ابني لايرضع ولايزحف

[عوالي]

السلام عليكم ورحمة الله وبركاته

مرحبا مامات

عندي مشكله واتمنى تساعدوني فيها

انا ابني كمل اليوم 6 شهور ومازال يرضع رضاعه صغيره ومو كامله كمان بيرضع 90 مل
ولمن اغصبه بيستفرغ هذا غير انه مايطلبها.. انا كل ساعتين ثلاثه اعطيه رضعه
وعلى هواه احيان يشربها واحيان لا

المشكل الثانيه انه كان يزحف على ظهره ويتقلب كثير .. بس من شهر ونص خفت نسبة تقلبه لدرجة الان يمر يوم كامل ماينقلب بيجلس على ظهره طول اليوم وبالتالي لسى ماحبى او زحف
احاول اساعده احيان عشان ينقلب ويزحف ويحاول معي

ساعدوني ارجوكم

[ayato]

روحي اكشفي عليه ويارب يكون سليم

[حياتي توأمي]

حبيبتي الله يسامحك
عمره ٦ شهور كيف تبغيه يحبو او يزحف
انا بنتي ٨ شهور واسبوعين تقريباً ولا تحبو ويادوب بدأت تزحف هالأيام

اصبري عليه
وبالنسبه للرضعه اذا تعطيه كل ساعتين بالعكس الكميه مناسبه
يعني الطفل ب ٦ شهور ياخذ الرضعه كل ٤ ساعات تقريبا اذا كانت رضعه مثلا ً١٨٠

لكن ولدك يشرب كمية أقل وانتي تعطيه كل ساعتين فاعتقد عاادي

عطيه على قد حاجته لاتغصبي عليه وبعيدين يرجع ويتقيؤ

الله يحفظه لك

موفقه

[اسماء24]

االله يهديك يا اختي مازال صغير
انا بنتي 8 شهور تزحف فقط مازالت ع الحبو

[عوالي]

شكرا لكم على ردودكم
وربي يطمنكم

طيب انا ولدي يرضع خلال 24 ساعه مثلا من الفجر للفجر 6 ل 7 رضعات حجم 90 مل
هل تعتبر كافيه ؟

بالاضافه انه صار بيأكل سيريلاك وجبه باليوم

انا عرضته لدكتور وقال صحته سليمه

[زيزي ام الحلوات 3]

اختي اعطيه فيتامين ) د (
بنتي الكبيره ما اعطيتها فيتامين وجاء عمرها 9 شهور وهي ماتحبي ولا تتقلب فوديتها دكتور قالي انتي لسى ع الفيتامين قلت لا سبتها من يوم كملت شهر قال غلط المفروض تخليها الين سنه وبعدين اعطيتها اياه شهرين والحمدلله اتحسنت وبدت تتحرك والحين عمرها سنتين بس لسى جسمها ضعيف اما بنتي الصغيره من بعد الولاده وانا ع الفيتامين للحين وعمرها 7 شهور وماشاءالله بدت ت تتقلب وعمرها 4 شهور وبدت حبي و5 شهور الحمدلله وان شاءالله ما اسيبه الا بعد ماتكمل سنه فاانصحك بالفيتامين د من الصيدليه تاخذيه والله يحفظه لك

[عوالي]

انا صار لي شهرين بعطيه فيتامين دال

[ام ارجواااااان]

الله يشفيه ياارب