انا غلطانه او لا

[فراوله 2010]

بسم الله الرحمن الرحيم حبيباتي ابشركم اني ولدت وجبت بنوته مثل القمر ,,لكن للاسف زوجي نكد على نفاسي ..والسبب اني رفضت اشتري غقار عن طريق البنك .. في الوقت اللي مسكن زوجته الاولى وعيالها في بيت اشتراه وكان اتفاقي معة انه يبني بيت لي بعد سنه حتى يكون عنده وقت يجمع فلوس ..لكن هاليومين طالع بفكرة اختصار الزمن والجهد انا اشتري عقار اقساط واهو يكيش المبلغ اللي علي بعد سنه ..المسألة عندي مو عدم ثقة .. المسألة شكلي قدام اهلي الناس .. وسمعنى انا اللي اشتري ..وغيري يسكن بارده مبردة..بصراحة احتد الموقف ..واهو زعل ونام واهو زعلان ..وانا والله ما احب ازعلة ..بس بط جبدي بفكرتة هذي..وللمعلومية انا لما تزوجته كان طرق الوظيفة يعنب اللي جاي على قد اللي رايح طبعا على زوجته الاولى وعيالها ..وساعدته خذيت قروض واهو نفس الشي خذا قروض وبدا يشتغل ..فيهم ولما صار معاه اللي يكفي كيش المتبقي من قرضي ..ابي اراضية بدون ما اتراجع عن موقفي شلون ؟؟؟؟؟؟؟؟؟؟؟؟؟؟؟؟؟ساااااااااااااااااااااااااااااعدو ني

[بلاك بيري وردي]

والله شوفي انا مع الزوجه اللي تساعد زوجها
لكن بحدود
دام زوجج مقتدر وقدر يشتري بيت لزوجته الاولى
يعني يقدر يشتري بيت لج
راضيه ولا تزعلينه وقوليله انج مو محتاجه البيت الحين
دام توكم متزوجين وعندج بس ياهل
عشان جذي خليه يجمع الفلوس سنه سنتين وبعدها يشتري بيت
وخلاص تنحل المشكله
والله يوفقج

[Wteen]

والله حبيبتي اناا اشوف انه ماافي
فرررق بين المره وزوجهاااا والجيب واحدددوموعيب ابد انه الزوجه تساااعد زوجهااا ولايهمك الناس
طبعااا مو كل الرجااال لانه فيه بعضهمم استغلااااالي
وانت ادرى بزوجك اذا تعرفيه انسسان حقاني ويغليك
حبيبتي سااعديه وكله لك بالاخيرررر
واذاا ضمنتي فلوووسك ماافيه شي وماااحد يلومك خصوصاا انه فيه زوجه ثااانيه
والله يسعدك ويكتب لك الي فيه الخييير

[شموسه]

انا اقول مادام الثقه موجوده توكلي على الله

[يارب عفوك]

توكلي على الله..

واذا انتي واثقه فيه خلاص..
وحلو إنه تساعدي زوجك

[فراوله 2010]

بلاك بيري وردي.........Wteen ..........شموسه....... يارب عفوك الف شكر على النصيحة لكم كل حبي وتقديري

[ياويل حاااالي]

ياحبيبتي عااااادي انك تساعدين زوجك وهذا البيت لك انتي يعني مو حسااافه ودامك واثقه فيه بلاش هواش ووجع راااس الله يوفقك...

[O R Ċ H I Đ]

نصيحه ساعدي زوجك بس خلي البيت باسمك
حتى لو واثقه منه انتي بنيتيه وتعبتي عليه
واذا صار في زوجك شي بيصير ورث وانتي بتنطردين فانصيحه خليه باسمك واخذي القرض
وسويه انتي على راحتك
اذا راتبك يتحمل او سوي بيت فوق سوي شقق ومن تحت اسكني احسن لك