أنا في كارثة لا بعلمها الا الله محتاجة من يصبرني

[بريق الألماس]

السلام عليكم ورحمة الله وبركاته
انا صار لي 2و8شهور متزوجة وما صار حمل
رحت المستشفى وراجعت عملت كل الفحوصات سليمة
وكان باقيلي بس أشعة الصبغة
وسويتها وكانت الفاجعة الحمدلله على كل حال
انسداد الانبوبين
يعني عقيمة يعني ما فيني عيال
انشالله يكون غلط بالتشخيص لانهم سبق وقالولي ان رحمي ذو القرنين
وطلع التشخيص غلط
امانة عليكم اللي تعرف وحدة قالولها كذا وطلع التشخيص غلط وحملت عادي
تصبرني وتقولي

[شجون الروح]

حبيبتي معليك منهم اصلا الانسداد مايحدث الامن العمليات القيصيه انا عملت الصبغة وقلي عقيم ملتصقه جدا يعلم الله انه سكر ملفي قال عقيم مايصلحلك الا طفل انابيب تخيل موقفي ساعتها لكن ربك كريم رحت للدايه ومرختنى وقلتلها معي كذوكذا قالت كذب الالتصاقات ماتحدث الابلعمليات والحمدلله ربي اكرمنى وحملت اتركيهم وجربي التمريخ وشوفي ربك كريم يرزقك ولايحرمك

[بريق الألماس]

مشكورة حبيبتي
والله ماتتصوري حالتي كيف
انتي باي منطقة واي داية رحتي

[*أم سلطان*]

إستهدي بالله ،،ومافيك الى العافيه ،،بسم الله عليك من العقم

أولا .. غير المستشفى الي تراجعين فيه ..اذا فيه لخبطه ومدري وش..
واذا كان انسداد بسيط بإذن الله ياتروحي لدايه ممرخه ،،أو عمليه بسيطه
مثل الناضور يفتحونه لك ..وبس ,,

وسلامتك من كل شر ,,

[حنونه]

والله كنت بقول لك قصه الاخت شجون بس صارت اول من رد عليك ماقصرت
لاتخافين وعليك بالاستغفار

[شجون الروح]

اذكري الله وعليك بالاستغفار وسورة البقرة يعلم الله اني ماتركتها خلال فترة علاجي عند الدايه
انا بالخبر بالمنطقه الشرقيه والدايه رقمها موجود بالمنتدى اسمها ام عبدالرحمن

[آم خليل]

ان شاءالله يكون التشخيص غلط وتكونين سليمه

طيب روحي مستشفى ثاني


لاتزعلين ولا تفكرين الله ييسر امورك

ربي لاتذرني فراد وانت خير الورثين

[ورد الكادي]

لايضيق صدرك يالغلا

يمكن تشخيصهم غلط

انتي روحي مثل ماقالوا البنات للممرخه زينه وشاطره

وخليها تمرخك

وباذن الله ان كلامهم يطلع كذب في كذب وراح تحملين وتجيبنه لهم علشان تورينهم

وعليك بالاستغفار يابعدي

[أم أبو بكر]

مافي شي بعيد عن ربنا سبحانه وتعالى
بس خلي علاقتك بربك قوية وزيدي ثقتك به وبرحمته وكرمه
وأحسني الظن بربنا الرحيم
والله عند ظن عبده به..فظني خيرا
والله يرزقني ويرزقك ويرزق الجميع الذرية الطيبة الصالحة

[smhaa]

روحي لطبيب اخر اختي او حتى سافري للخارج وتأكدي
كثير كثير دكاترا بيكون تشخيصهم غلط
ولاتقولي انك عقيمة بل قولي ربي يرزقني من عنده