افرازات بنيه فالاسبوع السابع

[بنت الذوق]

السلام عليكم

شخباركن بنات


عندي مشكله الي هي افرازات شبه بنيه ماتكون مرررره بنيه تختلط مع الافرازات العاديه
طبعا حد خوفني انه لا سمح الله اجهاض وحد قاللي هالشي جدا طبيعي و حد قال طبيعي

قلت احسن بروح العياده وبتاكد
انا فالاسبوع السابع
ولطبيبه قالت ان السونار عندها خربان بس بتسويلي جهاز اسمع النبض
سوتلي جهاز للنبض وسمعته طبعا الجهاز ماموصل بالكهربه والا شي حطتلي ماده على بطني نفس الي تنحط لما اسوي السونار ومررت الجهاز وسمعت النبض وااااضح وفرحت


بعدها قلتلها فيه عندي افرازات بنيه قالتلي بتعطيني نفس البرهم عشان ادهن المنطقه يمكن يكون التهاب
خذيته وطنشته
طبعا انا ماارتحت قلت ابغى سونار
رحت لعياده ثانيه سوتلي سونار
قالتلي انا شفت الجنين بس ماشي نبض
وعطتني حبوب دوفاستين مثبت وقالت باليوم مره وحده واجيها بعد 10 ايام



بناات هل المثبت اكله مع حبوب الفوليك نفس الوقت والا يضر!؟؟؟؟
في وحده جاها افرازات بنيه والوضع عادي عندها
بليز طمنوني الله يطمنكم

[سمر الليل]

هلا ما راح اخوفك
بس الافرازات البنية ماطمن انا مريت فيها اربع مرات
من تنزل اعرف انا الجنين واقف نموة وصحيح اروح المستشفي مافية نبض واستمر علي المثبت بس للاسف ينزل
والحمد لله علي كل حال
لان لي ٢٥ من اجهضت
الله يعوضني دعواتك

[شوق وحنين]

تختلف كل حالة عن الثانية حبيبتي أنا نزل علي افرازات بس الحمد لله كل شي كان تمام. فما نقدر نعطيج جواب أكيد .. بس ان شا الله ما فيج الا العافية

[بنت الذوق]

سمر الليل
الله يعوضج ان شاء الله
متى بالضبط جاتك فاي شهر!؟؟




شوق وحنين شو الاشياء الي سويتيهن عشان يثبت ومتى جاتك الافرازات بالضبط!؟؟
وهل اخذتي حبوب مثبت!؟
و اذا اكلتيهن ..عادي اكلتيهن مع الفوليك والا كنتي تاخذي الفوليك وقت ثاني والمثبت وقت ثاني!؟؟؟

[عاشقة السفر]

حبيبتي الافرازات البنية دم قديم اعتقد عادي ، وانا كل فترة تجيني هالافرازات وسويت فحص والحمد الله الجنين بخير فأنتي لا تقلقي إحنا اغلبيتنا صار عندنا هلافرازات .. اهم شئ لا يكون احمر وكثير ، أما البني الرحم قاعد ينضف نفسه، يا رب يتتم حملك بخير .

[شوق وحنين]

لا اختي ما خذت مثبت لأن السونار بين ان كل شي طبيعي وسمعت دقات قلب الياهل وما فيه دم متيمع على الرحم فما وصفت لي الدكتورة مثبت وقالت لي ان شي طبيعي طالما انه مب احمر ولا غزير وتم ينزل علي مدة اسبوع بشكل خفيف ومتقطع تالي وقف. ومثل ما قالت الاخت قبلي اغلب الحوامل مرو بهالشي.

[سمر الليل]

شوفي اهم حاجة انت تاكد من نبض الجنين
انا جات لي اربع مرات كلها في الاسبوع السابع او الثامن
مرة وحدة كنت سامعة نبض الجنين في الاسبوع السادس بعد ماوصلت الاسبوع الثامن نزلت الافرازات البنية علي طول قال الدكتور او حاجة نطمان علي النبض وعمل سونار وشاف النبض واقف
ان شاء الله انت تكونين غير مني
بس روحي تاكدي او من النبض عشان اذا موجود نبض تاخذين مثبتات

[ديسمبرية]

الله يتمم عليك
بس أهم شيء لا تجهدي نفسك أبداً حتى بأقل القليل
لا تظلين واقفه أكثر من خمس دقايق لما المشيمة تستقر في مكانها الصحيح
لا تصيرين مثلي تعبت حالي حتى يوم نزل معي أصفر ما اعتبرت
سويت حفلة صغيرة والحين لي أسبوعين أنزف دم

[الريم الشرقي]

حبيبتي اول شي ريحي نفسك
وسويلك نشأ مع ماي وشوية سكر وزعفران على النار وأكليها ويستحسن على الريق...
انا جاتني هالافرازات في بداية الاسبوع السادس وقالت الدكتورة مامنها خوف بس لو صار دم احمر ارجعيلي وهينا الخوف..
وقالتلي استمر على المثبت تحاميل سيكلوجست والفوليك والاسبرين ...الحمد لله 3 ايام ووقف وصار يوم او يومين اصفر والحمد لله بعدها كل شي طبيعي
انا اللحين ببداية الاسبوع التاسع وكل شي تمام ووصتني الدكتورة بالراحه والاستمرار بالعلاج

[الريم الشرقي]

بالنسبة للفوليك الصيدلانيه وقت اللي تصرفه لي تقول اكليه بروحه لا تجمعينه مع العلاجات ...

الله يتمملك حملك على خير ياااارب ويفرحك بضناك في حضنك