مشفى الحرس الوطني بالرياض مين ولدت فيه

زهــــور · 03-26-2011, 07:56 PM

بنات منو ولدت بالحرس الوطني بالرياض

تكفون طمنوني كيفهم وكيف معاملاتهم

وكيف الخياطه وهي اهم شي عندي

ولا بس يمشون االحال مايخيطون

زين والبيبي وين يحطونه وكيف اعرفه

......................................

تكفون اللي عندها خلفيه تفيدني ولو بالشي

القليل

ولاتنسوني من دعواتكم يابنات

والله حمل كبير على ظهري

بس خلوها على الله..

سحاب · 03-26-2011, 10:29 PM

هلا يا قلبي
عنايتهم مره ممتاز
وصار الحيين زي المستشفيات الخاصه اذا ما صار فيه زحمه انتي وحظك عاد
بس مرره كويسين
ادعي ربي بتسهيل امورك

ام تميم 66 · 03-26-2011, 10:36 PM

اختي ولدت فية مرة ممتااز بس الله يعينك اذا قاالولك ماافية سرير,,,

زهــــور · 03-27-2011, 04:08 PM

الله يعطيكم العافيه وين البقيه وكيف الخياطه

تكفوون طمنوني على الخياطه..

R y o o M · 03-27-2011, 07:48 PM

توكلي على الله
والحين بولد فيه للمره الثانيه ان شاء الله

مساهير الشوق · 03-28-2011, 01:47 AM

مرااااااحب
اختي والده فيه مره قيصري ومره طبيعي تقول مره عنايتهم حلوه وخياطهم حلو

ساره.. · 03-28-2011, 02:10 PM

انا ولدت فيه خياطهم عال العال...ماشاءلله...

وعنايتهم حلوة...بس فيه حاجة

بوقت الولاده تعبت تعبت مرره وكانو المرافقات لي 2 وحده زنجيه ووحده فلبينيه...

الفلبينيه مادرت عني جالسه تغازل بتلفون المستشفى وكل مادخل الطبيب صكت السماعه بخوف

وترجع تتصل اذا راح وكل هرجها اي ميس يو واي لافيو..

والزنجيه بس تهاوشني ولا تجلس تسولف مع الداخل والطالع ياااربي جلست اصيح منهم...

وكل اللي بالمستشفى شافو عيبي...كلن يدخل شوي يطل علي ويروح

حتى اللي تكنس الغرفه طلت قلت خيييييييييييير بهواش

تروعت ولاعادت رجعت....

ديــــــم · 03-28-2011, 03:04 PM

والله رحمتك ساره
بالنسبه لي
انا اختي تولد
فيه وكثير اعرفهم بس انا والله ماجربته
مستشفى عادي بالنسبه لي صح نضافه وترتيب ويساعدونك البيبي مايجيبونه لك وقت الزياره بالنسبه للخياط عادي خارجيه حقت والولاده والسلام
هذا الي اعرفه وحبيت افيدك تقبلي خالص ودي

زهــــور · 03-28-2011, 05:51 PM

الله يعطيكم العافيه لكل اللي ردو وكل

اللي دعو لي لو ماكتبو شي

وتذكرو انه لكم بالمثل

ساااره الله لايوفقهم يارب والله اني خايفه وبس ادعي ربي

يسخرهم لي ذاك اليوم ..

ساره.. · 03-28-2011, 08:02 PM

لا ياديم اصلن البيبي مايطلعونه خير شر من الحضانه...الا وقت مغادرة المستشفى....

واذا تبين ترضعينه تروحين للحضانه ترضعينه هناك....ممنوع خروجه نهائيا من الحضانه

حتى اللي يزورونك مايشوفون البيبي...ممنوع...

زمان قبل 5 سنوات كانو الزوار يشوفون البيبي من ورا قزاز غرفة الحظانه
وعقب الصرقات اللي صارت للاطفال صارو حتى من ورا القزازة مايورونك

وانا دايمن اسمع ولادتهم زينه وعنايتهم مررره كويسه ونظام شغل خاص....

يكفي زوجة الملك تولد فيه...

بس بعقب على حاجه....

ورب الكعبه ماكذب عليكم والسالفه صارت لبنت عم امي....يعني موب سالفه سامعتها..
قبل اسبوعين....ولدت فيه بالحرس الوطني...
طبعا قيصريه...عقب الولاده الحرمة ماصحت

وصارت تنزززف بشكل مو طبيعي...
دخلوها العنايه....عقبين اكتشفو انهم ناسين المشيمه ماطلعوها....

ويدخلونها مره الثانيه العمليات ويطلعون المشيمه....وربي ماكذب عليكم

عقب كم يوم صارت ماتعرف اللي يدخل ويطلع عليها...فقدت الذاكره مؤقتا..

واللحين لساتها بالنفاس وحالتها الحمدلله مستقره وهي طيبه..ورجعت ذاكرتها...
وهذا اللي خلاني انزل موضوع قبل اسبوع اسئلكم عن الحرس الوطني..
رغم اني مجربته قبل 4 سنوات..بس خفت يكون ترادو....من اللي صار ببنت عم امي...

وانا بصراحه مجربته وكل من جربه مدحة....بس وقت الولاده اللي مدري ليش صار فيني كذا

امكن عشاني طولت فيه....يعني رحت المستشفى 6 الصباح وولدت اليوم الثاني 3 الفجر

ووقتها مرابطين عندي الزنجيه والفلبينيه ..دبلت كبودهم...

يلا الحمدلله عالصحة والعافيه وربي يهون عالجميع....

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عيادات الحرس الوطني في الرياض	حنان9	إستفسارات حوامل من الشهر السابع إلى الشهر التاسع	9	09-02-2012 03:18 PM
تجمع الحوامل المتابعات في مستشفى الحرس الوطني بالرياض	ساره..	إستفسارات المستشفيات و عيادات نساء وولادة	4	06-08-2011 08:38 PM
إستفسار عن مستشفى الحرس الوطني في الأحساء	اسما 333	إستفسارات حوامل من الشهر السابع إلى الشهر التاسع	10	12-26-2010 04:10 PM
الي ولدت في الحرس الوطني _جده_ طريق مكه .. تفيدني	ASO.VIP	إستفسارات المستشفيات و عيادات نساء وولادة	8	12-17-2010 11:01 PM
مستشفى الحرس الوطني	ام لووسي	إستفسارات المستشفيات و عيادات نساء وولادة	3	04-15-2010 02:10 PM