تجمع حوامل سوريا-دردشة ورود سوريا-دردشة الغاليات

[Nayota]

المشاركة الأصلية كتبت بواسطة عاشقة جوجو2

كيفك سيريا انا بخير وجوجو الحمد لله عملتلها عملية للوز وهلاء احسن شوي من الاول
الحركة عادي ما تحسي فيها كتير ناس ما بحسو بالحركة لانها ما بتكون ظاهرة الله يتمملك على خير
نايوتا حبيبتي شلونك ما بالعادة هالغطة طمنيني عنك

تسلميلي ام جوجو بسؤالك عني والحمد لله على سلامة جوجو خانم ولاتفكري ازا اجا حمودة رح يروح الدلال بالعكس كلمالو بيزيد اكتر واكتر

[Nayota]

المشاركة الأصلية كتبت بواسطة syria

كيفكون صبايا شو اخباركن
طولت الغيبة صح

انا تمام
اخباري انو خلصت اجازة زوجي ورجعت لاعدت البيت والحيطان الاربعة

من اسبوعين رحت لعند الدكتورة وسمعت نبض البيبي وئالتلي مارح اعملك سونار لانو حجم البيبي صغير

انا هلئ بنص الخامس ولهلئ ماحسيت باي حركة للبيبي فشوووووو الئصة
طمنوني انتو عنكون

ميار &شذا &ام مهند &نايوتا &شام الهوى &بسبوسة &عاشقة جوجو
والي نست اسما تسامحني كيفكون وشو اخباركن\

ا
ااالحمد لله مناح سيريا اشتقنالك ومشان حركة البيبي لاتخافي اغلب البكريات مابيحسو بالحركة
وخلصت اسمعتي النبض والحمد لله منيح لا تتوسوسي بكرة بتشبعي خبطت ولبط ههههههه
انا وقت نايا حسيت بالحركة من دخولي بالشهر الرابع متل رفرفة بسفل بطني

[Nayota]

المشاركة الأصلية كتبت بواسطة يارب أرزقني طفلااا

انا جيييييييت منورين تؤبرو قلبي يااارب فرج همنا بسوريا ونفث كربنا ادعولي بالحمل صبايا والله راح طق

سلامة قلبك ويارب تطلعي حامل هالشهر بس عرفينا عن حالك وابقي نورينا هون بالمنتدى

[Nayota]

مساالخير للكل مندون ذكر اسماء .....
انا يابنات مافي شي جديد على حطة ايدكون طبخ ونفخ وشطف وغسيل و... و... وركد و فعي ورا نايا خانم

واليوم طابخة فولية اتفضلو

[عاشقة جوجو2]

نايوتا صحة وهنا على الفوليا والله جاي على بالي بعتيلي صحن ههههههههه
والله متل ما قلتي حياتنا كلها طبخ ونفخ وووو............... شو بدنا نساوي
انا بلش وجع ظهري كتير مزعج الوجع طبعا النوم على القاعد الله يعين يارب
وصرلي كم يوم عندي مغص متل اول يوم الدورة حكيت الدكتورة اليوم
قالتلي تعالي اعطيكي حبوب تثبيت عشان ما يصير ولادة مبكرة
الله يصبرنا ويكملها معي على خير
انا تعبت هالكم يوم عشان جوجو ليل نهار نق وسق اخ احسن شي

[syria]

صبايا وينكن ليش مافي حدى

هلئ شو مشان اني رح ارجع للموضوع يلي اكلتلكون راسكون في (حركة البيبي)ههههه


صايرلي يومين عم يجيني نوم وعم اتسطح ساعتين وتلاتة بالتخت فلما بكون متسطحة عضهري

بحس شي متل النبضة او مدري كيف اكيد هاد البيبي

[Nayota]

المشاركة الأصلية كتبت بواسطة عاشقة جوجو2

نايوتا صحة وهنا على الفوليا والله جاي على بالي بعتيلي صحن ههههههههه
والله متل ما قلتي حياتنا كلها طبخ ونفخ وووو............... شو بدنا نساوي
انا بلش وجع ظهري كتير مزعج الوجع طبعا النوم على القاعد الله يعين يارب
وصرلي كم يوم عندي مغص متل اول يوم الدورة حكيت الدكتورة اليوم
قالتلي تعالي اعطيكي حبوب تثبيت عشان ما يصير ولادة مبكرة
الله يصبرنا ويكملها معي على خير
انا تعبت هالكم يوم عشان جوجو ليل نهار نق وسق اخ احسن شي

