حبيباتى سيدات ليبيا تفضلو لأعرف ما حالكم

أم أجنادين 80 · 06-23-2013, 10:51 PM

بنات بنستشيركم
في بنت تخدم معاي انزاد عليها وليد بعد 5 سنين فرحتلها فرحتلها
وقلت في خاطري نبي نمشيلها بنية كويسة نبي نواصلها
وبعدها فوته الموضوع

توا فاتحه ايميلها باركتلها وقلتلها فرحتلك ولو بيجوك البنات بنمشي معاهم
قالت بيجوني الثلاثاء باش تتفضلي معاهم

شن رايكم حسيت اني احرجتها ولا عادي نمشي

أم أجنادين 80 · 06-23-2013, 10:52 PM

ان شاء الله جيجي
قولي شن اندير مع الرز
وشن رايك نمشي ولا مانمشيش

أثري في مدادي · 06-23-2013, 11:00 PM

السلام عليكم ورحمة الله وبركاته
أهــــــــــــــــــــــــــــــــــــــــــــــــ ـــــلا

يا غوااااااااااااااااااااااااااالي

أثري في مدادي · 06-23-2013, 11:08 PM

اقتباس:

المشاركة الأصلية كتبت بواسطة sosolibya

مشكورة أثرى على النصائح وأتمنى تزيدينى
وفى الحقيقة أخوى صغير مواليد 2006
وولدى متعلق بخاله وحاشاك لما يتلاقو طيارة وكلب

ربي يحفظلك أوخيك ووليدك
وتفضلي أي استشارة وبخصوص ماذا تحديدا
لعلي أفيدك قليلا

اقتباس:

المشاركة الأصلية كتبت بواسطة أم أجنادين 80

بالنسبة لحوش بوي اثري
الدور الارضي غيروا تفصيلته الي صالة نسائية ماشاء الله كبيرة كبيرة بجنبها ممر
ومطبخ كبير لو فيه عزومة كل الطبخ يكون فيه
ودار صغيرة وحمام
وصالة رجالية بابها منفصل عليهم بحمامها حاشكم
وفوق كله غرف نوم مع مطبخ وحمامين وغرفة معيشة وغرفة ضيوف رجالية ونسائية في حالة
مفيش مناسبة

الله يبارك فكـــــــــــــــــــــــــــــــــــرة جميلة
الله يهنيهم

اقتباس:

المشاركة الأصلية كتبت بواسطة sosolibya

منو موجود

انا حطيت السبول يطبخ على النار يممممممممممم مالح

كيف السبول يطبـــــــــــــــــــــــــــــــــــــــخ ؟؟؟ في الماء يعني ؟؟؟؟

اقتباس:

المشاركة الأصلية كتبت بواسطة أم أجنادين 80

ان شاء الله جيجي
قولي شن اندير مع الرز
وشن رايك نمشي ولا مانمشيش

مع الرز
تقدري ديري """ شيش طاووق مثلاً أو كرنبيط محشي " بروكلو" أو طاجين جبن وخضرته طيبيها في الفرن بدل من القلي "
مع السلطات طبعا

والمشي مادامك فرحتيلها فكرة حلوة تمشيلها
وأنت محرجتيهاش لأنها ماتعرفش من أنك تبي تواصليها
وفارق وحدة زيادة مش حتأثر في برنامجها
وفي نفس الوقت تنستر معاك مع باقي البنات
خير مايندارلك برنامج بروحك
لو كنت في مكانك نمشــــــــــــــــــــــــــــي
وبكل سعادة
*** ملحوظة
لازم تحسبي مواصلتك ليها فيها خيرتك دنيا ودين ولا لا ؟؟؟

جوهرة ليبيا · 06-23-2013, 11:11 PM

امشي جنودة لو انها بنية كويسة علي كلامك
اليوم كلكم محتارات هههه

ديري حاجات زمنية من ايدياتك حيكونوا يهبلوا
امبطن طاجين
بوريك مورق
شريحة دجاج <<الجزيرة
شاورما
سلاطات انحب سلاطة المشوي وبابا غنوج وسلطة المايونيز

طبعا هاذا كان بديري كل واحد وصونيتها
وكان سفرة كاملة ديري مع الرز فاصوليا وامبطن وطاجين وبيتزا وفليفلة <<امبطن الفلفل الحلو
ووووو

