حبيباتى سيدات ليبيا تفضلو لأعرف ما حالكم

[جوهرة ليبيا]

جنودة حبيبتي

انا كسولة نرقد 2ونوض للفجر ونرجع نرقد ونوض انسقد راجلي للعمل <<مايفطرش

تتوقعي آمتي انوض



12 او 11ونص

مش قبل هكي

لكن فعلا ايدي خفيفة ولما الحاجة انضيفة مجرد روتين يومي مش ضمان شقي

والغداء ايدي اسررع من الضمان
مع ان رخامات مطبخي والغاز عاليات عليا <<شورك قزمة خخخخخ

طولي 160معقول طولي لكن كل من خش لمطبخي قالي مابعدك عاليات الرخامات واللواندينو والغاز
لكن الله غالب توعودت

جنودة انحسك طباخة لان ماشاء الله عندك هلبة افكار ربي يحفظك



سوسو وييييييييييييييينك

[جوهرة ليبيا]

فاقدة البنات كلهم

ان شاء الله بالف خير كلهم

[أم أجنادين 80]

طمنتيني جيجي
تعرفي من لما معادش نمشي للعمل بديت نسهر
طبعا لان راجلي يسهر فتعلمت منه
يااما علي الانترنت او نشتغل او اي شي
وانوضوا الفجر انصلوا ومرات تريح علينا نومة
وانوض 10 والمده الاخيرة 11 فيأنب فيا ضميري كيف انوض متاخر
رغم اني انلحق علي كل شي ممكن لان ماعنديش صغار والتنظيف مش كل يوم

[أم أجنادين 80]

مش طباخة طباخه بس انحب نتعلم كل شي جديد ويكون مكوناته متوفرة عندي
خصوصا الحار والحلو انحب نتعلم انواع الكيكات
بس ماعنديش علي الحلاواة مرة وحده درت بسكويت وعجب زوجي
والباين بنزيد نتعلم الكعك المعسل وغيره

[أم أجنادين 80]

ألاء محمد المرابط, مؤسسة منظمة صوت المرأة الليبية تحصلت على جائزة ماريسا باليساريو العالمية (2013 International Marisa Bellisario Humanitarian Award) في روما الخميس الماضي و تم تسليمها الجائزة من وزير الخارجية الايطالي السيدة أيما بونينو .
بونينو رشحت الاء لهذه الجائزة بعد ان رأت فيها الشجاعة و الإصرار و الجهد للنهوض بحقوق المرأة في ليبيا.
الاء هي اصغر المتحصلات على هذه الجائزة, و اعطيت هذه الجائزة للعديد من مشاهير النساء في العالم من بينهم اينج سان سوو كاي المتحصلة على جائزة نوبل و ملكة الأردن رانيا و العديد من الشخصيات البارزة الأخرى.

خبر حبيت ننقله

هل معقولة تطلع بنت الدكتور محمد المرابط يلي بجوودايم سوسو

[sosolibya]

السلام عليكم ورحمة الله وبركاته

وأنا نقول ليش الصفحات زايدات ماشاء الله زايرتكم فروسة اليوم

[sosolibya]

شنجكممممممممممم كلكم ياحلوين

ياجيجي كلنا نحاولو تكون يدينا خفاف فى التطييب

بس,,,,,,و المشكلة تكمن فى النار شنو كان بنقووها بيشيط الغداء هههههههههه

والله توا ف حوش عيالى معاد نلحق نكمل حوسة الفطور شوية ونبدأ فى الغداء ومع هذا نتأخر وبابا يتضايق

ومع هذا مرات فى حاجات منلحقش نديرها مثلا تفريح برا او شىء

والله حالة بين غسيل وسيييق والصغار
أستغفر الله

والله عوالة حوشين واعرة

وبالرغم مانحبش نخلى حاجة حيسة وراى

لكن مرات نضطر لان الصبح مرات 7 أو 8 راجلى يقولى برى معى توا ولا بتمشى بروحك على رجليك بعدين نضطر نمشى معاه وخلاص

[sosolibya]

منو موجود
طلعنا بعد المغرب شوية درنا دورة ورحنا

وتوا زوجى عده صديقه بيقرو ويللى هو خالى

وصديقه الثانى يبى يهدرز ويللى هو خال ماما


ووووووووو وخدينا حكة جيلاطى خخخخخخخخ
الكل ذاقوها

جيجي اى نوع يللى احكيتيلى عليه

[أثري في مدادي]

السلام عليـــــــــــــــــــــــــــــــــــــــــــكم

ورحمـــــــــــــــــــــــــــــــــــــــــــــة الله

وبركاتــــــــــــــــــــــــــــــــــــــــــــ ــه

منو موجود؟؟؟؟؟؟؟؟؟؟؟؟؟؟؟؟؟؟؟؟؟

[أثري في مدادي]

حتى أني كنت برااااااااااااااااااااااا

ولأول مرة في التاريـــــــــــــــــــــــــــــــــــخ

سوق الثلاثاااااااااااااااااااااء
فاضـــــــــــــــــــــــــــــــــــــــــي

آذان العشاء
بدوا يقولولنا : بسرعة لو سمحتم بنصكروااااااااااااااااا

يا حنة الوضع الأمني مش مطمئن بكل اليوم