انا في حيرة شديدة ساعدوني

[انا منتازة]

يابنات
انا في بداية الشهر السابع لسى اسبوع وادخل يعني
والمشكلة عندي الوحدة متى تروح عند اهلها
انا قلت بروح عند اهلي في الحج وموعد ولادتي في 14-3 انا اشوف ان الفترة هذي مره طويلة اترك فيها زوجي
وبنفس الوقت اقول ابغى اروح ارتاح وكلها كم شهر وبرجع مره ثانية
وش رايكم اروح ولا اجلس؟؟؟؟
ابغى ارائكم لاني احس اني افكر بغير عقل ابي راحتي وزوجي يبي راحتي بس انا ابي راحتة هو كمان وش الحل ساعدوني

[مضيعة]

ليه يا قلبي تروحين لاهلك الحين فعلا الوقت مررره طويله و مبكر ع الروحة عندهم !

برأيي اذا كنتم في نفس المدينه أشوف الافضل ما تروحي عندهم لحد ما تولدي وبعد الولادة روحي .. واذا كنتي في مدينه غير أنتظري لحد ما تكوني بثاني او ثالث اسبوع بالثامن وروحي ..
لأن عندك مواعيد ومراجعات والافضل انك تروحيها مع زوجك ..



و طبعا شوفي أرآء البنات ..

وبالتوفيق

[ملكة المشاعر]

حبيبتي روحي روحي في التامن


الله يقومك بي السلامه

[انا منتازة]

انا في الغربية وهم في الرياض
وماني عارفة وش اسوي

[بنوتة ناعمة]

خليكي عند زوجك لا تروحين الا بنهاية الثامن اوبداية التاسع
لا تسيبين زوجك الحالة هذا رايي والله يقومك بالسلامة

[أإأم ع‘ـــزُوـوزُ]

إأإنتي نفس حـآـآلتي بس أنـآ ألحين بنهـآية السابع يعني على ذي الحج بدخل الثامن

وأهلي بالرياض وبطلع لهم باالعيد أنـآ بجده

يعني بالثامن ثاني أسبوع

كنت أقول من السابع بطلعلهم بس رفضت أمي وقالت المده طويله ومـآرح أولد إلآ بنهـآيه التاسع يعني بطول

إن شـآء الله بالعيد بكون بالإسبوع الثاني من الثامن بروح الرياض

الله يسهل علي وعليى الجميع حملهم وولآدتهم ...

[ذكريات الماضي]

لسه وقت قعدي ويه رجلش واذا دخلتي التاسع روحي لاأهلش

[ذووووق]

انا كمان من رايي تجلسي ببيتك وعند زوجك ولما تكوني بنصف الشهر الثامن او ببداية التاسع روحي لان صدقيني عند زوجك ترتاحي اكثر والله يقومك بالسلامه

[انا منتازة]

الله يسهل علينا اجمعين يعني الاغلبية يأيدون اني اروح نهاية الثامن او نص الثامن
الله يسهل ان شاء الله ونشوف اراء باقي الاخوات

[أم بتال]

انا زيك والله تعبت انا بالشرقيه واهلي بينبع ولادتي نهايه شهر 3 بس انشاءالله بروح نهاية الحج يعني بداية السابع وبصراحه شايله هم زوجي اني بسيبه بس من يوم متزوجت ماشفت اهلي يعني لي 5شهور وبصراحه تعبت مره مشتاقه وكمان تكون فتره شوق وتغيير بيني وبين زوجي هي صح طويله بس عادي نغير جو ونرجع كم شهر للعزوبيه والله وحشتني والله يسهل علينا الولاده يااارب