دردشة بنات ليبيا , دردشة حوامل ليبيا , تجمع بنات ليبيا

أم أجنادين 80 · 06-09-2013, 12:57 AM

في صالة دنيا

~~sosolibya~~ · 06-09-2013, 01:02 AM

جانى عرس فى صالة ميس ومامشيتش

شنو لبستى

أم أجنادين 80 · 06-09-2013, 01:06 AM

قفطان كبير سكري
ومكياج عالذهبي والعنابي واحمر شفاه عالاحمر واكسسوارات عالاحمر

أم أجنادين 80 · 06-09-2013, 01:08 AM

يلا تصبحوا علي خير
غدا يوم شاق تنظيفات مابعد العرس
كل مايكون عندي عرس بعده انحس انه الحوش مش مرتب

~~sosolibya~~ · 06-09-2013, 01:11 AM

جنودة كيف قفطان كبير
يعنى ستاقونة

ووين مشيتى وشنى صار فى المزين

~~sosolibya~~ · 06-09-2013, 01:15 AM

يللا تصحو على خير

وربي يسهل عليكم فروسة مفروض تواترقدو زى فى ليبيا
وماتهتموش بالوقت
يعنى ماتخلوش بداية الظلامليها علاقة بوقت النوم

dr.loly · 06-09-2013, 01:16 AM

كنها بنغازي ؟؟؟ ام اجنادين طلعتي حسني انشغلت

dr.loly · 06-09-2013, 01:19 AM

قدامكن الخيــر بنــــــــآت...

لاعادي سوسو نراجي زوجي نتفرجوا ع شي حاجة عالنت ونرقدوا ونوضوا بدري اخري 8 يعني 9 بتوقيت ليبيا نفطروا ونتمشوا اشوي اصلآ هذي فرصتي الصبح عشان العيال راقدين...

dr.loly · 06-09-2013, 01:22 AM

حتي نا يلا سلام ... نشوفو السينما لايف ع النت شن عارضه زوجي جااااا مسسسسسسسسسقع ...

اوشي · 06-09-2013, 02:28 AM

اقتباس:

المشاركة الأصلية كتبت بواسطة *ام فراس*

ان شاء الله لاباس عليهم ... ويمشوا ويجوا طيبين يااارب

معناها زوجك مش قاعد اليوم حديري سندويتشات غداك خخخخخخخخخخ

الله الله ع جو الجبل ... مافيه كيفه

ع سيرة الثقافه ... بس الثقافه الرومنسية ههههههه كنت نقرا ف رويات عبير القديمة طبعا زماااان ديما يفصلوا في الطبيعه
خصيصا جو اسكتلندا والريف متاعها وهواها... وضباب لندن وجوها و ... و... الخ
فيهن جو مع البطل والبطله ... بس للاسف زوجي مش رومنسي ابدا خخخخخخخ

قالي بنمشوا نتفرجوا ع طبيعة اسكتنلندا وبالمرة نشوفوا متحفها عشان سيف ويليام متاع فيلم بريف هارت كان حاضرتيه...

ضحكتيني ذكرتيني بالذي مضى ... روايات عبير كنا محرومين من الحب ولاقيينه في الروايات اهو

خير من العلاقات ... كنا نكملو في نقص الحب

اقتباس:

المشاركة الأصلية كتبت بواسطة sosolibya

السلام عليكم

شنجووووووووووو

فروسة مشكورة زوجى صلحهولى

اوشى انت وين فى شحات سهفتونى اااااااااه

وبعدين مفروض امتعينك بما انهم شيابين كبار درتيلهم زميطة ولا عصيدة هههههه صح

سوسو تعالي هنا يابنت ... انت كنك معايا امس مسكتيني عالحلم واليوم عالفطور

الله يعطيك الهنا .... هماشيابيني هكي فطورهم .. وانا درت بزيادة عليهم

تصدقي ان فطورهم شاهي وحليب وخبزة بسسسسسسسسسسسسسس

وبعدها بساعتين ايديرو انصاص

والصفرة ردت كيف ماهي ماعدا الحليب والخبزة

وباهي توة انت كنك ما تقوليلي يمشو ويجو طيبين .. الا لا ضروري تتفالحي علي لقيتني

ساكتة مانتكلمش خخخخخخخخخخخخخخخخخخخ

ياحنة انا نسكن في شحات وبس مش الاثار او المزارع ولكن شحات المدينة

اقتباس:

المشاركة الأصلية كتبت بواسطة أم أجنادين 80

طبعا انا الأربعاء والخميس في العرس
والجمعة مع المغرب مشيت لحوش خالتي
خالاتي ومرت خالي عندها وكان احلي جو
روحت خالتي ومرت خالي وقعدت انا وامي وخالتي وخوي وولد خالي يلي ماشي للعمرة قاعد عند خالتي هذه
وماتصدقوش كم كانت فرحتهم بينا كبيرة

ماشاء الله اللهم بارك ربي يونسكم ببعضكم

اقتباس:

المشاركة الأصلية كتبت بواسطة أم أجنادين 80

اوشي الحمد لله حنتي طلعت اقنينه ودرتها نفس الصورة بالضبط
وحتي اييديا وطلعت صابغة وخليتها ساعتين ايديا وثلاثة رجليا
وحنيت بروحي في حوش بوي قعدت ايدي اليمين حنتهالي ماما بعد ما نقشتها
وفضلت شوية من الحنة حنيت ماما
بس اليوم الثاني رجليا وايديا وجعوني من الوضعيات يلي خديتها حتي نقدر انشوف رجلي من تحت

باهي باهي ماشاء الله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تجمع حوامل ليبيا	ميرنا	إستفسارات حوامل من الشهر السابع إلى الشهر التاسع	21344	01-02-2012 10:29 PM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
شجرة تجمع حوامل ليبيا	أم أجنادين 80	إستفسارات حوامل من الشهر السابع إلى الشهر التاسع	6	12-19-2011 10:44 PM