Xx‎ زوجك يغازل .. خانك .. معه بنات في الماسنجر .. تعالي عندي الحل

[بشارتي]

أخواتي أقروا كل كلمه بتمعن
والله راح ترتاحين نوعا ما
عجبني الموضوع ونقلتـــــه لكم
قريته أكثر من مره

مساء اوصباح الخير على جميع المحروقات المجروحات
إللي بداخلهم براكين لاتخمد
غضب و ألــــــــــم و حسره
أسئلة تحتاج لإجابات و إجابات
ليه تخون ؟
ليه تغازل ؟
ليه تكلم غيري ؟
أنا قايمة بكل واجباتك
أنا أعمل كل شي عشان أرضيك
أنا جميله ودلوعه
باطلع عنه أربيه
باطلب الطلاق
بابلغ أهلي
بابلغ الهيئــــه
باكلم البنات إللي يكلمهم
باتابع الأرقام إللي يتصل فيها
وبعدين ؟
بتنحل الأمور
لأ
لأ
حاسه بكل لحظة ألم تمــــــرون فيها
الغصه إللي تحرق حناجركم بالدموع
إللي تشهد عليها سجاداتكم و وسايدكم
بس خلونا نحكي بشوية عقل
كل وحده مجروحه تترك قلبها على جنب
وتحكم عقلها الزواج ماحيستمر وأنتي تتبعين مشاعرك وقلبك فقط
الزواج يحتاج لعقلك و ذكاءك و حكمتك
وأهم شي (( صــــــــــبرك ))
ولاتنسين قربك من الله
هو إللي يسمع نجوانا و يجيب دعوانا

أكتشفتي إن زوجك يلعب بذيله
أوكيه وش الجديد ؟
ليه الصدمه ؟
أغلب الرجال حالياً بهالشكل
نخرب على أنفسنا و لانحافظ على بيوتــــنا
ليه مخلين حياتكم الزوجية لعبة قط و فار
وسجين وسجان ؟
باصيده
باراقبه
باتابعه
بالعكس
الغباء نعمه في أحيان كثيره
أستغبي ماحتندمي إطلاقاً
لأن الرجل يكره المرأة إللي تتابعه
وتراقبه و تنتبه لكل شي
أنا لاحظت زوجي يرتاع لمايلاحظ مدى دقتي و نباهتي
فأصبحت أستغبي
لقيت أسهمي أرتفعت أكثر و أكثر
هذي هي طبيعة أغلب الرجال
يحبونــــك أضعف و أغبى منهم
وينفرون من ذكاءك
لأنه يحسسهم بالضعف
والرجل يكره هالخصله أمام زوجته
صدتيه يغازل
أعلنتي حالة الطواريء و الإستنفار
كنك ماصدقتي لقيتي عليه شي؟؟؟
وبديتي التخطيط للإنتقام
وجلستي عاد تجمعين الجديد
والقديم بتطلعينه على راسه
ولقى الشيطان مدخله لك
بدأ يثيرك و يستفزك أكثر
ويفتح لك أبواب شر لها أول مالها آخر
والنتيجه إنتي الخسرااااااااااااااانه صدقيني

الحلول ماحاطول عليكم
لأني حاسه بالبراكين القابله للإنفجار بأي لحظه
وهالكلام ماقلته إلا من تجربه شخصيه بحته
مايهمكم تعرفون مين صاحبتها
الأهم تعرفون النتائج
وإيش النتائج

الزوج مايكلم بنات نهائياً
جواله طول الوقت قدام زوجته
أي إتصال من بنت
أو رساله يوريها هي بنفس سامحه ومبتسم
تسوى عيونه
شايلها من عالأرض شيل
كل وقت و كل لحظه
يقول لها ماشفت أحد بحكمتك وروعتك
لوضعف بأي لحظه رمى الجوال عندها
أوقال لها كلمتني بنت اليوم
الماسنجر لماتجيه إضافه يبلغها و تضحك معه ويلغي الإضافه
لأن أحياناً ياخذون الإيميل من بعض مواضيعه
يحكي لها أي موقف يمر عليه ولوبالشارع أو بالسفر
صايرين مثل الأصدقاء مافيه حواجز أو أسرار أوغموض
هاه وش رايكم بالنتـــــــــــــايج ؟

