جعل كل من ترد علي للجنه ولاده طبيعيه بعد عمليتين

[ام ولاء*]

السلام عليكم 🌹

الله يسعدكم ابي اسالكم اذا احد ولد طبيعي بعد عمليتين قيصريتين

عندي بنتين كلهم عمليات الحمد الله بنتي الصغيره الان عمرها ثلاث سنين وانا الان حامل بالشهر الرابع

سالت دكتوره بمستوصف خاص قالت اذا عندك عمليتين معناته الولاده الثالثه بعد عمليه

مع اني الحمد الله ماعندي اي مشاكل

الله يسعدكم طمنوني اذا احد ولد طبيعي بعد عمليتين
ونسيت اقولكم ان الدكتوره قالتلي لاتستني الطلق بالتاسع روحي خذي موعد ولاده وروحي اولدي عمليه بدون طلق وكذا
مادري اسوي زي ماقالت وللا لا
افيدووووني جعلكم للجنه ويحققلكم ماتتمنون يارب😢

[ام ولاء*]

اعتذر خطا مطبعي بالعنوان 👆
جعل كل من ترد علي للجنه ولاده طبيعيه بعد عمليتين ✅

[بحــ العيون ــــــــر]

ماعندي علم الله يسهل عليكي يارب

[basouma26]

حبيبتي انا مثلك مسوية عمليتين و اتمنى المرة الجاية تكون طبيعي ان شاء الله

بس في رايي مادام ما عندك مشكلة المفروض تولدي طبيعي حاولي تشوفي دكتور ثاني يكون شاطر و قوليلو انك حابة تولدي طبيعي اذا ممكن يساعدك و ان شاء الله يسهل عليكي و تولدي طبيعي

بالتوفيق ان شاء الله

[ام ولاء*]

مشكوورين عالرد الله يعافيكم

حبيبتي بسومه كيف ممكن يساعدني اولد طبيعي
اساسا اغلب الحريم اللي اعرفهم ولدوهم بالمدينه المنوره قيصري الله المستعان صارت موووضه
الله يستر

يارب يارحيم اولد طبيعي ويسهل ولادتي ولجميع من يقرا رسالتي

[مكتومه]

لﻷسف راح تكون ولادتك الثالثه عمليه لازم لانك ولدتي عمليتين وفي خطوره عليك لو تولدي طبيعي لانك جرحين فيخافون وقت الطلق الرحم يصير فيه تقلصات ويتمدد الجرح وينفتح ويسبب لك نزيف داخل الرحم لاسمح الله يعني فيه مضاعافات انا اختي مثلك حاولت تولد طبيعي بس قالها الدكتوره في خطر على حياتك والاهم تقومي بسلامه أنتي والبيبي وماتجازفين الله ياجرك ان شاء الله وكلي امرك لله وكثير ولادتهم عمليه الله يسهل عليك وعلينا يارب

[ميدوري]

انا الي اعرفه اذا مرتين قيصري خلاص مافي طبيعي لان الطلق يكون مرره خطر عليك

فالاحسن تولدي قبل مايجي لك الطلق

وليه تبغي تجربي الطبيعي ؟

الاثنين تعب و وجع ... رغم اني ماجربت الطبيعي بس خايفه منه مررره ...
ولدت مره بس و كانت عمليه و ممكن تكون العمليه ارحم و الله اعلم

كثير يقولوا الطبيعي اهون بس بعد الكل يقول الطبيعي صعب و الطلق مووت و خروج البيبي مؤلم مررره
و الجرح بعد الولاده يكون في المهبل مرره حساس حتى البعض صعب يمشوا مده مو بسيطه و كثير يلتهب لانه بمكان حساس
و غيره و غيره مشاااكل بعد الولاده الطبيعيه

فلا تفكري ان الطبيعي راحه كلهم تعب في تعب القيصري و الطبيعي و اثنينهم فيهم جرح

انا ما اعرف الطبيعي بس حسب ما اسمع و الي استنتجته ان الطبيعي بتموتي وجع وقت الطلق و بيروح بعد الولاده بس بيظل وجع الجرح و الوجع مع الرضاعه و ممكن مشاكل ثانيه مثل بواسير و توسع تحت و بلاوي

