ولدي يبكي بقووه بالليل دايم يسهرنى .وماعرف مغص ولا ايش؟اعيش رعب !! ابكى معه بكررريه

[ليالي حب]

واضح من عنوان
بنات ولدي عمره قرابه شهررين
وليليا سهررر وبكى بعنف يخوف افك مهاد واتركه اسوي حليب اعطى دوا مغص اعطيه مره شاى ينسون انا بغربه ماعندى من يمسكه او يريحنى شوى زوجي ماايعرف ولا يعتمد عليه ..باارد

ولدى يرضع صناعى فقط اه اه مااعرف وش يبكيه تعبان او ممغوص ولا كذا بس..جاب الهم لى بس اهززز اهزز وامشى به ويزيد صرراخ !!
بسسسس بنها ر كويس نوعا مااا ماشاء الله

وش السر وش اسوى

واخاف تلوث من رضاعات مع ان اعقم؟؟ بس تعرفون يمكن تعقيمى موتمام ..



جزاكم خير افيدوناا

[حيآتوو]

يمكن من بطنه ممغوص
فلاتعطينه شي ،، لما يمتلي بطنه يزيد
جربي ابطحيه ع بطنه
او ع صدرك ودلكي ظهره وباطن رجله


تأكدي من حفاظه وانه يوسخ كفايه باليوم

بناتي اشغل لهم ليلياً سورة يس ويخدرون
جربي شغلي له قران

اممم بالمناسبة شسم ولدك ؟؟ > ملقوفه! Xp
امزح بس حسب ملاحظتي مدري اذا صدق اولا

بعض الاسماء حاره
يعني صاحبها يصير صياح وهو صغير وحووسه اذا كبر

وانتهت جعبتي لهذا العمر

[قمر 2013]

لازم يتجشااء بعد كل رضعه

يمكن عنده غازات

وحتۍ انا بنتي ماكانت تسكت بس بكي ليل ونهار

وماتركت مستشفى الكل يقول سليمه تكبر وتهدى

والحمد الله هذي كبرت وصار عمرها 3 سنوات ^_*

[ليالي حب]

مشكورين وانا اعطيه حليب وارجع اعطيه زياده.. اخاف بطنه امتلا؟؟!! بس شسوى ابي يسكت اخاف يجوع

[بنت لبنان]

ممكن يكون ممغوص وممكن لا في اولاد بيبكو من الملل حاولي تتاكدي انو مش ممغوص واذا كان مش ممغوص العبي معه وخلي يضحك انا هيك بعمل مع بنتي

[ليالي حب]

عمره ماكمل شهرين ..ملل !!
غريبه بس اهز به بين فتره وفتره عشان ملل
بس هذ يصيح يبكي بعنف يعنى مو زى العاده لا بقووه .. اما مغص او ملع بعظام او جوع او عطش ... وشتتوقعوون ؟؟ السبب؟


وش تسوون ..وعادى سهر يوميااا
كيف تنظمون نومكم ؟ بهالحاله

[ليالي حب]

???????????????

[ليالي حب]

استغفر الله

[T00T]

ي عمري السهر كلنا نسهر وعجايزنا يقلن صياح البنت 60 ليلة والولد 90 ليلة

ماراح يهدا لين يبدا الرابع انا كذا عانيت مع ولدي

بس بقولك قبل النوم اجيبه وافكه وافك حفاظته وخليه يلعب اذا جيتي تحفظينه شوفي لو فيه مكان حفاظته احمرار لو بسيط تراه يزعجه ادهنيه بفازلين وحفظيه

جيبي زيت زيتون ساخن وابدي دهنيه يمكن مملوع وركزي ع كتوفه ومعالق يديه من فوق

وادهني بطنه وظهره وحتى فخوذه

ولبسيه لبسه وامهديه باحكام مو يصير مرتخي عشان الطفل يرتاح

كل ماكان مشدود كويس

ورضعيه واقري عليه المعوذتين والاخلاص 3 مرات وايه الكرسي مرة وحدة واستودعيه الله وبيرتاح بنومته ان شا الله

نسيت شغله قبل تدهنينه حطيه ع بطنه اقل شي ربع ساعة عشان يرتاح من المغص

واذا ترضعيه صناعي عطيه قبل النوم يانسون وكمون

حطي الكمون واليانسون وصبي عليهم ما مغلي بدون طبخ بعد مايبرد شوي رضعيه

معليش هذرت واجد بس نفس معاناتي

[sharida]

حبيبتى ما تعطينه رضعة على رضعة لازم على الاقل يمر ساعتين بين كل رضعة والتانية ...ولازم يتجشأ بعد كل رضعة ..ويمكن يكون حران او سقعان اتأكدى ان لبسه مناسب للطقس ...واعطيه ينسون او كراوية للغازات ... وفى دوا مهدىء للتقلصات اذا كان بيبكى وبيتلوى بيكون تقلصات بمعدته اعطينه مهدىء للتقلصات وان شاء الله يكون بخير .. الله يطمنك عليه