مشاركتي بالقصص المضحكة عنوانها جوجو والفضايح

[jojo 123456]

جوجو والفضايح

كان ياما كان في سلاف الازمان بنت اسمها جوجو كلها مواقف وفضايح وانا رح اختار بعض المواقف هي الصراحة في مواقف كارثية وفضايح بس مايصر احكيها كلها لان اكيد بيفوتو دخلاء على المنتدى بس رح اختار منها

الموقف الاول في مرة كنت أنا وأخي وخطيبته طالعين نتسوق أغراض لخطيبة أخي ومركز التسوق مكتظ بالناس كان في صبية لابسة ومتأنقة وعاملة شعرها مثل ميريام فارس ها البنت قال ما بدها تعطس الا حدي ها البنت عطست بطريقة كثثثثثثثير قوية وصوت مخفيف وشعرها كله وقت حنت راسها صار نازل لقدام من هول الصوت والشعر على الوجه اترعبت لأني كنت سرحانة وعقلي غايب و اتفاجئت صرت اصرخ واووووووو ووووووو واووووووو واركض أخي وخطيبته اتبرو مني وعملو حالهن ما يعرفوني وكل الناس تضحك والمسكينه وجهها صار احمر. احرحتها الله يسامحني

موقف تاني قال جوجو طالعة مشوار مع زوجها أيام الخطوبة لابسة ومتشيكة قعدنا بكافيه مثل العالم ع البحر بس أنا أصريت أنزل للشاطئ في منظر روعة عشب وخضرة قريب للشاطئ في ناس كثير قاعدين على العشب وقت قعدت ياويلي على شو قعدت حدا اكل كبسة آو صنية بطاطس وتزنق اعزكم الله ييييييييييييييي شو ها الموقف مقرف كل ثيابي صارومتلطخين و ريحتهن ييييييييععععععع وزوجي صار يضحك ودموع عيونه ما وقفت من الضحك وانا برجع ومعدتي قلبت من الريحة وقت ركبت السيارة فرشت جرائد وما بوصف لكم وقت وصلت البيت من السيارة للاستحمام على طول

موقف ثالت يوم عرسي حماتي قامت من على الكرسي تتصور معي ومع زوجي بنفس اللحظة اجا عامل بصالة الأفراح وشال الكرسي بعدو شوي حماتي المسكينة وقت تصورت رجعت خطوتين لورا مفكرة الكرسي لس بمحله وقعدت طاااااااااااخ ورجليها لفوق راسها وانا يا عيني متت من الضحك وما قدرت اسكت

وبالاخير من سمع ليس كمن رأى

[ميمي 17]

ههههههههههه والله عاجبني الموقف الثالث قصة رائعة

[-قطر الندى-]

هههههههههههههههههههههههههههههههههه
ههههههههههههههههه حلو حلو الموقف الثالث

[إحساس إمرأة]

ههههههههههههههههه
من جــد مواقف حلوة و مضحكة
وكل موقف أحلى من الثاني ، ههههه
تسلمييين على مشاركتك الجميلة
الله يعطيك الصحة والعافية
ربي يسعدك

[إحساس إمرأة]

لآيك + فايف ستار + تثبيت لفترة المسابقة
لعيونك يالغلآآآ ♥

[jojo 123456]

ههههههههههه يسلمو على المرور كلكن عجبكن الثالت بس حماتي ست طيبة ما تستاهل

[سوسهs]

ههههههه الموقف الاول والثالث حلو

بس الموقف الثاني يييخخخ

الله يسعدك يارب وبالتوفيق ان شاء الله

[jojo 123456]

المشاركة الأصلية كتبت بواسطة سوسهs

ههههههه الموقف الاول والثالث حلو

بس الموقف الثاني يييخخخ

الله يسعدك يارب وبالتوفيق ان شاء الله

اي والله التاني مقرف ويبكي بس ذكريات حلوة

[أسيرة زوجي]

هههههههههههههههههههههه

عن جد اتخيلت تقريبا المواقف

كثير مضحكة

بالتوفيق حبيبتي

[دموع الليل]

هههههههه

مواقف محرجه فعلا

يسلموووووووووووو