بس ماجت إلا بعد صبر سنوات
وكفاح من هالزوجه و لحظات ألم مريرة جداً جداً كتمتها قدامه
ياما أستغبت
تعرف إنه يكلم بنت وتروح عنه
حتى ماينتبه إنها صادته
تجلس تلف تلف حوالين نفسها
وسكاكين تقطع قلبها
تنهار
تبكي
تروح لسجادتها وتناجي ربها

بس كانت تقرب من زوجها أكثر و أكثر تحاول تشغله
تشاركه بالنت
حتى يتعود يشاركها
تقول له شفت واحد طلب
إضافتي و أضفته طلع رجال وشته
طلع له قرون وينه هاتي إيميله
كنسلي مسنجرك
قالت له والله لويضيفني تريليون رجال غيرك مابي ولاأشوف

أرضت غروره
لما تلاقيه عالنت تجي تسولف معه حتى لومالها نفس
وماتتعمد النظر للجهاز غضي نظرك عن الجهاز هوبيحاول يخبي المحادثه
تجاهلي كنك ماشفتيها
أستمرت على هالحال

كان يطلع من عندها مشوار
وتعرف إنه طالع يكلم
ماتتصل عليه تتركه ياخذ راحته كنها مادرت
لوتأخر تتصل حبيبي وش فيك تأخرت
(ماتقول معاك إنتظار)
ويرجع يلاقيها بأحلى صورة

أكتشفت إنه مسجل بمواقع الزواج
لأنها أسهل طريقه لصيد البنات
جت قالت له بعد أيام
حبيبي فيه موقع سجلت فيه أسمــه كذا كذا
أنهبل يوم عرف إنها مسجله فيه
لاعبته لاعبته لاعبته

كره هالموقع نهائياً و ماعاد دخله

الصبر وطولة البال كل وحده تعرف زوجها ومداخله ومخارجه لاتقولون مانعرف
تعرفون وش يلفت إنتباههم وش يشدهم
بس يحتاج منكم لفترات طويلة وكفاح حتى تنتشلوهم


ممكن حتى تجي على نفسك وتقولي عادي تكلم بنات
بينهبل لوقلتي كذا

بينجن ليه ماتغارين علي
ردي عليه إذا ماخفت على مشاعري ليه أغار ؟

أجرحي و داوي
أجرحي و داوي

أسلوب الصراخ والمشاكل
والله يابنات ماينفع معهم النتيجه
جوالات ماتدرون عنها
مكالمات في أوقات طلعاتهم وحتى بالعمل
موكل مره زوجك بيكلم من جواله
ولاكل مره بتصيدي رقم ثاني
لهم طرقهم ومداخلهم
وأبواب الشر لين أنفتحت أنفتحت صدقوني

مكالمتك للي يكلمهم بتفتح لك أبواب
ليه تنزلين نفسك لوحـــــــده قذرة ؟
ممكن حتى تجرحك بالكلام
ممكن عناد فيك تتقرب له أكثر
أثقلــــــــــــــــــــــوا
إللي تبي تحافظ على بيتها و زوجها تثقل وتحكم عقلها وتقرب من الله
والله ماتندمون

بكره يجيبها لبيتك ماتدرين
بكره يسوي بلاوي مادرين
خلك نبيهه تابعي بحذر
حتى تكوني عارفه بكل الأمور
موتبقين على عماك
لين يدخل يابيده وحده متزوجها من علاقه
يامنومها في غرفتك
و أنتي عند أهلك مواعد بالعربي

لاإتصالكم بالهيئه بتنفعكم
أما بيرميك فبيت أهلك بحجـــة أتهمتيه و فضحتيه وشوهتي سمعته
والرجال لين حقد حقد
ولاطلعتكم لأهلكم بتنفع
ولاخناقك بينفع ممكن يطق بوجهك
ويقولك خلاص هذا أنا عاجبك هلا
ماعجبك طقي راسك بالجدار
(وأنتم أخبر ببعض هماجة الرجال وعنادهم وبجاحتهم)

أثقلوا و حلوا أموركم بذكاءكم وكيدكم
إللي تبي فعلاً تحافظ على زوجها وبيتها تتحمل وتصبر
حتى لوزوجك عاقل فيه بنات يبلونه في نفسه
إن زان الرجال مازانوا البنات
مايخلون أحد بحاله
والدليل روحي معه لأي سنتر
وشوفي كيف يحلى في نظرهم
لمايشوفونه مع زوجته وتبدأ حركات الإستفزاز
حنا يابنات يامجروحات في زمن الفتن و الشدائد كل يوم يمر نشوف أعظم
هل نخرب على أنفسنا و لانحل أمورنا

