** ليبيا زين علي زين ليبيا ورد وياسمين ** تجمع الليبيات

[هدية الخالق]

المشاركة الأصلية كتبت بواسطة sosolibya

صباح الخير كيف حالكم حبيباتي...


جنودة عجبني الفستانألأكحل للي مشبك عند الرقبة وفيه فيوكة وشبيهه ألأحمر ..

وكذلك البودري المبتش بألأسود..

لكن ردي بالك من الوردي وفيه فيوكة بيضاء يللي لابسته السمراء حسيته طفووووولي..


كيف حالك وحال الكحة...


هدية فعلا لقطة بايخة إنهم امتعينك مايعزوكش حاااااارة اللقطة لكن الله غالب شن بديري..

خلي راجلك يلمحلهم....

هما يعرفو ... لكن مرات ناسيين...
...

اهلين سوسو شن اخبارك وكيف حال الصغار إن شاء الله تمام
عندك حق يا سوسو اللقطة توجع وحارة لكن أني هذا طبعي منقدرش نلوم ونعاتب نتحشم حتي راجلي ما بينتلاش إني عاتبه عليهم حكيتلكم انتم وخلاص

[هدية الخالق]

اهلين خوله انستي كيف حالك وشن أخبار الحمل ربي يسهل عليك ويعاونك
حتي أني في كندا إنتي وين بالضبط في أي مدينة أني في فانكوفر
وبالنسبه للعزومه والله ماعندي أفكار الحق صح جبت اهني لكن معنديش معارف نساء هلبه ممكن اتنين بس
درت عزومة لرجاله بس

[هدية الخالق]

أوشي مرحبتين شن اخبارك واخبار الصغار وشن جو العرس
وشن جو العروسه الجديده

جيجي صحة الحنه والحلوة وربي يعاونك علي عزومتك ويحفظ بنياتك
سلمك سوما باهية قاعدة حال الشيطانه سلامتها
أتري ماشاء الله إنجاز 5كيلو في شهر ربي يعاونك لين توصلي للوزن اللي تبيه صعب الريجيم في الشتاء صقع وجوع
وربي يعاونك علي فطام دودي أني معنديش خبرة الحق فطمت بنتي بكري وكانت مش متعلقة بيه زايد ناقص بالنسبه ليها لأنها متعوده عالشيشه
جنوده لابأس ربي يشفيك

[ام معاد]

السﻻم عليكم

[ام معاد]

اتري حتي اني ما شية علي الاتكوتين ونقصت خمسة كيلو في الشهر طبعا والله ماني سمينة لكن مش مقتنعة بجسمي الحق .لكن وين نمشي عند اهلي ناكل خخخخ.

[ام معاد]

هد هد حهد هد كيف حالك وحال سوما نوضان الليل ماتحكيش عليه ﻻكن انحصل انصلي من وراه كل شي فيه خيرة

[ام معاد]

حنرجع في اﻷيل بعح ما يمشي زوجي باش ناخد راحتي في الكتيبة الصحيحة

[اوشي]

السلام عليكم ورحمة الله وبركاته

كيف حالكن اليوم خياتي ان شاء الله اموركن تمام وانتن وعويلتكن وهلكن بصحة وهناء

[اوشي]

[color="rgb(255, 0, 255)"]خولة انستينا ..

ومرحبا بيك بين خياتك وان شاء الله تشوفي بيبك علي خير وسلامة

واديري احلى عزومة[/color]

[اوشي]

صدقتن يافروستي وهدهد تعب مانحكيلكم عليه


اولا بدينا العرس وكل ماهو علي هامش العرس من يوم جت العروس

فرشت شقتها اللي هو الخميس

وقعدنا يومك وثانيك ماشيين لحوش عمي للمساعدة في كل الامور والصراحة ما نمتش عندهم الا يوم

الجمعة اللي يصبح السبت العرس..

المهم كان يوم الاربعاء طبعا اللي بعد الخميس اللي فرشت فيه العروس

يوم الاربعاء هذا جتنا الكوافيرة في الحوش انا وصبياتي فتلة وقص وصبغ وكل شي ماعدا سلفتي القديمة

قالت لا عندها كوافيرة خاصة بتمشيلها

وقسمنا كل مجموعة تحني في يوم انا طبعا اخترت الخميس عشان حنتي تكون مازال طازة

ويستمتع بيها ابو الشباب خخخخخخ

حنيت انا ودودو ورويتا دودو حنيتها الخطيفة وانا حنيت والحنة الله يبارك

جت اتهبل طبعا جتني الحناية في الحوش بصراحة الحنايه هذي مضمونة وبنت ناس

نعرفها وديما تجيني وتحني فيا وفي الصبح الجمعة اخذيت شناطينا ومشينا لاننا بنباتو في

حوش عمي ..

ويوم الجمعة كان الرمو ..

درنا العشاء كسكو العرس وطلع ايهبللللللللل مع محشي وامسير وسلاطة واللحم امدخن بالفحمة

وطبعا سواية وغسالة الماعين بالاجرة لذلك ماتمش الا اشياء بسيطة

فبل العشا اللي هي العصير والشكلاطة والحلويات والكابتشينو وقسموهم البنات الشبابات

الصغار ونحنا يلي بنمشو في الزفة كنا بالداخل نجهزو في روحنا

طبعا انا لبست الزي الشعبي القديم الفوطة الحمرا وفيها لون اصفر مع الفضة

والميك اب طلع ايهبل دارته لي الكوافيرة حاجة من الاخر

وسلفتي لبست زي تونسي وصبيتي لبست طرابلسي وبنت عم زوجي لبست شرقاوي كامل

والعزايز كلهم لبسو شرقاوي بسيط

ودودو قصت شعرها كاروه او كاريه لان شعرها الله يبارك ويزيد غزير وناعم

وجبت لها لبسة حلوة بكل فيزون رمادي نقشته طالعة مع فالينة طويلة للركبة زي الجلد

لماعة تايقر لونها ابيض في الاسود في الرمادي وجبت لها كندرة رمادي سبيدرو

ورويتا فستان جلد بني مع سير ذهبي وجاكة فرو تايقر بلون بيج واسود

ورمينا عالعروس والجو كان امطار متواصلة بس عبارة عن رذاذ والجو ايهبل

ولما توأم روحي حقني قالي كنك اتقول طايحة من معرض تراثنا الجميل

غـــــــــــــــــــــــــزل عــــــــــــــــــــــــــذري

وجينا قعدنا انحوسو في الحوش انا وصبياتي اللي هنا خوات زوجي لان سلفتي عدت لحوشها

المهم مارقدنا الا وكل شي جاهز للغد وشلنا صناديق الامية والمشروبات والعصائر وكل شي

وحطيناه قريب من الباب عشان بكرة يشيلوه للصالة

ومارقدنا الا الساعة 4 وكنا تالفين للاخر

وننضنا عالعشرة وتينا ارواحنا وشلنا حاجتنا ومشينا للصاله


للحديث بقية ساعود ...

فاصل للصلاة وامور اخرى