دردشة بنات المغرب , دردشة حوامل المغرب , تجمع بنات المغرب

[ام اية]

سلام عليكم البنات انا صباح دخلت. وملقيت حتى وحدة
اوا كيف بقيتو لاباس
اختي ليلى كيف بقيتي وكيف بقات جنى ديالنا والله يأختي شميسة غلبتنا. وحنا مزال. مذخلنا الصيف

[oumdarda2]

اهلن ختي نوال انا مشيت ونتي جيتي تسنيت ما لقيت حتى حد ومشيت تانقلب ما ندير فالكوزينة
ياختي حتى هنا الشمس كاتحرق واقيلا هاد الصيف غادي يجي واعر *اللهم قنا عذاب النار*ا
انا الصباح اختي مادخلتش راحنا كانتقاتلو مع هاد الكونيكسيون مشينا نشوفو شركة خرى ايوا خدينا فكرة ومنين نسدو الكونترة مع هادو غادي نفتحو مع لاخرين ان شاء الله

[ام اية]

الله يسهل الامور اختي ليلى وكيف قلتي الله يرحمنا من عذاب النار. والله يأختي كنخمم لرمضان مع هد صعد والحمل الله يصبرنى ويقوينا

[oumdarda2]

كيف ماشيا مع الحمل اختي نوال كاين شي تعب ولا الحمد لله ماشيا مزيان؟الله يتمم ليك على خير بدون متاعب احبيبة
كيف دايرين البنات لاباس ؟

انا ياختي نوال عرفتي شنو بغيت ندير يمكن الاسبوع الجاي ايلا بقيت بالروح غادي نوجد الرفيسة والمسمن ديالها وكولشي وندير فالكونجيلاتور راكي عارفة اختي راحنا بوحديتنا فهاد البلاد ما كاين لا اللي يطيب لينا لا اللي يوجد لينا هاكدا راجلي غير يجبد ويسخن ليا يلقى كولشي واجد وخلاص داكشي لاخر فحال الزميتة والحلوة قالتلي امي غادي نسيفط ليك كولشي وقاتلي غادي ندير ليك شي قفطان خفيف وشي بليغة بقا فيا الحال من شفت ختي كيفاش نفساتها امي ايوا الحمد لله على كل حال كل واحد فين مكتاب ليه يعيش

[oumdarda2]

اه ياختي نتي غادي تكوني حاملة باقي فرمضان الله يعينك ولكن اختي ما تنسايش بان الله سبحانه وتعالى مرخص ليك باش تاكلي ايلا مقديتيش ومن بعد ان شاء الله رجعيه لا يكلف الله نفسا الا وسعها

[oumdarda2]

غير نصلي المغرب اختي نوال وهاني معاك

[oumdarda2]

هاني جيت نوال راكي هنا ولا مشيتي؟

[oumdarda2]

:(كون كنت حدا امي كون جاااااااابت ليا المشبك:(

[oumdarda2]

ايوا خليتوني بوحدي فحال البارح نمشي نرتاح شوية
نصبحو على خير البنات تهلاو فراسكم ربي معاكم اجمعين والله يسمعني عليكم خبار الخير
احبكم في الله

[ام اية]

عندك الحق اختي ليلى وجدي كلشي لغادي تحتاجي محدكي واقفة على رجليك وديري فالكنجيلطور. باش يجي ساهل راجلك يسخن ويعطيك تقواي مع راسك
واش غدي ديري سبوع بحال المغرب
والله يخليلك مانا بعدا حيدت ليك تمارت الحلوة والسلو حسن ليك اوا شكون بحالك تفكرت ليك حتى القفطان اوا لهلا يخطيهم علينا