أنتي لما تطبخين طبخه ياترى بتطلع تمام لوعليتي النار عليها وطبختيها بدقايق ؟
ممكن تحترق ويروح تعبك وتخسرين

ولاتخليها تتسبك على نار هاديه
حتى لوميته من الجوع ؟
وتطلع زي الورد

العاقله بتفهم كلامي مضبوط
الله يعلم إني ناصحه لكم و متألمـــه للألامكم
موكل زوج ملتزم يخاف الله و يتقيه
ويوم مايلاقي إن زوجته ماتكفيه بيتزوج ثانيـه
ولاكل زوج بيراعي مشاعر زوجته
ولاكل زوج يعشق زوجته ومابيهون عليه يظلمها
حرقة قلبي عليكم
خلتني أكتب لكم اللي بخاطري
فهمتوني يابنات ؟
الموضوع منقــوول
الله يبعد الخيانه عن بيوتكم و يسعدكم يارب

[زوزي]

كلام في غايه الروعه والله العظيم نصائح مفيده جدا فتحتي عقلي من جد والله ايش نبي بالعاطفه
خليتيني استعد لأيام انشاء الله ماراح تجي يارب ..يارب تبعدنا عن هذي الحاجات يارب

[rose]

يعني سؤال بالله بالامااااااااااااانة هذا يرضي ربنا
بنات ليه نتهاون وهو لاسمح الله لوانكفشت بربع سواته ماراح يرحمها ليه
لييييييييه سؤال
ماقدر انا عن نفسي ماقدر الله لايحطني ولا يحط وحدة بموقف زي كذا ويجعلنا محصنين بس عن نفسي ماقدر الخيانة عندي خط اسود مو احمر كمان والله وعن تجربة في بنت خالي لدرجة انه من قوة تبى تحافظ ع بيتها وعيالها بدا كذا نففففففس الكلام ع خفيف ترقيم مواقع وهي قالت بصبر واجري عند ربي مايضيع
تخيلوا نتيجة الصبر تقول اخرتها يقولها جهزي الغرفة او اطلعي من البيت
تقول والله اجي القى السرير فيه عطر وبلاوي استغفر الله
ليش التساهل
يتااااااااااادب ويوقف عند حده ولا الله لايرد الغلا ولا يرد راعيه
ترى احيانا بيبداوا كذا بيشوفوا اذا اتساهلتي والله خلاص نوريها اللي العن
في اشياء بسيطة بالحياة الوحدة تمشي يعني مثلا ليش ماجبت ليش ماعملت الوحدة تصصصصصصصصبر وتصبر كمان الحياة صبر اما خيانه اغض نظري واعمل اني ماشفت لا والله بجيب اهله واهلي وخلي عاليها واطيها لين يتادب
حبيبتي هذا بتستر ع غلط وزنا وانتي عارفة ان النظرة تعتبر زنا وان الكلمة كمان بس سؤال حطي موقفك بمكانة واتخيلي بس لثواني الله لا يخلينا بمواقف كذا ويسترنا بستر رب العالمين متخيله راح يتفهمك
راح يغض الطرف
وربي يفضحك ومايخلي احد استغفر الله يفكر يرتبط فيك
زي ماهو مبداءة خط اسود ع الخيانة انا نفس الشي
باقي الامور عاااااااادي كلمته تمشي ورائيه يمشي وكل شي اتهاون فيه بسلبياته
بنات الضعف مو حل ووسيلة لقضاء المشكلة
وياما بنات راحوا فيها ما انسى سلفة بنت خالتي حسبي الله ع زوجها موتها بقهرها واتزوج القذرة اللي كانت بسبب وفاة زوجته وربي كانت قمر لا اله الا الله تمشي بجمال وست بيت وكاملة ومو كامل الا الله وصبرت رغم ماعندها عيال البنت عقيم وكانت ملتزمة رغم جمالها وتحملت الخيانة
وصبرت وكانت تقول ربي حط محبته بقلبي
اخرها لما شاف انها ملصقة فيه طلقها
قالها ماعندك كرامة
وربي شهر والبنت طااااابه ساكتة ورحنا عزاها
وهو ماكلف خاطره ع العشرة بس يحضر العزا زوجته تعتبر بيوم من الايام
يبنات التساهل في حد من حدود الله صدقوني مو حل هذي خيانة وربي يعاقب عليها لازم الوحدة تاخذ قرار وماتاف الا من خالقها
مادري هذا رائي وماحب اكون ضايقت احد بكلامي بس انا لي حق الشرع وربي كمان اقره لي ليش اتهاون انا ماشرعت شي من عندي
واتمنى ماكون زعلتكم بس بجد منفعلة