العمليه من اسمها تخوف ... بس مابتخافي و انتي تولدي و لا تتووجعي التعب كله بعد الولاده و اظن بيستمر مده اطول من الطبيعي
و بالمقابل مافي مشاكل بالمهبل او ما شاابه

الاثنين تعب و لهم سلبيات و مصاعب مافي ولاده بدون تعب

ارضي بنصيبك و المهم تقومي و البيبي بصحه و سلامة و ربي بيجزيك ع تعبك ان شاء الله

[ام ولاء*]

المشاركة الأصلية كتبت بواسطة مكتومه

لﻷسف راح تكون ولادتك الثالثه عمليه لازم لانك ولدتي عمليتين وفي خطوره عليك لو تولدي طبيعي لانك جرحين فيخافون وقت الطلق الرحم يصير فيه تقلصات ويتمدد الجرح وينفتح ويسبب لك نزيف داخل الرحم لاسمح الله يعني فيه مضاعافات انا اختي مثلك حاولت تولد طبيعي بس قالها الدكتوره في خطر على حياتك والاهم تقومي بسلامه أنتي والبيبي وماتجازفين الله ياجرك ان شاء الله وكلي امرك لله وكثير ولادتهم عمليه الله يسهل عليك وعلينا يارب

مشكوووره عالرد حبيبتي اختك اللي حاولت تولد طبيعي كم لها سنه بين ولادتها والولاده اللي قبلها ؟؟
انا كلمت وحده من قريباتي ممرضه قالتلي اذا ماحسيتي بالم بالعمليه عادي تولدي طبيعي اذا كل شي تمام
الله يكتبلي اللي فيه خير يارب

[ام ولاء*]

المشاركة الأصلية كتبت بواسطة ميدوري

انا الي اعرفه اذا مرتين قيصري خلاص مافي طبيعي لان الطلق يكون مرره خطر عليك

فالاحسن تولدي قبل مايجي لك الطلق

وليه تبغي تجربي الطبيعي ؟

الاثنين تعب و وجع ... رغم اني ماجربت الطبيعي بس خايفه منه مررره ...
ولدت مره بس و كانت عمليه و ممكن تكون العمليه ارحم و الله اعلم

كثير يقولوا الطبيعي اهون بس بعد الكل يقول الطبيعي صعب و الطلق مووت و خروج البيبي مؤلم مررره
و الجرح بعد الولاده يكون في المهبل مرره حساس حتى البعض صعب يمشوا مده مو بسيطه و كثير يلتهب لانه بمكان حساس
و غيره و غيره مشاااكل بعد الولاده الطبيعيه

فلا تفكري ان الطبيعي راحه كلهم تعب في تعب القيصري و الطبيعي و اثنينهم فيهم جرح






انا ما اعرف الطبيعي بس حسب ما اسمع و الي استنتجته ان الطبيعي بتموتي وجع وقت الطلق و بيروح بعد الولاده بس بيظل وجع الجرح و الوجع مع الرضاعه و ممكن مشاكل ثانيه مثل بواسير و توسع تحت و بلاوي

العمليه من اسمها تخوف ... بس مابتخافي و انتي تولدي و لا تتووجعي التعب كله بعد الولاده و اظن بيستمر مده اطول من الطبيعي
و بالمقابل مافي مشاكل بالمهبل او ما شاابه

الاثنين تعب و لهم سلبيات و مصاعب مافي ولاده بدون تعب

ارضي بنصيبك و المهم تقومي و البيبي بصحه و سلامة و ربي بيجزيك ع تعبك ان شاء الله

مشكوره حبيبتي عالرد ربي يعافيك

لاوالله فرق بين العمليه والطبيعي
الطبيعي الم ساعه والعمليه الم ايااام
والعمليه الله يكفينا الشر كثرتها تضعف القلب
وانا احب الاطفال ودي انجب عشره ههههه

[أم حمودي وعبودي]

ممكن تولدي طبيعي بس راح يكون في بعض المخاطر عشان كذا بعد عمليتين قيصريتين يوصون بالولادة القيصرية