حبيباتى سيدات ليبيا تفضلو لأعرف ما حالكم

[شموسه 88]

هديه مفاجاة حلو زيارت والدتك او خالك ربي ايكمل عليك بلخير ان شالله اكيده الخبر عطاك طاقه مش عاديه اوحماس اكثر

[شموسه 88]

جيجي خطرتي عليا ونا حامل في عبسي كنت في الصين اوكانا ناوين انطول غادي يعني انجيب في الصين او تخايلي مافيش حتى دذذحذذعائلات عربيه كل يوم انفكر وانتخايل في روحي انجيب وانسيبها ابروحها لكن ربي ماسخرش روحت ونا في الشهر السابع لا اخو زوجي توفى حتى لما روحت نفس الفكره كيف اتبات بعيده عليا بس الحمد لله بعد ماجبت خشيت المستشفى ساعه 7اونص صبح طلعوني 11 في الليل يعني ماباتتش بره
ربي ايوفقك ان شالله اوتفرحي ابعروستك الجديده جمان قصدي عروسة عبسي

[شموسه 88]

اوشي اواثري اوسوسو اموله ان شالله اتكونوا باحسن حال

[شموسه 88]

فروووووووووووسه ؟؟؟؟؟؟؟؟؟؟؟؟

[شموسه 88]

اليوم سيقت الجنان بره اصلا امس في ليل جو اصحاب زوجي دارو مشاوي بره اوخلو الدنيا بره حاله ونا درتلهم شرموله واسلاطه مشويه او اوسلاطة طحينه اوبطاطه مقليه ومعاه كتشب اوميليونيز
اوفي الصبح زوجي جابلي طرف حوته نضفتها او تبتلها ونبي اندير بيها طاجين في الكوشه وماعها رز الصياديه اوبطاطا اوبيذنجال اوخاطري في تبوله انفكر انديرها كان زوجي جابلي برغل

[أم أجنادين 80]

صباح الخير

انتم اكيد مغرب توه

أم نوزه ربي يحفظلك نوزة وحمودي

وان شاء الله ربي يسخرلك الحال ويحصل زوجك التأشيرة

هلا شموسة مبارك عليك الحمل

ان شاء الله راح انزل ليكم كل التفاصيل

[أم أجنادين 80]

جيجي مازلتي اتعبي في روحك الي آخر لحظة ربي يعطيك صحيحتك

وترجعي سالمة لبنوتك وراجلك

هدية اكيد مش لاقية في تحطي الفرحة

صراحة ماكنت نتوقع الغربة صعبة لهذه الدرجة

شني الشرمولة شموسة

[أم أجنادين 80]

هذه في فرانك فورت لاننا مشينا علي الخطوط الألمانية اربع ساعات من طرابلس الي المانيا




هذا قطار متنقل داخل المطار

وقعدنا شوي في المطار وركبنا في الطيارة الي لندن



وهدا في مطار هيثروا بتنا فيه ليلة مااشنها ليلية

بس مطار خيال وكانت ساعة من المانيا الي لندن














ومن لندن الي امريكا 10 ساعات

وكانت موجودة شاشة امام كل مقعد فيها عدد هائل من الفيديوهات لو الواحد حب انه يشاهد



وهذه اول صورة لدخولنا امريكا



والصور الباقية قريبة من الفندق لانه الفندق كان امام البحر

[أم أجنادين 80]

وينكم يابنات

[dr.loly]

السلام عليكم ورحمة الله وبركاته

رايفت عليكم .. ان شاء الله اخباركن تمام


اليوم كيفا وصلنا من اشويات .. حبيت انطمنكن عليا ..



والسفرة كانت فوق الخيال لمدينة السحر والطبيعه والجمال ... كبدنا عليها نا وزوجي ..



وحنرجعولها قبل مانروحوا ..ان شاء الله





طبعا صورتلكم واجد اهم المعالم فيهااااا والمناظر الطبيعيه الساحره...


نقرا لي فاتني ... ونضم الهدايا والكتب والحاجات لي جايبينهن كذكري من اجمل المدن اللي زرتها بحياتي (أدنبـــرة) جوهرة وعاصمة اسكتلندا .......




سلآمز توااااا