حامل في الاسبوع 36 و خايفة اولد

[ليمآإآ]

السلام عليكم كيف حالكم حبايبي

خواتي انا اليوم اول يوم بالاسبوع 36 و معي طلق كاذب و خايفة اولد بالاسبوع 36 و ياثر الجنين .. الي عندها فكرة او الي والدة قبل بالاسبوع 36 و كان كل شي تمام تطمني جزاكم الله خير علما قبل اسبوع دكتورتي قالت وزن الجنين كيلوين و 100 غرام و انا ف بكري ولدت بداية الاسبوع 39 طمنوني عادي اولد ف 36 بدون ما يدخل ابني الحضانة ؟!

ارجو انكم ما تطنشوني هالفترة المنتدى نايم و مافيه حركة فياريت الي مجربة تجاوب و ربي يسهل علينا و يرزق خواتي المنتظرات

[أماني]

ياقلبي يكثر الطلق الكاذب بهالفترة لين موعد الولادة

مو شرط ولدتي بالاول الاسبوع 39 معناها الثاني بعد..

لأن هذي حسابات تقريبية لموعد الولادة ..

توكلي ع الله وادعي وربي مايرد لك رجاء آمين

[ليمآإآ]

جزاج الله خير عزيزتي بس الي اقصده عادي اولد في الاسبوع ٣٦ و يكون طفلي الحمدلله بخير يعني الرئة في هالاسبوع خلاص تكون مكتمله

[ريحانة الجنة]

ايه عزيزتي خلاص الحين دخلتي التاااسع وكثير من الحريم تولد باول اسبوع
خلاص صرتي بالتاسع اصلا ...البكرية طبيعي تطول ..بأذن الله مايحتاج وليدك حضانة
لاتخافين وانتظمي ع اكل التمر وشرب الحليب الدافي المحلى بعسل
التمر كلي قد ماتقدري صدقني فيه منفعة ماتوصف
وكرري ايات التسهيل وادعي ربك ولا تحطين ببالك الوجع وووو كلها نص ساعة وتمر باذن الله وتقر عينك بوليدك
وترا نفسيتك وتوترك ينعكس ع وليدك كمان ..هو كمان يواجه مشاق المخاض وصعوبة النفوذ عبر الحووض فتشجعي عشان وليدك يتشجع معك ربي يقومكم بالسلامة
الله يكتب لك ولادة ميسرة سهلة بحوله وقوووته

[um jojo]

ايوا عادي ياعسل انا ولدت بنتي بداية الاسبوع 36
وكان وزنها كليوين و200 والحمدلله مااحتاجت حضانه
وكل شي كان تمام..والدكاترة يقولوا دامك دخلتي التاسع
ان شاء الله مافي مشاكل الله يييسرلك ولادتك.

[أم دعاء 2]

الله ييسرلك وإياانا يااااارب

[حياتي توأمي]

لاتخافي ان شاء الله تكملي التاسع
والطلق الكاذب حتى من الشهر الثامن بدأ معاي
وماولدت ألا بالاسبوع ٣٨ وبطلق صناعي بعد

وكلي امرك لرب العالمين
وحتى لو نفرض ولدتي بال ٣٦ عادي مو لازم حضانه
اذا البيبي تعدى ٢ كيلو مايدخل الحضانه هذي معلوماتي


موفقه

[ليمآإآ]

الف شكر لكم و ربي يجزاكم الف خير و ربي يسهل علينا و يرزق خواتي المنتظرات الحمل السليم

للاسف لين الحين اعاني من الطلق الكاذب و في بعض الاوقات تكون قوية و تاخذ ساعات على ما تروح ان شاءالله اولد بالسلامة هلتلاسبوع او الي بعده و ارتاح

[كواعب اترابا]

الله يوفق الجميع إن شاء الله
اللهم صلى وسلم وبارك على نبينا محمد

[جوهره السعوديه]

الله يسهل عليك يارب وسهل علينا

انا ودي اولد واخلص لاني حيل تعبانه

اهم شي انك دخالتي التاسع ياقلبي