حبيباتى سيدات ليبيا تفضلو لأعرف ما حالكم

[هدية الخالق]

مساء الخيراااات
جنودة ماشاااء الله عليك إنتي زي أختي هكي
كانت لما بنت حتي الكحل ماتعرفش تكحل
ولما تزوجت السنة الاولي ماحملتش قالت لقيت روحي مكسدة
وراجلها يعطل برا كل يوم تتعلم وتجرب
وقالت في البداية لما منعدي لعرس نآخد صور عرسي وصور المناسبات اللي نمكيج فيهم في المزينة ونتعلم منهم
نين توا ماشاء الله حتي هيا قريب توصل لمستوى المزينة
هيا مكيجتني يوم اسبوعي وكلهم يسألوا فيا وين ماشية لأي مزينة

شموسة والله فكرة انك تعلمتي في الغربة من الكساد
اني للأسف ماحصلتش فرصة من لما جيت اهني ماسكرتش شهر نين حملت ماشاء الله ووبدي عاااد وحم وتعب يادوب نضم حوستي
وتوا لاهية مع بنتي ومتنبلة الحق
لكن ان شاء الله منحاول نبدأ فيها الفكرة هذي
كل يوم منقعمز سويعة نجرب ونستعين بالنت
وان شاء الله يمشي حالي ونروح أسطى هههههههه

[أم أجنادين 80]

حــــــــــسب مافهمت الطريقة الملكية تلتبس علي التحزيمة الردي الشرقاوي

[أم أجنادين 80]

حتي هذه فكرة هدية بما نك مكسدة مكسدة ولا مشاوير اجتماعية وزوجك يعطل

وانتي تقعمزي علي النت هلبة

شوفي صور

او شوفي فيديو في اليوتيوب تتعلمي منه

وابدي جربي

نتفكر في روحي رسمة العين المسكرة من قدام قعدت نعاود فيها اكثر من مرة

حتي بدت تجيني مزبوطة

[هدية الخالق]

جنودة ماشاء الله نحس فيك عندك ميول للبس العربي هلبة نحس فيك في أغلب المناسبات تلبسي فيه

[أم أجنادين 80]

مش اغلبها كلها

لو مشيت ليلة الحنة ضروري نلبس

[جوهرة ليبيا]

لاجنوده الاختلاف ان الفرمله تلتبس فوق الردي والجزء اللي بينحط عالرس لا يطلع من تحت الفرمله تحت الرقبه علي شكل ايد مفتوحه

[جوهرة ليبيا]

اليوم درت سير لوجهي روووووووووعه شويه فيه لمعان ووالوجه بيبي فيس وناعم والهم مطلعليش حب لان

بشره وجهي مايتحملش لاحلوه لاشمعه لاشئ

[جوهرة ليبيا]

مزينتي عندها عرس حماتها ومش حتمكيجني الا الاحد والاثنين بينما الباقي لاااا

مش عارفه كيف بندير

[أم أجنادين 80]

هدا الفرق الوحيد

جيجي عارفة الشرقاوي الردي ماينحطش فوق الراس

يلبسوا في التسمال ويثنوا فيه

بس اللي تحكي عليها الردي بيطلع من تحت الفرملة ووراء راسك زي لقطة فستان الملكة واديري شعرك تسريحة

[dr.loly]

جنودة شن نظامكم ف الاعراااس
ف وجبات
مثلا مصراته يوم الرمي وغزومة الرجاله بازين والزفه كسكسي ببصله

بنغازي الرمي كسكسي
والزفه رز بالخلطه وموالح وف ناس اتدير شعيريه بالخلطة وسلطات مشكله
طبعا بجانب الحلويات والعصير زمشروب غازي وخلوط وفاكهة وشوكلاته

ف فرحي دارو سلطة فواكه