لغير الحامل ادخلي

[أوتار الحزن]

انا متزوجه من 11 شهر وتزوجنا انا واختي بنفس اليوم وعلى اخوان اختي حملت من اول شهر وكنت احس باعراض حمل بس طبعا مافيه حمل

والله العظيم انه في الدوام والاهل والي نعرفهم لهذي اللحظه وهم يسالوني ويوميا ونا حسيت نفسي بصير مجنونه منهم

واليوم اختي ولدت وانا كنت خايفه اروح واشوف البيبي وابكي بس لما عرفت انها ولدت فرحت وقدام اهلي اضحك ولما احس ان ماحد يشوفني والله اني ابكي من غير دموع واخر شي لما ما قدرت اتحمل قمت ورحت بكيت من قلب في الحمام وبعدين غسلت وجهي وطلعت

حريم اخوان زوجي واخواتي وبنات خالاتي كلهم متزوجات وكل وحده فيهم معاها اولاد والي حامل ونا الوحيده فيهم الله ما كتب لي

واذا على الكلام الجارح انا سمعت وايد وام زوجي تلمح لي بالكلام واخت زوجي لما اجلس معاها تجيب لي قائمه باسماء الحوامل والي ما حملو وتضحك على المتاخرات وللعلم هي بعدها بنت ما تزوجت وحتى اختي الكبيرة مرة كانت تحضن ابنها الصغير وهمست له في اذنه وقالت له قول لخالتك .... خالتي شوفي انا وامي !!!!
بس انا ما الوم الناس اذا عايروني دام اقرب الناس لي يسوون فيني كذا