موضوع متجدد ( متابعة التبويض بأشرطة التبويض المنزلية))

[أسيرة زوجي]

الله يوفقك حبيبتي

و تفرحي بحملك في هذا الشهر الفضيل

[fruit girl]

شكراً حلوات على المتابعة و اعتذر ع الانقطاع خلال فترة الويكند و اتابع وياكمو طبعاً لازالت النتيجة سلبية و اليوم 13 من الدورة
طبعاً انا هالشهر ما اعرف متى التبويض مالي بيصير لان دورتي الشهر الا طاف تأخرت اسبوعين و الحين اسوي متابعة يومية باشرطة التبويض المنزلية حتى اعرف وقت التبويض متى بيصير و الله يرزق الجميع يارب

بالاضافة الى ان اقيس درجة حرارتي يومياً و لا زالت من الطهر مثل الشي متفاوته بين 36.3 و 36.4
اول مرة اتابع التبويض بهالطريقة تجربة حلوة هههه من فوايدها بالنسبة لي ما احس بتوتر !! ان طوفت ايام التبويض و اقعد احاتي و فوق ذي زوجي تحمس لان من سويت متابعة طبعاً علقته في صوب الاشرطة مال التست بشكل يومي و صار عنده حماس حق يتابع التطور هههه و ينطر الجديد لكل يوم و الله يرزقنا يارب بهذا الشهر الفضيل
و طبعاً بناءاً على الصور المرفقة للحين ما ابتدى التبويض و اليوم 13 لي من اخر دورة

[مرايمم]

الله يرزقك
بانتظار النتائج القادمه

[Nonii_11]

الله يرزقك يارب عاجل غير اجل يارب العالمين. .
موضوعك جا ف وقتو لان نفسي اتعلم متابعة التبويض
انتي متى تحللي ؟ كل يوم بنفس الوقت ؟
ﻻن حسب معلوماتي تقيسي كل يوم 11 الصباح و11 الليل مرتين باليوم وبنفس الوقت يومياا ..

[مادونا سعوديه]

اهلين فروت بعد معاج متابعه اليوم انا باليوم 14 سويت التست طلع سلبي مع اني الشهر الي فات صار التبويض عندي باليوم 14 شكله هالشهر بيتاخر التبويض عندي مستغربه كل شهر انا تبويضي باليوم 13 او 14 الظاهر بسبب حبوب الفيتكس الي استعملهم

[مرايمم]

الله يرزقكم من فضله مادونا
ام هدى انا كنت اسوي مره باليوم وطلع معي واستخدمت كلير بلو
الاخت فروت بتفيدك ان شاء الله

[مادونا سعوديه]

وينج اختي فروت صار لج كم يوم ماتتواصلين بالموضوع عسى المانع خير

[مرايمم]

الله يسهللها

[fruit girl]

يا هلا معذرة انقطعت عنكم بس تدرون شهر رمضان و برامجه و مايمديني ادخل النت و لكن ولا يهمكم اخلي لكم النتايج


طبعا للاخت الا سئلت شلون تستعملهم الستربات مال كاشف الاباضة
اولاً ان العينة مالت البول ماتكون مالت اول شي الصبح
تاخذين العينة بين 10 الصبح لحد 10 الليل عندج هالفترة
و طبعاً كل يوم مثل الوقت تجيكين و لازم حزة الا مجيكة ماتكونين شاربة سوائل وايد خلال فترة 4 ساعات قبل التحليل

و طبعاً هذي الرسلت مالي من يوم 14 بالليل ليوم 16 بالليل و ظهر تبويضي في يوم 16 و جيكت اكثر من مرة على فترات لحد ما صار اغمج الخط

طبعا دام تبويضي 16 يعني يفترض ان صح ان دورتي عقب 14 يوم = يوم 30 من الدورة
و الله يرزقنا الذرية الصالحة يارب بالشهر الكريم

[مادونا سعوديه]

ماشاء الله فروت حلو التست الاخير معناه التبويض ممتاز وفالج وانا معاج بهالشهر الحمل انا سويت التست يوم 18و19 من الدوره اتوقع يوم 19 اهو تبويضي لاني صار معاي الالم المبايض بهاليوم بس الخط الثاني غمق بس ماكان اغمق من خط الكنترول وكان ضعيف شكله تبويض ضعيف هذا الشهر والشهر الي طاف نفس الشي بس من قبل كان خط التبويض اغمق من خط الكنترول بس املي بالله كبير انه قادر يرزقني الحمل