سلامتك ام جوجو وريحي حالك الرياحة اهم من حبوب المثبتة والله يتمملك حملك وتشوفي حمودة بخير وسلامة


وبعتلك صحن سكبة ماوصلك شكلون اكلو عالطريق هههههههه
انت بالعزيزية ساكنة على ماازكر ما موبعيدة عني لحشة حجر

[Nayota]

المشاركة الأصلية كتبت بواسطة syria

صبايا وينكن ليش مافي حدى

هلئ شو مشان اني رح ارجع للموضوع يلي اكلتلكون راسكون في (حركة البيبي)ههههه


صايرلي يومين عم يجيني نوم وعم اتسطح ساعتين وتلاتة بالتخت فلما بكون متسطحة عضهري

بحس شي متل النبضة او مدري كيف اكيد هاد البيبي

سيريا في هون بالمنتدى قسم لمرحلة الولادة وتجمعات لكل شهر بس بالتاريخ الهجري روحي واشتركي مع الشهر يلي بيتوافق مع شهر ولادتك وبتتشاركي مشاكل الحمل معون
شغلة ظريفة هالتجمع وخاصة للبكريات احاسيس جديدة وحدا بيتشارك معك
ماعم قلك اشتركي وتتركي التجمع هون لا خليكي هون وهون وبتستفادي كمان من مشاكل الحمل عند غيرك
ومشان حركة البيبي بتصور يلي حسيتي فيه حركة البيبي وانت ادرى كمان ههههههههه

[Nayota]

صباح الخير صبايا سوريا الحلوين ان شالله تكونو جميعا بخير
اشتقنالكون كلكون بلا استثناء
طلو وسلمو علينا

انا ونينو الحمد لله بخير وصاير هالومين برررررررررررررررررررررررررررد بالرياض كتير عم نشارك اهلنا بسوريا البردات
الله يدفيهون برحمتو اول سنة بيكون البرد نقمة يارب ارحمون يارب
ماعم تروح من بالي صور الاطفال المشردة بالتلج والله كتير مقهورة
ادعولون امانة

[زهرة سورية]

مساكن عسل بنات سوريتي الغالية كيفكن حبيباتي ،انا الحمدلله منيحة و ساويت الفحص و اطمنت ع البيبي يئبر قلبي و اول مرة بسمع نبضات قلبو بصوت عالي ياروحي صرت ابكي ما قدرت امسك حالي ألف حمد و شكر الك ياربي

نايوتا حبيبتي يسلمو ع الدعوة الحلوة والله انتي ما في منك و دعواتك غير شكل لا تحرميني منن و مبروك السن الجديد لنايا عقبال ما تشوفيها عروس يارب

عاشقة جوجو سلامة قلبها جوجو الحلوة و الحمدلله ع سلامتها و الله يطمنك ع حملك حبيبتي و ديري بالك على حالك

سيريا يا قلبي انتي لا تتوسوسي كل شوي ع الحركة و النبض و الله حالتي الاسبوع الماضي ما بيعلم فيها غير رب العالمين من ورا الوسواس وكلي امرك لرب العالمين

شذا. ام كوكي الحلوة كيفك حبيبتي وكيفا كوكي المورة ان شاءالله ما عم تعزبك

ام هنودة القمر وينك حبيباي اكيد ما عندك كهربا الله يعينكن يارب

بسبوسة زوجها و ينك غاطة يا حلوة فوتي و طمنينا عنك

أم ملاك القمر طلي علينا و فرجينا مالك العسول اشتئتلك

شام الهوى -سيلا - سروءة - سيدرة- أم عائشة -هديل الروح وينك من وقت ولدتي ما شفناكي هون الظاهر رنوشة عم تعدبك كتيير
و بعتذر من اللي نسيت اسمها لا تواخذني لانو صايرة عم انسى كتير و الله هههههه

مبارح نسيت حط الطبخة عالنار و جوزي اجا ما لقا الاكل جاهز كان بدو لسا نص ساعة ،وبلشلي موشح انا مالي فاضي انطر الاكل و اذا مانك مخلصة قولي هههه الله و كيلكن صرلي راسي بالحكي و زعلت شوي بعدين رضيت لتني كنت جوعانة ههه