حبيباتى سيدات ليبيا تفضلو لأعرف ما حالكم

[dr.loly]

http://forum.hwaml.com/t276052.html

[اوشي]

السلام عليكم ورحمة الله وبركاته

[اوشي]

كيف حالكم ياحبيبات وايش دايرين

[اوشي]

فروسة ليش التزليط خخخخخخخخ

صار قاعدة امفنصة وتشوفي من اللي قاعد ومن اللي مش قاعد

[اوشي]

انا طبعا الايم هذي مشغولة ..

كملت تجهيز الاولاد لعرس اخي ... مازلت انا لي يومين مالقيت شي خش خاطري

وان شاء الله الاثنين او الثلاثاء ماشية لطبرق

[جوهرة ليبيا]

ربي يتمم عرس وخيك اوشي علي كل خير ويجمع بيناتهم عالخير ويرزقهم الذريه الصالحه

[جوهرة ليبيا]

اليوم مشيت لموعدي زززززززحمه الدكتوره ومن الاول معطونيش الساعه بالزبط آمتي نمشي تعبت نوقف ونقعمز وخلاص

خشيت للدكتوره طمنتني امور الحلوه كلها تمام ولله الحمد وقالتلي تمشي وكان حسيتي باي شئ كلميني

وبس

[شموسه 88]

السلام عليكم ورحمة الله وبركاته

[شموسه 88]

جيجي ربي ايتوضك بسلامه اتفرحي باميرتك انتي او اموله الحلوه

ام فروسه انستينا ربي ايهنيك ان شالله توه انتفرج عل صور علاشان انعيش اللحضه زيك

اوشي مبروك عل خيك ربي ايتمم عل خيير تعالي ديري شوبنق في بنغازي

جنوووده انسيتنا يا احبيبه اوربي ايوفقك في مشروعك

سوسو او اثري اوام نوزه ان شالله اتكون يالف خير

[شموسه 88]

انا مضايقه اومريضه اودنيتي متلخبطه عل بعضها اليومين لي فاتن انخش انتفرج او نطلع مش قادره حتى انعلق وانرد

ظهاري امتعابني والله انوض في نص ليل نبكي منا لدرجه حتى مش قادره انتقلب من جنب لجنب اتصلت بدكتورتي قالتي تعالي يوم السبت نطمنو عل الظهر والبيبي
اليوم بعد الغد نغسل في المعين في المطبخ حسيت زاد عليا الالم الظهر لدرجت حت انفسي ما قدرتش انطلعه قالي زوجي انشيلك لمستشفلى أي دكتوره لعند السبت ساهل من قوة الالم قتلا باهي برغم منحبش المستشفيات خشيت انغير في ادبشي علاشان الطلعه القيت دم نازل مني طلعت لزوجي منهاره نبكي اومقدرتش انقوله ينزل عليا دم مشيت لدكتوره تعتبر اكويسه دكتوره "سالمه احباره يا فروسه اكيد تسمعي بيها"دارتلي صوره قالتي احتمال حملك ايكون خاسر لان ظهرك كله مفتوح قالتلي انتي شن دايره في روحك او شن شايله ونا منهاره نبكي وجعتني روحي وجعنيا لبيبي شاركت في روحي نجري في العيد اونرفع وانظف ماحسبتش احساب الامانه لي ربي حاطه عندي ومشكله في حد شفق عليا اورحمني اوصبا امعايا ياربي ثبتلي حملي قالتي الدكتوره عليك براحه التامه لدرجه حت الصلاه قالتي صلي وانتي امقمعزه
ونا انا زوجي متعاركين قالي امشي في حوش هلي ونا مانبش لاني منبيش انقولها لحد اوكثر شي كرهتهم لانهم هما السبب لي انا فيه سامحني يابنات تكتب ونا نبكي لو كلامي مش واضح بس ضروري نبي انعبر عن غل لي فيا