سؤالي عالابرة التفجيرية

[leemona]

مرحبا
انا اخذت هالشهر كلوميد ويوم ال 15 من الدورة رحت للدكتور وقالي في اباضتين وحدة عاليمين وحجمها 20.7 والثانية بالمبيض اليسار وحجمها 21.2
وصورهن وعطاني الصورة .. المهم هالدكتور اختصاصي حكى كلام مع مساعده دكتور ثاني وقال الاباضة ممتازة,,, سالتو انه بدي اعمل طفل انابيب ازا ماصار حمل هالشهر قالي مافي داعي لحالتك.. قلتلو معليه ادي رح تكلف حتى نعمل حسابنا قالي ازا بدك تعملي بنصحك بالحقن داخل الرحم( تلقيح صناعي) قلت دكتور عملتو ومانجح قالي لانه قبل ماتعملي منظار البطن مانجح بس انتي عملتي المنظار وان شالله بنجح بعدها وكل مااسئلو عطفل الانابيب مايرد عليي ومابدو يساويلي ياها..
المشكلة اني ماعاد عندي وقت لاني رح سافر عراس السنة لمنطقة مافيا ادوية ودكاترة هيك..وانا يادوب مجمعة حق طفل الانابيب يعني لو صرفت عالتلقيح الصناعي ومانجح مستحيل اقدر اعمل التانية والدكتور مصر انه لاتعملي طفل الانابيب وان شالله بصير حمل طبيعي اي بس صرلي 5 سنين نفس هالكلام عمسمعو بقلولي اباضتك جيدة وانابيب نافذة ورائع وكل شي ومايصير حمل...
بعدا راح الدكتور وحكى معنا دكتور المساعد وكتبلي تحاميل مهبلية تثبيت لمدة 10 ايام بس بعد يومين اخذهن وكتبلي ابرتين تفجيرية المهم سالو زوجي ادي سعرها فكان سعرهم مرتفع جدا لانه مفقودة... فشهق زوجي ام اجى الدكتور المساعد قال بتعرف بلاهن وشخط عليهن قال هم كبار ورح ينفجرو لحالهن ... صار يقول زوجي لا ازا مهمات خلص مندبر قال لا لا خلص ومااخدتهم...
هلا الاختصاصي قالو وصفلا ياهن وراح بس المساعد قال مابدو .. وانا احترت بيناتن
سؤالي ممكن ماينفجرو يعني ويتحولو لكيس مالي عارفة خايفة ولا بنفجرو لحالن . يعني ضرورية ولا لا ..ومين كان بويضتا بهالحجم وانفجرت لحالا.. محتارة وكل واحد بحكي شكل

[غصن ألبان]

غاليتي توكلي على الله عزوجل ولاتفكري ولاتقلقي
لأن القلق والتفكير يأثرون على الهرمونات واذا ربك
كاتبلك شي لازم تشوفيه خلي ايامانك بالله كبير .. بس
اذا لاقدر الله وماصار حمل نصيحتي روحي على دكتور
ثاني وسوي اطفال انابيب مادام عندك القدرة المادية حاليآ .. موفقة♥

[ام جمال ان شاء الله]

صح كلام دكتورك
ان شاء الله راح تحملين طبيعي بس ادا انت مصرة على اطفال الانابيب روحي على طبيب تاني واشرحي له حالتك وان شاء الله نسمع انكعملتيها ونجحت ياربي عن قريب
توكلي على الله
استخيري ربك
وان شاء الله الي كاتبه يصير راح يصير
ان شاء الله هدا الشهر تحملين ان شاء الله
مادام كلشيء تمام
خليك على الدعاء
وريحي حالك وان شاء الله خير

[حياتي توأمي]

حبيبتي
إذا انتي صارلك فتره 5 سنوات مع الدكتور نفسه فأنصحك اول خطوة تعمليها تغيري الدكتور وبأسرع وقت
اسألي عن دكتور شاطر في منطقتك. طبعاً كله بأرادة رب العالمين لكن ربي قال اسعى ياعبد وانا اسعى معاك
خذي بالأسباب ولاتضيعي وقتك مع دكتور ظليتي عمرك معاه وماستفدتي بعلاجه أنا اللي فهمته من موضوعك انك على دكتور واحد.
والظاهر انه مو شاطر
بخصوص ابره التفجير ياقلبي كثير حملوا عليها بس انتظري انصحك تروحي لدكتور آخر وشوفي شو ينصحك وان شاء الله ربي يسهلك الأسباب اللي تكون سبب بحملك يارب

[Orchid109]

والله ان دكتورك خرطي
انتي تدرين اني بعد ماسويت المنظار
الدكتور نفسه هو اللي اجبرني على التلقيح الصناعي
قال لان لك اربع سنوات وماحملتي وانتي خلاص اكتفيتي وتجاوزتي مرحلة المتشطات

وسبحان الله سويتها مرة وحدة ومانجحت
وقالي شوفي حبيت اجرب الحظ بس قبل لاننتقل للحقن المجهري
لانو التلقيح الصناعي زيه زي العلاقة الزوجية العادية !

