تجمع بنات اللي بيستخدمو منشطات وكيلوميد ودوفاستون وابر تفجيرية للعلاج

[العليا]

انا عن نفسي خلاص فقدت الامل و فقدت اعصابي ... ومن امس احس مزاجي متقلب و الم الدوره ذبحني الله المستعان ...

الله يصبرني لين باجر و اروح اول الصبح عند الدكتوره ... بشوف شو مشكلة هالعله ...

صار لي 6 ايام مخلصه الدفاستون ...

[أحمد حبيبي]

ام محمد

الله يسلم الغالية ويبقيج ويرزقج الحمل السليم عاجلا يااارب

العلياااا

الله يهداج هدي شوية .. والله هب زين عليج غناتيه .. وانا والله كلي آلام احس مبايضي بتنفجر ساعات .. بس ما لنا غير الصبــــر .. فديتج ادري الترقب والانتظار اييبيون التوتر والنفسية لكن لازم تكونين اقوى

شوفي اول مرة خذت كلوميد قسم بالله حسيت عمريه بتخبل من كثر الترقب والانتظار وخلاف قلت اعوذ بالله بجتل عمريه جذه ههههه وتيقنت انيه مهما سويت مابيصير الا اللي ربي رايدنه وبذلك والله اطمئنت نفسي الحمدلله

اسال الله العلي العظيم رب العرش العظيم الجبار الوهاب ان يفرغ عليك وعلينا صبرا ويكتبنا من الصابرين ويساعدنا ويرزقنا الحمل السليم عاجلا غير آجلا

انا حاسة فيكن والله .. اذا انا ولله الحمد والمنه عنديه ولد احمد ربي يحفظه ويبارك فيه يارب وودي احمل كيف انتن .. اسال ربي يعطيكن الين ترضن ان شاء الله

[العليا]

الله المستعان يختي والله لو اشوفين حالتي كيف امس اوني مستعده هههههه لابسه الفوطه و راقده و احس في شي ينزل قلت ما عليه تراني مسويه استعداداتي لها و بجيك عليها الصبح اول ما نشيت رحت حتى قبل ريلي الحمام و انتي بكرامه ههههههه سباق حشا ... دخلت اجيك و للاسف ياني اكبر احباط ما شرفتة حضرتها و طلعت وانا شايله هم الدنيا ع راسي ما عرف وين ادق براسي و ياني الم الدوره الله لا يراويج ههههه بغيت اشق ثيابي و للحين احس المها و مزاجي يتعكر من ولا شي حتى فيني مغص و افرازات .... الله المستعان من هالعله استغفر الله العظيم ... اخر شي وكلت امري لله و بين فتره و الثانيه افقد الامل و ارجع اذكر اني دعيت اذا كان حمل متاخر يثبت و اذا كانت دوره تنزل و الامل بالله موجود في كل الاحوال الحمد لله ...

امسات وديت عمتي العياده جان اسمعها في السياره تطري بنت ربيع ريلي ... توها اظن كملت شهرين قالت حق ريلي كم صار عمرها بروح اخذ لها ثياب و هديه ... انا طنشت لكن حسيت بفراغ كبير حولي ولا جنه ريلي و عمتي و حميتي ويانا حسيت اني بعالم ثاني و رمسة عمتي تنعاد كذا مره باذنيه ...

حتى اني يوم اروح اخذ ثياب و اغراض اليهال حق ولد اختي و بنت اخويه اختار حق بنتي بعد و اقول اذا يتني بنوته باخذ لها ها و ها و ها و باخذ لها المحلات كلها ...

الله المستعان


الله يحفظ لج احمد فديته و يبارك بعمره ...

[أحمد حبيبي]

العليا

فديتج يا ختيه هونيها وتهون .. ان شاء الله بتحملين وبتروحين تاخذين لعيالج ثياب وبتذكرين هالايام وبتضحكين على عمرج وبتقولين انا شو كنت اسوي فعمريه هههه

تدرين انا هاليومين نويت والنية على الله أروح أكفل يتيم بنية انه ربيه يرزقني الحمل قريب ..اذا كنتي مش كافلة يتيم سوي شراتي وان شاااااااااااء الله ربي بيرزقج عاجلا غير آجلا يااااااااااااارب

خلج قوية لا تستسلمين ابد .. ترى الرزق بايد الله ولا الدكاترة سبب الله يسخرلج اهون الاسباب للحمل قريب يارب .. وعلى فكرة يقولج تخربط الدورة ساعات ممكن يكون فرصة جيدة للحمل :)

الله يعطيج ويرضيج ياااااااااااااااااااااااارب

[Oum meryam]

حاسة فيك أختي عليا والله إلي تمرين به صعب وكلنا عم نمر فيه هدي ي روحي وماعليك إلا العافية دامك متوترة ها القد الدورة ماراح تنزل وإن شاء الله يكون فالك الحمل
أنا كنت متلك ها الأأيام مهمومة وعم أبكي من دون سبب وفكري كل مع إدا حاامل أو لا مرات أقول أنا إحساسي إني حامل ومررات أأقول االدورة أكيد جايه أكيد كل وحدة منا تمر بهدا الضغط النفسي وما ببترتاح الوحدة إلا لما تتنزل الدوررة
الله المستعان
أنا اليوم 12 من الإبرة تفجيرية سويت تست ساعة الفجر طلع سالب االحمد لله على كل حال وقلت في نفسي الحمل واالأولاد رزق من الله هو المعطي ووهو المانع دام هيك ليش أنا عم تعب روحي كل شهر أخدت تقريبا بكل االأسباب يبقى الأمرر في يد الله وليس هناك أحد أخير من الله نضع بين يديه أمورنا ونفوض له كل شيء
قررت مع نفسي أعيش حياتي وأملأ وقتي بأشياء أخرى تنسيني الحمل ومتاعبه
لما الله يريد ي أختي العليا راح يكون ما أراد سواء تعبت لأجله أولم تتعبي

