سيدات ليبيا الحبيبات ..تفضلووو

[جوهرة ليبيا]

مانو رقدت بعد الدوش ربي يحفظها انخش نرقد خيرلي

تصبحوا علي الف الف الف خيييييييييييير

والسلام عليكم

** أستودعكم بالله الذي لااتضيع ودائعه **

[اوشي]

السلام عليكم ورحمة الله وبركاته

[اوشي]

كيف حالكن كلللللللللللللللللللللللكن ياحبيبات القلب

اثورة ... فروسة.. هدهد ... جيجي .. سوسو ... جنودة ... مامت فطومة ..

ام معاذ .. ام ورد .. ام نوزة ... ..

سامحوني كان نسيت حد .. هذا حد الذاكرة

[اوشي]

ام سعد ..

مرحبا بيك وانستي من جديد ومبروك الحمل وربي يتمملك علي خيروسلامة

انا جيت بعدك ماتعرفينيش وعموما تشرفت بمعرفتك

[اوشي]

المشاركة الأصلية كتبت بواسطة هدية الخالق

السلام عليكم ورحمة الله وبركاته
كيف حالكم كلكم
تعرفو زعلاااااااااااااانه منكم وواجعني خاطري قلتلكم يومها إني مضايقة وقلتلكم علي عرس اختي ما حد عبرني وخفف عليا ولا باركلي علي اختي إلا أتورة بارك الله فيها بالذات سوسو وجعتني منك رديتي علي جنوده واني كلامي تحت كلامها ما عدلتيش ولا علقتي عموما ما في شي يجي بالطلبة ورحم الله امري عرف قدر نفسه واني عرفت قدري عندكم من الاخيييييييير زايده ناقصه كلامي قليل من يعلق عليه ولما نغيب قلة قليلة اللي تفقدني وتسأل عليا واني اللي حاسبتكم خواتي وونيساتي في الغربه ونحكيلكم ونفضفضلكم لكن الله غالب حتي خاشة منفضفظلكم إني مكسده وعقلي مع ألعرس وكل شويه نفكر زعما شن الاجواء توا وشن يديروا لكن للاسف لقيت حتي كلامي الأول مش معلقين عليه قلت ليش بالله نكسرلهم في الراس وندوشلهم في دماغهم ما حد ناقصه ضيقة خلوق خلي نكمدها في داخلي وخلاص
سامحوني لو لهجتي قاسية شويه بس صدقوني ما نلوم إلا عالحبيب
سلااااااااام

هلا هدهد ..

ماتزعليش يازعولة .. واكيد البنات مايبوش يقرو ويسيبوك غير تعليق وكيف ماقالت جيجي

انا عن نفسي دائما ندعيلك انت وكل البنات وخاصة المغتربات

ربي يهونها عليك وانت ماتزيديش علي روحك حاولي انك اديري لروحك جو

[fefe93]

السلام عليكم
كيف حالكم كلكم
سوسو
انشاء الله الشهر الجاي تحملي
هدهد
الف مبروك لاختك و انشاء الله ربي يهانيها
ام سعد
اهلا و سهلا بيك وربي يحفضلك صغارك و انشاء الله يكمل حملك علي خير
اتري و جيجي و اوشي
انشاء الله تكونوا بالف خير
وشكرا لكل من ادكرني المدة الي فاتت انشغلت شوية سامحوني
كان عندي موعد المدة الي فاتت و الدكتورة قالتلي كل شي كويس الحمد الله

[جوهرة ليبيا]

السلام عليكم ورحمة الله وبركاته

[جوهرة ليبيا]

كيف حالكم اليوم

فيفي واوشي كيف حالكم

اني اليوووم طوارئ من الساعه 10 نايضه طبعا مش راقده غير 4 ساعات

والحمد لله علي كل حال

شديتها ضمان وسيق وتلميع وووووووووووووو وطلعت جلستي امتاع الصاله شمستها وتوا

رديتها رززززيييينه ومتعبه بس تمام كملتها

وراجلي متغدي برا فرررررحت ولاول مره نفرح لاني بجد تعباااانه

بس درت امحمصه بالقديد والخضره بس مازال مش صابتها لين نرتاح كويس

و بخرت الحوش وخديت دوش عالسريع الفجر امدوشه وجبت قهيوتي وقعمزت بنرتااااااااااااااااااح

[جوهرة ليبيا]

تصدقوا يابنات اني المنتدي مانطلعش عليه ابداااااااااا

الا القسم الاسلامي ونتابعه بصمت ونستفيد هلللبه منه ولله الحمد

وتجمعنا ديما مفتوحين عندي

منو زيني طبعا من غير المشرفات

[أم سعد]

كيف حالكم جميعا

جوهرة ماشاء الله صار حيوية ونشاط

ربي يكون في عونك