[angel_nanour]

والله معك حق اذا البنت سكتت الزوج يقول هذي ما عندها كرامه
الله لا يحطنا مكانها يارب و الحمدلله على الللي عندي

[زهره الرمان]

ايه والله صح المفروووض نفضحهم

بس كلام اختي اللي في الاول صح برضووه بس موكلووه

يعني اجيه بالطيبه اوكيه والمره الثانيه بالمسدس

ههههههههههههههه

لاعدمناااكم

[بيسان]

يعطيكي العافية

[عزيزة النفس]

اشكرك اختي بشارتي على موضوعك ولكن ما اقول (ابنك على ماتربيه وجوزك على ماتعوديه )
انا اقول (انتي اللي ربيه وادبيه)والله اخليه يهيص ويفلها ويكلم هذي ويسولف مع هذي واقول اصبر عليه خيييييييييييييييييير ان شاء الله بفرنسا احنا والا بمريكا والا وين عايشين؟؟؟؟؟؟
اصبر والله يا اختي انا اعرف حرمتين توفو الى رحمة الله من القهر اللي شافوه من رجالهم
وتقولين اشوف واعمل غبيه الين يجيني بالايدز والامراض والله ماعندي استعداد اعيش مع شيطان نجس الله مايرضاها
احترم هالكلام لكن انا مو من النوعيه اللي رح تفكر تتطبقه او عندي صبر على هالتصرفات
الحمد لله مارح اكلم هيئه ولا اخواني ولا اهلي لكن انفصل منه وخليه في ظلاله الين اخر يوم بحياته
انا احبه صح ........واحترمه .......واخدمه بعيوني .......واسهر عليه اذا مرض
واحاتيه اذا سافر وازعل من زعله وافرح لفرحه ودي يكون احسن الناس وكل هذا لاني ابي زوج فيه احترام وقبل كذا عنده ايمان وخوف من الله
وانا مع اختي روز بكل كلمه قالتها واعتبر كلامها هو الصح لكن غيره ماينفع مع رجالنا
والغربيات وهي بس عشيقته ماترضى يشاركها فيه وحده ثانيه تكبه وتطرده اذا عرفت انه يخونها
فما بالك بذات الدين؟؟؟؟؟؟؟؟؟؟

موضوع رائع اثار النقاش الجاد والهادف الله يعطيك الصحه والعافيه
اتمنى ما تزعلي من ردي لان هذا وجهة نظري الشخصيه
والله يحفظنا ويحفظ ازواجنا من الرجال والحريم اللي مايخافو ن الله

[عزيزة النفس]

عندي اضافه بسيطه تذكرت اقولها
لو ان الزوجه تسوي نص هالاشيا اللي قلتي عنها اختي بشارتي والله ما يسامحها ولا يطنش ولا يغفر لها ابدا هي لو تسبه ما طنش فكيف بها الاشيا ؟؟؟؟
يعني اعذريني مارح اتحمل ولا افكر اني اتحمل ياشين الرجال اذا انهبل باول حياته واذا مرض وجات نهايته طاح عند ام عياله يبكي ويدور السموحه
فات الاوان حبيبي روح للي بعتني علشانهم

[بنووتهـ كيووتــ]

هلا فيكــ
يعطيكـ الفـ عافيهـ ع طرح الرئع

نتمنى الكل يستــفيد من طرحك

نتظر جديدك

مع احترامى

[سكون الليل]

والله مع نفسو ما اسكت ولا استغبي والي باعني ابيعة ومااعترف بشي اسمو نزوة الغلط غلط والي يغلط مرة يغلط غيرها ولو الله لا يقولهاولايكتبها على اي وحدة غلطت بالله ممكن يستغبي ويطنش ويقول معليش نزوة مستحييييييييل والله لا يقلب عليها الكون وممكن توصل احيانا للقتل
مع احترامي للكل