ارجوو من الكل الدخول ابي ارتاح

[دمووع الحزن]

السلام عليكم كيف حالكم ياحوامل انا عندي موضوع شاغل بالي حيل
انا في الاسبوع 27 وهذي الحمله الرابعه والحملات الي قبل كنت
مااولد الا بطلق صناعي اول مره نزل لي مويه والثانيه طاف موعد ولادتي
وولدوني بتحاميل طلق صناعي والثالثه نفس الشي وخايفه حيل هالمره تكون
نفس الشي من منكم حصل معها نفس الشي وولادت بطلق طبيعي

[ayato]

ماعندي علم..ربي بسهل ولادتك

[جوهره السعوديه]

الله يسهل عليك يارب

والله ماعندي علم ان شاءالله البنات يفدوك

[نونة بنت حقل]

شوفي ياعسل بقولك معلومة طبية وأكيدة الطلق الصناعي والطلق الطبيعي متساويين في الوجع

بس الفرق بسيط الطلق الطبيعي بطيئ وممكن ياخذمعاك أيام وأنتي تتألمي بس الطلق الصناعي أسرع ويجيك الألم مرة وحدة أستغرب الحريم يكبرون المواضيع ويخوفونك كلها تساهيل من الله بس المهم لاتخافي وفكري في البيبي الي راح ينورحياتك
وعليك باالدعاء والأستغفار والصدقة وعسى ربي يقر عينك بشوفت طفلك ويسهل ولادتنا جميع وأسفه على الأطاله

[دمووع الحزن]

المشاركة الأصلية كتبت بواسطة نونة بنت حقل

شوفي ياعسل بقولك معلومة طبية وأكيدة الطلق الصناعي والطلق الطبيعي متساويين في الوجع

بس الفرق بسيط الطلق الطبيعي بطيئ وممكن ياخذمعاك أيام وأنتي تتألمي بس الطلق الصناعي أسرع ويجيك الألم مرة وحدة أستغرب الحريم يكبرون المواضيع ويخوفونك كلها تساهيل من الله بس المهم لاتخافي وفكري في البيبي الي راح ينورحياتك
وعليك باالدعاء والأستغفار والصدقة وعسى ربي يقر عينك بشوفت طفلك ويسهل ولادتنا جميع وأسفه على الأطاله

حبيبتي ماقصررتي وانا عارفه ان الفررق بس في مدة الطلق بس الطلق الصناعي والله متعب حيل

[نونة بنت حقل]

أدري أنه متعب ومثل مايقول المثل أسأل مجرب ولاتسأل طبيب أنا بحملي الأول من س11الليل الى الساعة 3العصر وهم يعطوني طلق صناعي وكل كم ساعة يزيدو الجرعة شفت الموت والرحم مافتح وبعد هاالمعاناه ولدوني قيصري برغم إن البيبي كان راسه قريب جدا" بس ماشاء الله وزنة كبير يعني أكلت الأثنين الولادة الطبيعي والقيصري والحين حامل في الثاني وأبني عمرة سنتين و6شهور ويارب اولد طبيعي هههه قصة حياتي بس والله حاسه فيك كله بأجرة والله يقومنا باالسلامة

[حياتي توأمي]

حبيبتي التساااهيل من ربك

الله يسهل ولادتك يارب

[دمووع الحزن]

مشكورين ونورتوني بردودكم والله يسهل علي وعليكم

[Moemiamor]

كان نفسي افيدك بس انا بكريه مااعرف شي الله يسهل ولادتك ويتمم لك بالخير حبيبتي

[عيالي سعادتي]

ربنا يسهلك و يعينك و تقومين بالسلامة انا في ولادتي الأولى جربت الطلق الصناعي وفعلا متعب وإن شاء الله ما احتاجه في ولادتي هالمرة
بس ما هو شرط في كل ولادة تحتاجين للطلق الصناعي بنت خالتي في البكر ولدت بطلق صناعي وفي ولادتها الثانيه طبيعي