شعيرات دم قليييلة جدا ووقفت هل طبيعي ؟

[أنوار الولاية]

السلام عليكم ...

اخواتي ان في الشهر الثالث , شهرين وعشرة ايام تقريباً ..

المهم البارحه طلعت السوق ما تأخرت لكني تعبت واليوم المغرب لقين شعيرات قليلة جدا يعني بس مره وحده واختفت ورجعت الافرازات بيضاء ..

نص رمضان نفس الشي بس مرة وقلييل يعني بوصف ليكم كيف ,, شفتو حرف ال I هههه يمكن نفس طولها اربع شعرات فقط واختفت ..

سمعت ان الشعيرات القليلة جدا بسبب توسع الرحم ..


لا تقولي اروح المستشفى لاني بروح بعد العيد ,, اليوم اخذت مثبت اول يوم لي اخذه ومستمره على الفولك والاسبرين ...


طبعا عندي اطفال سابقاً لكن ما اذكر اصغر طفل 6 سنوات , اذكر صار لي نزيف في الثالث بسبب نزول المشيمة لكن الحمد لله استمر الحمل ...

طمنوني

[أم حمودي وعبودي]

حبيبتي كيف تقدري تصبري لبعد العيد
انتي مسؤولة عن حياة إنسان داخل بطنك
والمفروض ما تسكتي على أي عرض غير طبيعي
لو أنا فوراً أطير للمستشفى

[وظني بك ياربي جميل]

والله لو انا ماايهنالي بال لين ا وح واطمن .. روحي بس سونار اطمني
واطلبيها تعطيك ابر بروجيسترون لانك مسقطه قبل والله خير حافظ
استودعيه الله

[أنوار الولاية]

الي اجهضته من قبل كان 6 اسابيع وتوقف نموه هو السبب

انا اخاف اروح لأني ما ابي فحص من تحت لانه قد يسبب اجهاض

اخر مره قلت للدكتوره ما ابي فحص تحت قالت لازم من تحت لان الجنين ما يبين وطبعا اجهضت الجنين

هالمره الحمد لله دخلت الثالث بسلام عكس اجهاضي السابق دايما يوجد دم ووحم بس كم يوم وانقطع

حاليا مافي شي فقط نقطه صغييييره جدا من المغرب اتوقع من يوم اطلع امس والليله

الله يتمم لي ع خير

[عبير الصيف]

ولو حبيبتي لازززززم تروحين تكشفين تعرفين وضعك بالظبط
انا ساويت سونار داخلي من بداية حملي وألف الحمد الله مافي شي
انتي روحي اطمني على حالك وعلى جنينك

[أنوار الولاية]

😩

بيني وبينكم انا خايفه اروح المستشفى

لكن الحمد لله الي مطمني اني بحس بحركة البيبي ما شاء الله حركة خفييفه جدا لكن مميزه ..

لك الحمد والشكر يارب

وبشوف يمكن اروح المستشفى ✋🏻😕

[bino]

حبيبتي من اللي اقنعك السونار المهبلي انه يسبب اجهاض !!!؟
السونار المهبلي مصنوع بدقه فآئقه بحيث انه مايضر كيس الجنين ولا يوصل له وحجمه ماهو كبير لدرجه انه ممكن يجهض !
معقوله يعني راح يخترعون حاجه تضر وانا اغلب سونارتي كلها ب المهبلي ولا صار لي شي الحمدالله ب العكس بطلع كل شي واضح وتتطمني اكثر ع البيبي
والاجهاض شي مقدرنه رب العالمين وله سبب لاتبنين اسباب وهميه من كيفك حبيبتي
ولزوم تتطمني ع البيبي باسرع وقت لان الدم سواء كان بني او شعيرات حمرا كلها ماتطمن
واسألي مجربه واللي يسبق لهم النزيف والاجهاض مفروض تتابع تقريبا كل اسبوعين ونص عشان تتطمنين ع حاله الجنين ووضعيه المشيمه
والله يحفظ اجنتنا يارب

[فاقده الغالي]

انا من رايي انك لاتجهدين نفسك وارتاحي هالفتره الجاي وبعد العيد روحي تطمني لان تقولين جاتك بالشهر الثاني هالشعيرات والحين تحسيت بدقاته خلاص ان شاء الله مافيه الا العافيه بس عليك بالراحه

[حياتي توأمي]

الله يثبت حملك ان شاء الله ويتمملك ع خير يااارب

[ام روزي ويوسف]

ان شاء الله خير هي حاله طبيعيه ومافي داعي للقلق سلامتك