دردشة بنات ليبيا , دردشة حوامل ليبيا , تجمع بنات ليبيا

[شموسه 88]

تو مع السلامه بعدين انطل عليكم ان شالله

[sosolibya]

السلام عليك ورحمة الله وبركاته

كيف حالكم

تصدقو يابنات مدايرة عليكم كبيدة ونراجى امتى نجى ونهدرز عليكم

[sosolibya]

أن شاء الله يارب يسهل عليك أمورك يا انم سونة

أثرى شنو معاش فيه وقت فى النهار رسمتى على الليل طلى مرة مرة على وخيتك فى لنهار


جيجي سلمك حبيبتى

ونبشرك ان زوجى لقاه ب 15 الى 20

وبنديروه إن شاء الله كان لحقنا توا هاليومين
بإذن الله


جنودة شنجو ياغالية امتى تمشى لصالة عبد المهيمن باش نتلاقو غادى
ومافهمتكش شنو تقصدى على الدار زليز وحوو قبل البورسلين

[sosolibya]

شنج بالغالية على قلبى ليبيا قلبى كيف حالك خشى فى النهار هدرزى عليا او فى الليل بكرى شوية


شموسة مبروك عليك القفطان
وماتدريش مرات هذا أحلى

[sosolibya]

خلى نحكيلكم امس شن صار

طبعا راجلى روح موخر من صبراته وتغدى وقال ة مش طالع العشية

ارتاح والعشية خدمنا فى الصور وقدام الصور لأن انا حوشى خلف امتعينى فاللقطة ان فيه طريق ترفع لحوش والطريق مشجرة
فقعدنا نقصو ونظفو فى الشجر على الجانبين

وبعدينا خشينا كملنا قلب دار النوم قلبناها\

وطبعا ماما تتصل بيا من الصبح تقولى تعالى خالتك جاية تهدرز

وانا قعدت لاهية مامشيتش

والمغرب قالتلى تعالى حتى خالتك الثانية جدا

المهم بعدين مشيت
وقعمزت انا وصغارى على كسكسى الغداء مغطى وبالرغم من انه مصقع يمىىىىىىىى يهبل يامحلاه
بطماطم القشور يجنن

وسهفتهم جو قعمزو معاى كلهم

وقعدنا درنا جو خالتى الكبيرة روحت والثانية قالت بنقعد نبات ونحنى قلتلهم انا مخاطريش بنروح حلفولى نقعد

المهم بعد ماحنينا خالتى خطر عليا الهبال

وقلت والله خاطرى فيها هيا نحنى حتى انا

وخضبت وحننتنى امى
تهبللللللللللل ههههههه
بس انا ماتصبغش فيا هلبة
وحشاكم من أول يوم تبدأتتقشر على خاطر انا عندى أكزيما


المهم نضنا الصبح امى لقيتها عاجنة السفنز ترمى فيه يفحفح ماشاء الله

وفطرنا وبعدين مشت وخالتى لأمتعين خالنا بيطقو فيهم ويباركولهم(بنت خالتنا 10 سنين ماجابتش توا جابت ولد ولله الحمد)

وانا لميت صغارى وروحت على رجليا

وجيتكم طووووووووول مستاحشتكم

طمبعا فتت على امتعينى هدرزت شوية

وعلى جداى (يللى مربية أعمامى )


وتوا نخمم شنو الغداء نفكر مرات ايدام دحى

[sosolibya]

إكتشفت حاجة مهمة

ان الحنة لما ماتكونيش مخططتلها أحسن بهلبة وأحلى وأخف وأريح وتجى بسرعة حلوة خفيفة نظيفة

كان تخططتيلها
تبى وتفدد تجى ادره الكبد

طبعا مش فى كل ألأحوال

[شموسه 88]

الله سهفتيني بلحنه ياسوسو حتى ان شالله عل الفرح نبي انحني بلرغم ديما ماتصبغش فيا

[أم أجنادين 80]

جيجي الف لاباس علي عمتك

[جوهرة ليبيا]

السلام عليكم ورحمة الله وبركاتة

[جوهرة ليبيا]

جنودة الله لايوريك باس ياغالية

وربي يحفظ حبابك ويرزقك ماتتمني ياااااااارب