تجمع سيدات ليبيا الغاليات..

[جوهرة ليبيا]

السلام عليكم ورحمه الله وبركاته

وصباحك احلي سوسو

[جوهرة ليبيا]

[IMG][/IMG

[جوهرة ليبيا]

كيف حالكم اليوم يارب اتكونوا بالف خير

من التسعه هارب الضئ حسيت بالصقع نضت ولعت المولد ورقدت

الصغار القيت خدودهم زي التلج وجمون حسيتها انزكمت يستر الله

[ام معاد]

السﻻم عليكم اني عند حوش بوي كيف حالكم

[جوهرة ليبيا]

اهلا خوخة دوم اللمه الحلوة في حوش اوبيك

[ام وسونة]

السلام عليكم

اوشي ياغالية تسلمي على ذوقك وتفضلي في اي وقت اني في الخدمة

ام سومة ان شاءالله لوكنتي حامل ربي يثبته وكان مش حمل ربي يعطيك اللي في خاطرك امتى ماتبي

او رنودة والله الحال من بعضه الضي مهبلني اليوم هارب العشرة اهو لاتوا ماجاش مشيت للمدرسة وروحت وعندي خبر

مفرح ليا طبعا الادارة اعفتني من الحدول وسلموه لابلة تانية مراعاة لظروفي يشوفوا فيا كيف متبعدلة وخلوني احتياط

الحمدلله كماينبغي لجلال وجهه وعظيم سلطانه

ام معاد ربي يدوم لمتكم مافيش خير من حوش الاب والوخيات

[sosolibya]

الحمد لله وأخيرااااااااااااااااا يا أم وسونىة وأخيرا..

ربي ريحك ومبروكوعليك هالقرار لكن فيها فيها بترفعيها معك صح لكن أكيد مش كيف ..

والله غالب فعلا مافيش أحلى من الوخيات...........

[sosolibya]

السلام عليكم ,, كيف حالكم توا...


اليوم عيالي تغدوا عندي وماشاء الله ماما هي يللي دارت إقتراحي ههههه
وهو بااااااااااازين بالحوت مممممممممم

وجي يهببببببببببببل..

وبعدها درنا شاهي وكاكاوية ولوز وبسبوسة وبسكوت..

وطبعا توا روحوا وأنا توا درت كيكة جديدة من إختراعي إن شاء الله تزبط.

[sosolibya]

وييييييييينكم خيره مافي حد اليوم شكله الجماااااااااعة كلهم مشوا لديبنهامز

تعالوووووووووووووووو

الكيكة نجحت توا ننزللهالكم قريبا..

زوجي في صالة الرياضة وحمود هارب لخواله .كالعادة .. مكسدة أنا وريم..

[sosolibya]

جيجي وينك اليو مغطسة ,,,

فروسة تعالي طمننا على ألولي...

هدية شنو صار قاعدة تعبانة ولا أحسن شوية..
بنسألك حماتك لاش ماتجيكمش ولا حتى هيا راجلها مشغول..

أوشي وينك لا بدت القراية رحتي ...
تخيلوا احنا قاعدين ماقروش خوفا من الوضع ألأمنى ..
وتحسبا لحصول أي شىء ..لأن الموضوع قاعد مفتوح..

أثورة .. وينك ياحلوة أكيد شبكتك ضعيفة ,, كيف الصغار الحلوين وبوهم..


جنووووووووووووووووووودة ليك وحشة..

أم معاد تعالي طلي علنا ...

نرجوسة وخولة وحبيبة حاتم إختفو..

وربي يسهل عليك ياأم ورد ,, وربي يردك ياشموسة..