والله انحس في مخي مسكر هالايام ههههههه

أم أجنادين 80 · 06-23-2013, 11:18 PM

كيف حالك اثري وين هالغيبة

لازم تحسبي مواصلتك ليها فيها خيرتك دنيا ودين ولا لا ؟؟؟

وضحيلي اكثر اثري

ملحوظة : انا في العائلة في المناسبات هذه نمشي لبنات عماتي وعمامي وبنات عم وعمة وخال وخالة زوجي فقط يعني اقارب زوجي الثانيين حتي لو يعزموا مانمشيش .
منبيش انوسع وعندي صاحبتين نمشيلهم
وهذه البنت قارية معاي بس معرفة من بعيد لبعيد ولما اشتغلت معاي مكنتش معاها صحبة هلبة بس نحكوا لبعض في ود بيناتنا وهيا اخلاقها عالية ودينها كويس

جوهرة ليبيا · 06-24-2013, 12:04 AM

هلا اثري كيف حالك وحال الصغار

أثري في مدادي · 06-24-2013, 12:12 AM

بالظبـــــــــــــــــــــــــــــــط

نقصد الربيع من أول الباب يباااااااااااااااان

كان هي إنسانة تفكيرها سطحي
مش حتزيدك حاجة تستفيدي منها
الأولى
عدم فتح المجال معاها مادامها مش بادية عليك
لأن الهدف الي أمامنا
ليس قتل الوقـــــــــــــــــــــــــــــت
وإنما
الاستفادة واستثمار الوقت
وهذا مفهوم غائب عنا في أغلب الأوقات والأحيان

" نعمتان مغبون فيهما كثير من الناس الصحة والفراغ " حديث صحيح
والغبن معناه الندم
ولهذا سمي يوم القيامة بالتغابن
يوم الندامة
من الذي يندم ؟؟؟؟؟؟؟؟؟؟؟؟؟؟؟؟
الذي فرط في أوقاته وفراغه
في صحته وعافيته
في شبابه وقوته
في ماله وثروته
في رخائه وهنائه
هذا هو النادم يوم لا ينفع الندم
والكيس الفطن الذكي
هو الذي
يغتنم لحظات عمره لحظة لحظة
وله في كل سكنة وحركة هدف ومرمــــــــــــــــــــى
وكله وجله
في العمل والسعي نحو الخالدة
وإن كان هذا لا يمنع الاستمتاع بالطيبات والمباحات
في هذه الفانية
المهم أن لا يتعارض هذا مع ذاك

وهنا يكمن حسن التصرف وترتيب الألويات
معليشي معاااااااااااااش سكتـــــــــــــــــــــــــت
خخخخخخخخخخخخخخخ

أثري في مدادي · 06-24-2013, 12:22 AM

اقتباس:

المشاركة الأصلية كتبت بواسطة جوهرة ليبيا

هلا اثري كيف حالك وحال الصغار

أهلا جي جي
الغاليــــــــــــــــــــــة

الحمد لله أمورنا تمام

إنت شن اخبارك مع تعليم رنودة الحمام ؟؟؟
فكرتيني بالذي مضى ~~~~
شوفي موضوعي " وأخيرا صار ولدي كالرجال ""

وهذه المرحلة تحتاج وســــــــــــــــــــــــــــــــــــــــــــــــ ــــــــــــــــــــــــعة بال
قداش عمرها السنفورة ؟؟؟
أني نحيت لعلي الحفاظة وعمره سنتين وسبعة أشهر
وكان وقتها لسانه متســــــــــــــــرح وفااااااااااااااااااهم كل شيء
ولكن
أعطاني عشر أيام مسمحات
وسبحان الله في شعبان الماضي تحديدا
قلتلهم بنعطيه شعبان صدقة بالغة خخخخخ
كان متعلمش فيه وجي أول يوم رمضان حنردله الشمال
وقتها كنت حامل بالسادس
والحمد لله شوية صبر ومشت الأمور تمااااااااااااااااااااااااااااااااام

جوهرة ليبيا · 06-24-2013, 12:35 AM

مع اني اليوم تاني يوم لكن حسيت بنوتي مستوعبتش وكنت بنصبر عليها لرمضان لكن غيرت راي

وصار اسبوع ههههههه والا بنردلها الشمال وخلاص
المشكلة بعد مديرها اتقولي
وديرها بعد من قعمزها ساعة حشاك في الحمام تطلع وتعملها علي نفسها آآآآخ

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	ايلاف	إستفسارات حوامل من الشهر السابع إلى الشهر التاسع	3567	06-15-2013 12:57 PM
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تفضلو حبيباتي	ريحانة المصطفى	منتدى أعراض الحمل والوحام	0	12-06-2012 10:41 AM
مهم لكل عضوات قسم الحوامل الغاليات.. تفضلو حبيباتي ..	xRano0x	منتدى أعراض الحمل والوحام	121	08-23-2011 01:48 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM