الأعراض اللي احس فيها تتوقعون من التكيس؟؟

بنوتة أمورة · 10-01-2014, 04:17 AM

سلاااام بنات

شخباركم

انا رحت للدكتورة اليوم11 من الدورة....سوت لي سونار ..قالت عندي تكيسات صغيره بس كثيره على المبيض...

اعراضي اللي احس بها:
صدااااااااع شديد

أرق...ماانام الا ساعات بسيطه من اليوووم....فبذلك أصدع بقوة

طلع عندي بعض الحبوب في ذقني ونهاية خدي...مع انه انا الحمدالله وجهي مافيه حبوب...فهذا اللي استغربت

احس اني مرهقه وخايفه من تفاقم الموضوع..ياليت اللي نفس حالتي تقول...شنهو اعراضها

انا عندي موعد يوم الخميس يوم21 من الدورة...بتسويلي كمان سونار.....هل اخليها تسويلي التحليل ولا لا؟....اللي يسوونه االيوم 21؟؟؟

ومشكوريييين مقدما
وربي يرزقكم ويرزقني ويشافيني

أم حمودي وعبودي · 10-01-2014, 04:23 AM

الحبوب من أعراض التكيس

أما الصداع ما عندي فكرة إذا كان التكيس يسبب ولا لا بس معروف إن هرمون الحليب ممكن يسبب صداع

إذا ما حللتي هرمونات قولي للدكتورة تسويها لك

وعلى فكرة التكيس ممكن يتعالج بتقليل الدهون والسكريات وإنقاص الوزن وممارسة التمارين الرياضية

راجيه لله · 10-01-2014, 05:11 AM

مو شرط الحبوب من اعراض التكيس
الدوره تسبب الحبوب والحمل يسبب الحبوب و احيان تكون البشره حساسه وتتعرض لأضرار
و ممكن تغير هرمونات ماتدرين ايش يصير جواكي
و حبيبتي يوم عملتي السونار كان بدري ع الحمل عندك
و متى طلعت لك الاعراض ؟
هي لما تعمل لك سونار راح تقول لك و تشرح لك كل حاجه فيك
لكن اذا مش متاكده اطلبي انتي تحليل و اعمليه و يارب تخيب ضنونك بالتكيسات و يطلع حمل

حياتي توأمي · 10-01-2014, 08:01 AM

التكيس اكثر اعراضه ظهور الشعر غير المرغوب فيه بكثره
والسمنه واضطرابات الدورة الشهريه + ضعف تبويض

لكن
التكيس لااااايمنع الحمل بل يحتاج علاج للحمل وممكن يتأخر الحمل شوي
بخصوص التحاليل طبعاااااا تحتاجي فحوصات وتحاليل عشان تبتدي خطوة سليمه

الله يحقق لك اللي تتمنيه

موفقه

ward22 · 10-01-2014, 02:31 PM

لا مالها علاقه بالتكيس ..
التكيس اعراضه ظهور الشعر بالوجه و لخبطة الدورة و تأخر الحمل ..ومش شرط تظهرلك ..
علاجه الالتزام ( التام ) بالعلاج المصروف وهو الجلوكوفاج بحسب الجرعة اللي تحددهالك الطبيبه والفوليك .. وشرب الماء ..
ماتعملي أي تنشيط خلال ست شهور عالاقل او وصول الهرمونات لنسبة جيدة .. لانه بيفاقم المشكلة ..
والخلطات الطبيعية وغيره لاتفيد للتكيس لانها مشكله هرمونية وعلاجها طبي وبسيط..

التكيس سبب لتأخر الحمل ولكن مايعني هذا ان مو ممكن يحصل حمل اثناء العلاج ..

اما تحليل يوم 21 فهو البروجسترون .. ماله اهمية انك تسوينه حاليا ..
اهميته لما يحصل متابعه للتبويض سعيا للحمل يتأكدوا وقتها ان بطانة الرحم بعد التبويض وصلت للسمك المناسب اللي يهئ للحمل .. وضرورته لبعض الحالات تكون حسب رأي الطبيبة..
انا مثلا ماسويته ابدا الا مع كورس الحقن المجهري .. رغم اني عالجت التكيس اكثر من 9 شهور ..

الله يكتبلك كل خير ويفرحك ♥..

بحــ العيون ــــــــر · 10-01-2014, 05:34 PM

البنااااااااااااااااااااااااات ماقصرو الله يعطيهم الف عاااااااااااااااااااااااااااااافيه

غفران شكران · 10-01-2014, 11:30 PM

. ماشاء الله البنات كفو ووفو حقيقي التكيس خلل هرموني يسبب ظهور الشعر وغالبا يكون متزامن مع السمنة ودهنية البشرة وظهور حبوب لكن من المستبعد ان يسبب صداع واسال الله ان يرزقكي ويكرمكي في القريب العاجل

اختكم غفران

بنوتة أمورة · 10-02-2014, 04:03 AM

ام حمودي
مشكووووره يالغلا...اي انا ماسويت تحليل هرمونات...اذا نزلت الدورره بسويه...

بنوتة أمورة · 10-02-2014, 04:05 AM

راجيه لله...ماقصرتي
الاعراض بدت معي هذا الاسبوع....اي بروح اليوم وبشوف شتقول
الله كريم ويصير حمل بدون أدويه

بنوتة أمورة · 10-02-2014, 04:06 AM

حياتي تؤامي....مشكووووره على الرد
لا الحمدالله مافيني شعر زايد....والله يرزقك ماتتمنين

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وش الأعراض اللي حسيتي فيها بعد الابره التفجيريه وطلعتي حامل	فروووحه a	منتدى أعراض الحمل والوحام	81	07-04-2018 06:50 PM
شو الأعراض الي حسيتي فيها قبل موعد الدورة وطلعتي حامل	أم حمودي وعبودي	منتدى أعراض الحمل والوحام	25	04-27-2015 05:22 PM
تتوقعون الكلوميد بدون ابرة تفجيرية يسبب التكيس ؟	أم حمودي وعبودي	منتدى علاج العقم و تأخر الحمل	9	08-20-2014 02:48 PM
بنات الاعراض اللي احس فيها تتوقعون حمل ؟؟؟؟؟؟؟؟؟؟؟؟؟؟	الكرز الياباني	منتدى أعراض الحمل والوحام	26	10-11-2012 07:10 PM
اللي ربي سهل عليهم بالولاده .. وش الأعراض اللي حسيتيها قبل الولاده بأيااااااام ..؟؟!	أم لمار	إستفسارات مرحلة الولادة	33	09-22-2011 08:48 AM