[العليا]

كافله الحمد لله و ان شاء الله ربي يرزقنا قريب ...
هههههه اليوم بطلع احاوط و اغير جو و باجر بعد العياده بروح الصالون و بسوي نيو لوك و اللي فيها فيها ... لا اتريا بعد كم يوم ولا اسبوع و لا بطيخ ..

[العليا]

المشاركة الأصلية كتبت بواسطة oum meryam

حاسة فيك أختي عليا والله إلي تمرين به صعب وكلنا عم نمر فيه هدي ي روحي وماعليك إلا العافية دامك متوترة ها القد الدورة ماراح تنزل وإن شاء الله يكون فالك الحمل
أنا كنت متلك ها الأأيام مهمومة وعم أبكي من دون سبب وفكري كل مع إدا حاامل أو لا مرات أقول أنا إحساسي إني حامل ومررات أأقول االدورة أكيد جايه أكيد كل وحدة منا تمر بهدا الضغط النفسي وما ببترتاح الوحدة إلا لما تتنزل الدوررة
الله المستعان
أنا اليوم 12 من الإبرة تفجيرية سويت تست ساعة الفجر طلع سالب االحمد لله على كل حال وقلت في نفسي الحمل واالأولاد رزق من الله هو المعطي ووهو المانع دام هيك ليش أنا عم تعب روحي كل شهر أخدت تقريبا بكل االأسباب يبقى الأمرر في يد الله وليس هناك أحد أخير من الله نضع بين يديه أمورنا ونفوض له كل شيء
قررت مع نفسي أعيش حياتي وأملأ وقتي بأشياء أخرى تنسيني الحمل ومتاعبه
لما الله يريد ي أختي العليا راح يكون ما أراد سواء تعبت لأجله أولم تتعبي

فعلا هاللي فكرت فيه و خلاص بين فتره و الثانيه افقد الامل لكن ارجع و اذكر دعائي لله لو كان حمل يثبت و يبان لو كانت دوره تنزل ... وكلت امري لله ..

ربي اني لما انزلت الي من خير فقير

ان شاء الله تطلعين حامل و اتينا و تبشرينا بس انتظري لين 14 يوم و ان شاء الله باذن الله حامل ..

[أحمد حبيبي]

الحمدلله

والله ماعرف ليش حسيت انج كافلة يتيم ههههههه حتى قلت لج لو بعدج

ماتبين تضحكين .. يقولج اتعلم سواقة بهاليومين هههههههههه لو تشوفيني مع المدربة بتموتين ضحك .. اعرف اسوق انا بس هي متروعة مني تقول انتي عنيفة فالشارع ليش معصبة عالناس اقولها ماتشوفينهم حمير ههههههههه تقول ماعليه هدي

حطيت الحرة فاللي فالشارع ههههههه بس اتحرطم والدريشة مسكرة طبعا ولا جان صارت علوم ههههه

[أحمد حبيبي]

ام مريم

حبيبتي انا دائما انصح بالتمهل في اجراء اختبار الحمل .. عطي نفسج فترة بعد موعد الدورة باسبوع او 10 ايام واذا ماجت الدورة اعملي التحليل

لما نسوي التحليل من وقت ويطلع ماشي حمل يصيبنا هم وغم الله يبعدهم عن الجميع يارب

الله يوفقج يااااااااااااارب ويرزقج الحمل السليم عاجلا غير آجلا ان شاء الله

[العليا]

هههههههههههههههههههههههههههههه الحال من بعضه وانا بعد اتعلم سواقه معني مودره السواقه من سنه و نص هههههههه قبل عرسي و كنت اخذ مواتر اخواني و افتر من غير ليسن لكن سبحان الله بعد هالسنه و نص من اسوق سياره التعليم احس اني اتوتر و خاصه لو كان الشرطي عدالي .... ع طاري الشرطي سبحان الله هو نفسه امتحني 3 مرات لا و يرسبني و ينجح غيري و يقول بنكسب شوفتج لا و اخر مره سوولي واسطه و ملفي راح عند شرطيه و تميت ادور عليها و ركبت السياره اترياها جان هو يركب نزلت قالي ها وين قلت له انا عند شرطيه مب عندك قالي لا افا عليج ملفج عندي هههه والله لو اشوفيني كيف ابحلق فيه و قلت له كيف يا ملفي عندك قال يالله بنبدا الامتحان انتي بتكونين بعد هاي ... لا و يوم يا دوري قالي ها العليا اشحالج وينج من زمان ما شفناج ولا تمتحنين كل سنه مره ... و انا تميت ساكته عقب قلته له مشغوله ... لا و المصيبه اني لابسه دبلتي ... و لا يشوفها او يستعبط ... و اخر شي رسبني و قال نكسب شوفتج و عصبت عليه و رحت قلت حق بنت اخوي خذي لي موعد يوم هالادمي يكون اجازه سنويه لو 100 يوم ههههههه عقدني