متى عرفت انك حامل بتؤام؟؟وكيف؟؟وشلون تلقيت الخبر؟؟

[كولين]

حبيباتي هذا استفتاء للحوامل بالتؤام ..
تخبرنا فيه ..متى و كيف عرفت انها حامل بتؤام ..وشلون تلقت الخبر؟؟
افيدونا افادكم الله ...وشوفو شلون ردودكم راح تلقى صداها عند باقي البنات..

[شموسه]

انا ولا مره حملت توام

بس اتمنى احمل توام المره الجايه ادعولي يارب توام اولاد يارب

[شوشوه]

وانا مو حامل بتوام بس ودي الصراحه ادعولي

:)

[شموسه]

شوشوه

يارب يرزقج بالتوام يارب

[زود الغلا]

الحمدلله انا حامل بتوام ..... بصراحة كان صدمة لانه شي مو في البال وغير متوقع ....... وام زوجي دايما تدعي يارب يرزقك بتوأم وكنت اقولها لا خالة امانة ادعيلي دعوة ثانية انا واحد وما اتحمل ,,,,, وتاخرت علي الدورة ورحت لدكتورة قلتها ابي شي ينزل الدولرة لانها ماجتني وانا حيل تعبانة ........مع العلم اني ماكنت ناوية احمل .....وطلع التحليل كانت نسبة هرمون الحمل عالية وفالتلي لازم اسويلك سونار .... وطلع توأم بصراحة يوم قالتلي مت من البكي منصدمة وخايفة .....بس الحين الحمدلله اشكر الله واحمدة على النعمة .

[يارب ترزقني بطفل أضمه]

ياقلبي ياكولين حلووو الموضع كثير انا ان شاءالله متفائلة بحمل تؤام بنات زي القمر وكوكو وطيوفة وسماحة يارب

[جومانا]

بصراحة صدمة مررررة قوية ماكنت مستوعبة جلست اضحك عند الدكتورة على بالي تمزح معي
في البيت اللي استوعبت حتى زوجي انصدم اكثر مني
لاني ماتوقعت الحمل ولدي صغير بس الحمد الله يارب
هو الرازق والمعطي

[ام حسين الدار]

اني توي في بدايت الحمل بس انشاالله توام يارب

[نونة العسولة]

هذا اول حمل لي

وماشاء الله حملت ببداية زواجي تاخرت الدورة وسويت تحليل حمل منزلي وطلع خطين وماكنت اعرف انهم توأم لين مارحت للسونار اجيك الحمل ولا تقولي توأم
بصراحة كانت صدمة لي لان ماكنت ابي احمل من الاساس لان توني عروس
بس احنا عندنا التوأم وراثة بالعائلة .. طبعا اهلي واهل ريلي وريلي حيييل مستانسين وانا بعد الحين منتظرة اشوفهم فديييتهم

الله يرزق كل محرووووووووووومة يااااااااارب

[الاميرة الصغيرة]

انا ماعرفت اني حمل توئم في شهر الرابع
كنت صدمه لي زوجي نصدم اكثر لن اهل مافي حمل التوئم بس اهلي فيهم حمل التوئم انافرحنا اكثير وزوجي مبسوط لن الله رزق بتوئم اتمنى من الله انا يكونون سالمين معافين ياارب ..
ويرزق كل محرومه ياارب ..