صار لي 10 شهور متزوجة ولحد الان ماصار حمل ؟؟؟

[لمياءء]

السلام عليكم


معاكم اختكم لميااااء
انا صار لي متزوجه 10 شهور ولليوم ماصار في حمل ابدا وانا اتمني اني احمل خاطري افرح زوجي
راجعت الدكتوره مرتين وقالت لي اني سليمه 100 من 100 وحتي زوجي سليم
بس ماعرف ليش ماصار حمل :
اتمني اني احمل
والدكتوره قالت لي اذا حابه تحملين تعاليني رابع يوم من الدوره ببدا علاج معاج
وانا ماعرف شو العلاج وماعرف اذا يضر ماعندي خبره في هالاشياء
لان هالشي كله عالم يديد في حياتي
ياليت اللي عنده خبره يفهمني شو الصح اعتبروني اختكم وانصحوني

[nadoosh 07]

هلا فيك

والله انا مثلك لي سنه واربع شهور ولسه ماصار حمل وقالولي لي سليمه انا وزوجي
وقالوا لي اذا كنت تبين يصير حمل لازم يسوون لي متابعه تبويض وبعطوني منشطات عشان تساعد عالتلقيح
بس انا باقي ماجربته استنئ لين تجي الدوره ولا تخافين ترئ العلاج سهل وان شاء الله مافي مضره لك
اسأل الله ان يرزقك ويرزقنا بذريه الصالحه ان شاء الله

[عواش]

هلا حبيبتي انا مثلك لي 10شهور من تزوجت وماصار حمل الحمدلله علئ كل حال ورحت لدكتوره وعطتني حبوب منشطات ومتابعه لتبويض .. فانتي توكلي علئ الله وروحي لدكتوره واذا كتبتلك ع منشطات عادي خوذي ياقلبي وتوكلي ع الله لاني مريت بنفس مرحلتك وكنت خايفه وماعرف شي بس الحمدلله خواتي بالمنتدى ماقصرو معاي كل ماعطتني الدكتوره علاج جيت استشيرهم فيه وماقصرو الله يعطيهم العافيه ويرزقهم بالحمل السليم يارب ..

[وردة العراق]

اذا انتي مستعجله ع الحمل لازم تراجعين دكتورة حتى تبدي معاك من البداية وتشوف حالتك وتابع عملية التبويض احسنلك راجعي الدكتورة ويارب التوفيق

[يارب أرزقني طفلااا]

انا الي سنتين2 وثلاث شهور ياااااااااااااااااارب يرزقني ويرزقك ياااارب بحق لا اله الا الله وانشالله ما تحتاجين تروحين للدكتوره يااارب

[امال جزائر]

لا تخافي روحي للدكتورة و الله يرزقك و يرزقنا اجمعين يااااااااااااااااااااااااارب
اتكلي على الله

[Orchid109]

حبيبتي اصبري شوي توك عروس
بعدين بما انك سليمه انتي وزوجك وش تبي تعطيك الدكتورة من أدوية وتخبص فيك !
انتبهي حبيبتي وانسي موضوع الحمل لان كثرة التفكير ياخر الحمل لك
لو تعديتي السنة روحي للطبيبة

[لمياءء]

شكرا لجميع اللي قرو موضوعي وهونو علي
وحابه اسمع ردود الباقي بعد

[لولو 94]

انا نفسج بكمل 10 شهور وتحاليلنا سليمه والله يرزقنا يارب

[ahlam-f]

الله يرزقك قريب ياارب .. يمكن يبي يتابع التبويض معك ..