تجمع سيدات ليبيا الغاليات..

[اوشي]

جيجي..

بعيد السو علي اميرتك .. عينك منها وراقبي حرارتها ربي يشفيها لك ياحبيبة

[اوشي]

[IMG][/IMG]

[اوشي]

اه خولة ..

قبل ماننسى والله كل ماانخش انقول نبي نرد عليك لكن الزهايمر عامل عمايل خخخخخخ

انا عن نفسي الحلويات مش شاطرة فيهن واجد

واكثر شي اندير فيه من غير مقادير طبعا وراااااثة من امي ههههههه

الكعك والمعمول والغريبة والمقروض ..

وهذين هنا حلوياتي المعتادة والمعروف اني اندير فيهن

تمنيت اني نساعدك بس الله غالب ياحبيبة

[اوشي]

وتوة تصبحن علي خير ياحبيبات

[جوهرة ليبيا]

مشكورة اوشي

وسلم ايدياتك حلوووووووين وربي يحفظ صغارك وبوهم

اخر صوره شن مكونات الصواني التلاته اللي في النص

[جوهرة ليبيا]

وهدي لوخيتنا ام وسونه لانها تحب البخور


وتصبحوا علي الف خير و

[هدية الخالق]

السلام عليكم ورحمة الله وبركاته
كيف حالكم اليوم كلكم ليكم وحشه
سوسو سلمك نشاده يا احبيبه احني كلنا بخير ولله الحمد واختي العروس أهي تجهز في روحها عرسها في شهر ثلاثه إن شاء الله
وغير كان تقوليلي من وين يجيك هالاحساس هههههههههه راك تزعلي مني بس ههههههه
لالا بالعكس يا سوسو مدينتنا مش عاديه حتي مصنفينها أجمل مدن العالم لمده تلاثه سنين وراء بعضهم واسمها فانكوفر ابحتي عليها في قووقل تو تشوفيها اكتبي أجمل مدن العالم تطلعلك هيا طوول واني مش مغيبه جهد نطلع كل ويكند أني والغالي ونتغدو برة ونشري في أشكال والوان ونروح لكن أني هكي طبعي ما نحكيش هلبه شن درت وشن شريت هكي طبع فيا مش قصدي راهو إنه اللي تحكي معناها فخفخه أو شي لكن أني كان ما سألني حد ما نقوليش هكي بالي مش واسع إنه نحكي ونكتب بالتفصيل الممل
وحاليا بادية في الهدايا باهي قطعت شوط باهي فيهم انضني خذيت النص ومازال النص الأهم بوي وامي الغاليين وخوتي الصغار مخليتهم للأخير لأني مناخدلهم حاجات معتبرة ههههههههه وهادي القصه ياسوسو

[هدية الخالق]

فروسه ربي يعاونك يا غاليه أني ليا أيام مرتاحة من العزايم لكن شكله في وحده قريبا هههههه
وماشاء الله عالتشيز كيك أنتي وام وسونه ابداع أني ورااجلي نموتوا فيه لكن وريته صورة تشيز كيك ام وسونه قبل مناخد الطريقة منها ومنديرله زيه قالي لالا ما نحبش امتاع الشكلاته
أوشي ما شاء الله عالكيكات والسفرة صحتين أن شاء الله
جيجي دوم أن شاء الله الاجواء الحلوه في حوش أوبيك يا رب ديما تسفهي فيا ونستني أمتي نروح ونبدا زيك لأنه حتي أني عندي هلبه أخوات ماشاء الله احني تمانية بنات اربعه متزوجين وحده مخطوبه والثلاثه الباقيات صغار واكيد لما نجتمعو يكون الجو يهبل
وان شاء الله لاباس علي جمونه ما تشوف شر يارب
وبالله منطلب منك طريقة الخبزه القابسيه اللي مره حطيتي صورتها كل مره منقولك وننسي

[هدية الخالق]

فروسه علي ذكر الكنافة أني ندير فيها في الكوشه تصوري ما توقعتش في اللي يقلوا فيها
أني نقصص في العجينه رقيقة وندهنها بالزبده أو السمن ونحط طبقة أولي في الطاجين ونخليها لين أطيب وتتحمر بعدين نطلعها ونحطلها قشطه مخلطة مع مكسرات ونحط فوقها طبقة العجينه التانيه ونولع الكوشه من فوق لين تتحمر واول ما نطلعها نصب عليها العسل ونرش مكسرات وخلاص وتجي مش عاديه راجلي رفع منها للمعمل قال قريب هبلو عليها وحتي صاحبه ايطالي قاله عطيني الطريقة

[هدية الخالق]

فيفي مبروك حوايج البنوتة أن شاء الله تشوفيها علي خير وربي يسهل عليك وينوضك بالسلامه
تعرفوا اليوم في السوق شفت وحده حامل وبطنه ميترو قدامهاسفهتني ههههههه مش عارفه خيرني جايني هالايام عالحمل خاطري فيه زي الصغار هههههه مع إني قبل شهر مش خاطر عليا بكل لكن شكلي لما شكيت الشهر هذا في حمل تعلقت بالفكرة وحبيت الدور هههههه