاقل ربع ساعة ولما يكون الحال مضاعف كأمهات التوائم بيروح كمان وقت مضاعف

اليك هذه الفكرة الرهييييييييييييييييييبة صراحة انا اول مرة اشوفها
يمكن موجودة في السوق بس انا ما قد شفتها


يعني لو محتاجة ايدينك الاتنين ممكن تستعملي الاختراع الرهيب دا



او محتاجة نفسك كلك على بعضك كمان مفيد جدا


طبعا ما تروحي وتخليهم
لازم قدام عينك يعني بتطبخي او بتأنتري او بتدرسي عيالك او تلبسيهم الخ من الشغلات اليومية
وكمان في السوق رائعة انا جربتها اليوم

هي موجودة في النت وبـ75 ريال بدون تكلفة الشحن

فأختكم قررت انها تسويها بنفسها
صحيح ما طلعت نفس ترتيب الأصلية بس أدت الغرض المطلوب

سهرت الى الفجر وانا ااسويها وآخرتها من فرحتي لأني من زمان عن الخياطة والشغل اليدوي
قومت زوجي من النوم قلت شوف اش سويت
طبعا انبهر بس برضوا رجع نام تاني >>>>> أحمدي ربك مالطشك
أمي لما حكيتها قالت مسكين الله يعينه مدري اش قصدها


طبعا اللي سويتها كان ببقايا قماش قديم ونتفت مخده قديمة وحالة >>> قصة حياتها

واليوم التاني دقيت على اختي وقلتلها جايتك اليوم طبعا مو عشان سواد عيونها المسكينة عشان عندها مكينة
وجزاها الله خير ساعدتني كثير فيها
بس يا فرحة ما تمت طلعت مكينتها عبيطة وياله خيطنا وحده
والثانية رجعت وسويتها بنفسي يعني الزبدة اللي ما عندها مكينة ممكن تسويها بيدها لأنها جدا سهلة

التصوير سيء لأنه بكمره الجوال بس إن شاء الله توصل الفكرة لأنها جدا سهلة

الطريقة":


1ـ سوي البترون الطول بالضبط بطول الـ A4



والعرض اكثر من النص بشوية 12 سم تقريبا

والبترون عبارة عن نص الشكل

فطبقي القماشة الى 4 طبقات



2ـ بعدين قصي حتطلع معاكي كدا



3ـ خلاص خيطيها بيدك أو بالمكينة

ولا تنسي تسوي قطعة طويلة بعرض اصباع وتدكيكيها بلستك (مطاط)

وتحطيها في منتصف المخده ( نسيت اصور الخطوة دي )

بس هي باينة في الصورة شكلها زي ربطات الشعر

وبعدين تحشيها قطن وتقفليها

زي كدا





وكدا لما بتشبكي فيها الرضاعة



ها بشروا عساها عجبتكم