دردشة بنات ليبيا , دردشة حوامل ليبيا , تجمع بنات ليبيا

[جوهرة ليبيا]

https://www.google.com.ly/url?sa=t&r...47008514,d.bGE


شوفي الرابط هدا هادي الجزيرة بس مختلفة علي طريقتي ان شاء الله اشرحها مرة تانية عزيزتي

[جوهرة ليبيا]

ربي ايعونك ياسوسو والله وذكرتيني حتي انا سلفتي اتجيب في نص رمضان يعني سفرة كااامله لازم نرفعها وبصراحة هي حتي تنزكم ماطيبش يعني منفكرش حتي انها ادير شربة ربي يهديها ويسهل عليها وماشاء الله تجيب طبيعي وتروح في نفس اليووم
لاني لو بندير حاجة والله لوجة الله وربي يعطيني الاجر ان شاء الله
انا عادي لو مش حامل لكن في رمضان انكون في السادس يادوب اندير حاجتي خوفا من التعب والدوالي ونبي انخلي جهدي للعبادة

وان شاء الله ربي يسر الامور كلها يااااااااارب

[sosolibya]

فى المانيا

[sosolibya]

ربى يسهل عليك والله تعب مابعدك

انا حاجة وحدوة عليا وع الصغار نتعب ومانلحقش نعبد ربى

استغفر الله العظيم

[sosolibya]

يمىىىىىىىىىىىى شكلها تجنن وحتى البيتزا المحطوطة

جوعتينى

قاعدين نراجو ماتغدناش ااه

[جوهرة ليبيا]

المشاركة الأصلية كتبت بواسطة sosolibya

يمىىىىىىىىىىىى شكلها تجنن وحتى البيتزا المحطوطة

جوعتينى

قاعدين نراجو ماتغدناش ااه

هههههههه تعودي عالغداء موخر زيني توة كيف طلعت البتزا والخبيزات من الكوشة ورتبت سفرتي وغطيتها كلها لان زي ماقلت مايحبش الغداء السخون مع الخمسة يروح اتكون بردت مع ان البتزا والطعمية مايتكلوش الا سخان صبرت روحي بوحدة بيتزا وطعمية هههه

[جوهرة ليبيا]

تعرفي ياسوسو انا يوم اندير الجزيرة اندير السويسرول لان الحشوة نفسها فنختصر علي نفسي

[ام معاد]

السﻻم عليكم كيف حال الجميع

[جوهرة ليبيا]

معقولة مافي حد
انا توة بنمشي لحوش بوي خواتي اتصلوا بيا تعالي انهدرزوا ديما في الثلاثاء تنلاقوا وتيت توة روحي ولبست رنودها وكل شئ تمام
لكن راجلي من من نص ساعة القيتة راقد في مكانة بنزيدة ساعة وبنوضة هو ميحبش يرقد هلبة مجرد يريح بس
وخلاص نتلاقوا علي خير ان شاء الله

[جوهرة ليبيا]

وعليكم السلام ورحمة الله وبركاتة
كيف حالك ياعسولة وينك عودي واخدك منا