بعدها ب ٦ اشهر لاني انا صارت عندي ظروف ورجعتله اجبرني على الحقن المجهري
وقالي لانو كل ماكبرتي كل ماقلت نسبة نجاح هالعملية

نصيحتي توكلي على الله وغيري طبيبك وابدي بكورس الحقن المجهري او اطفال الانابيب مع انو اغلب الدكاترة اتجهو للحقن المجهري ونادراً يلجئون للاططفال الانابيب

وماتدرين يمكن ربي يكرمك

الشي الثاني بالنسبة للبويضات كلن على حسب حالته
فيه بعض البنات اباضتهم ممتازة وتنفجر من حالها
وفيه بنات زيي لا اذا ماخذت ابرة تفجير تحولت الى كيس على المبيض !

[leemona]

شكرا لكم ولردودكم ..كتبت موضوعي بعد مارجعت من الدكتور وكنت معصبة لاني مصرة 100% اعمل طفل الانابيب وهو غيرلو رايو لزوجي... والدكتور اختصاصي وشاطر ومعروف بسوريا عنا احسن دكتور انابيب وافضل مشفى.. بس كنت اسمع انه مادي والان اقتنع زوجي انه لا قال لو مادي كان فورا قال ا اعملو انابيب ليكسب بس هو مانصحنا.. لاني كل هالسنين رحت فوق 10 دكاترة وكلهن بعد كورسات التنشيط يقولو اعملي طفل انابيب عنا بس انا ماكنت مقتنعة والان وقت مقتنعة الدكتور مابدو يعملها.. هو خلاني احتار ولعب بعقلي اني اعيد التلقيح الصناعي ورجعت محتارة بس بعد تجربة اوركيد رجعت غيرت رايي ورح ضل ان شالله مصرة على طفل الانابيب ...عندي مراجعة عنده اول يوم دورة وانشالله بقنعو
بالنسبة للاباضة حسيت بوجع بنفس اليووم بالليل باليسار وتاني يوم حسيت الوجع باليمين ان شالله يكونو انفجرو بدون ابرة تفجرية..... الله يجزيكم الخير ياارب

[إيفان]

أنا مجربة التنشيط والتفجير مره ببويضة وحدة حملت وأجهضت ومره بأربع بويضات سبحان الله ماصار حمل بنصحك نصيحة إلي بس بقدر أفيدك فية إنتي مو خسرانة هلا شي عند الجماع هاي المره جامعي بالسجود وخليكي ع بطنك ساعة وع كل جنب نص ساعة وع ظهرك ساعة يعني مشان الحيونات توصل إي كان عنق الرحم موجود هاي الطريقة لذوات الرحم القلوب مثلي بس أنا بجرب كل الحركات والحمد لله بحمل بس عندي مشكلة الإجهاض وعرفت السبب تخثر الدم وهلا ماشية ع الإنهوب إبر سيولة يعني وكرتزون للأجسام المضادة وربنا المستعان الله يرزقنا كلنا شو مشتهين بيبي

[كلـي أمل]

ربي يفرح قلبك بالحمل السليم المعافى عاجلا غير اجل..

[إيفان]

أنا مجربة التنشيط والتفجير مره ببويضة وحدة حملت وأجهضت ومره بأربع بويضات سبحان الله ماصار حمل بنصحك نصيحة إلي بس بقدر أفيدك فية إنتي مو خسرانة هلا شي عند الجماع هاي المره جامعي بالسجود وخليكي ع بطنك ساعة وع كل جنب نص ساعة وع ظهرك ساعة يعني مشان الحيونات توصل إي كان عنق الرحم موجود هاي الطريقة لذوات الرحم القلوب مثلي بس أنا بجرب كل الحركات والحمد لله بحمل بس عندي مشكلة الإجهاض وعرفت السبب تخثر الدم وهلا ماشية ع الإنهوب إبر سيولة يعني وكرتزون للأجسام المضادة وربنا المستعان الله يرزقنا كلنا شو مشتهين بيبي

[Orchid109]

يارب يكرمك بدون لاتلجئي لها العمليات
وبدون اي ادوية