مشكلتي التافه مع زوجي ويقولي هما الداخلين وانتي الطالعه

[ام تومي888]

السلام عليكم

قبل اسبوع كنا مجتمعين انا وسلفاتي وومع ازعاج الاطفال جاني صداع كنت شوي وبنزل وباخذ عيالي
الا تجي عمتي وتقولي خلي سالم عندكم يبات وهدا ولد سلفتي عمره اربع سنوات وشقي مره وصوته مزعج وحركي وانا على طول قلت لا مره مافيا لان قبل كدا بات عندي وسلفتي دي تروح لاهلها وتخلي اولاداها الله يهديها والا زعلو وخبروها وقالولها فلانه ماتبغى تمسك ولدك
وسلفتي الثانيه مسكته طبعا هيا ماتبغى بس هو كان يبى عندها وهيا فرصتها تبين انها احسن مني
ومنها يومها يجتمعو تحت ولا يكلموني ومايعطوني وجه وسلفتي الحقوده تناظرني ومنتصره انهم كلهم ضدي شلت نفسي ونزلت اخس احساس انه ماحد يبا يكلمك مع اني محبوبه وسوالفي مسليه
لاكن حسبي الله والنعم الوكيل المهم قبل يومين اتصل علي ويقولي انتي قلتي لامي كدا قلت ايه قلي اخر مره تقولي هالكلام هما الداخلين وانتي الطالعه تخيليو قلتلو شكرا وقفلت
والى الان مانتكلم وماني عارفه كيف اتصرف انا صح غلطت لما رديته بس زودوها كل يومين والثاني يبونه يجلس عندي وزوجي مع اهله وحريم اخوانه

[بنت من البنات]

حسبي الله ونعم الوكيل

[تــومــا]

لاياقلبي انتى مو غلطانه وهذه حريه شخصيه بس زوجك حاولى تخليه بصفك واقنعيه بهدوء وربي يصبرم على هيك سلايف

[مشاعل الدوسري]

السلام عليكم


حبيبتي كلامك ملخبط وايد لكن اللي فهمته ..

ان احد وحده من زوجات اخوان زوجك

كانت تبي تترك الولد عندك و انتي مو متحملته ..

من حقك ترفضين لكن في اسلوب معين ..
قولي لزوجك أهلك على عيني وراسي لكن مسألة انها ترمي ولدها علي و تتعبني و هي تنبسط عند اهلها ..انا مو مجبوره ..
لو انها تعبانه محتاجه للراحه و الخ .. و انا رفضت لك حق انك تزعل..

في كلا الحالات انا مو مجبوره امسك ولدها لان الطفل محتاج مسئوليه و رعايه و يكون في ذمتي و انا بصراحه ولدها ما اقدر عليه لانه مشاغب ..



و ياعزيزتي المفروض انك توافقين خصوصا انك بنفس البيت بكره بتحتاجينهم بشي و يردون لك الخدمه لا حملتي و ولدتي و تعبتي .. و الخ ...

و بلنهايه يعتمد على طريقة اسلوبك في الكلام كيف تكلمتي مع امه و رديتي عليها هل بنبرة عصبيه او ان اسمحي لي يا خالتي ما اقدر على الولد .. بكل هدؤ و ادب في فرق..
و فلنفرض ان تكلمتي مع خالتك ام زوجك بكل ادب و رفضتي و هي كبرتها براس ولدها انتي بيني له بلنهايه وجهة نظرك ..

[حلليمو]

عفوا اختى انا ما اشوووف انك غلطااانه ..يعني هيا تروح بيت اهلها !!!!


وتسيب ولدها عندك لو كانت محتاجه او في مشوار ضرووري

عادي مو مشكله بس ترمي ولدها عندك عشان هيا ترتاح من ازعاجه لالا

اهم شي دحين زوجك فهميه وضعك وضعها بهدووء واكيد راح يتفهم..

موفقه

[أم أصيـــل]

طالما وصلتي لهالنقطه مع زوجك,,,

أنا أقولك حل هو عين العقل..روحي لزوجك وقوليله
أنا أم ماأرضى أرمي عيالي عند الناس وأكسب راحتي على حساب تعب غيري

وزوجة أخوك ماعندها إحساس أمومة وماتستحي كفاية فاتحه لها بيتي كمان أربي ولدها..؟؟
طيب لو جاه حاجه أنا إللي بروح فيها......

وعمتي المفروض تردها مو تشجعها على هالشي بس هما يبغونها من مني وهذا ردي جاهم,,,,
أنا ماأفضى غير لنفسي وأولادي وبس غيرهم لا........

,,,,,,,,,
وطنشية وخلي كلامك مع زوجك رسمي سؤال وجواب ورد السلام,,ولاتنقصين حقوقه
وخلاص,,,,,,
ريحي ضميرك حبيبتي والله منتي غلطانه بس هالكلام لازم تقولينه عشان موقفك يوضح
وماتعطين لأحد فرصه يضلمك حتى زوجك....
وبنفس الوقت تبرين ساحتك وتعرفين نفسك منتي غلطانه (رضا الناس غاية لاتدرك)

خليهم يزعلون بالطقاق.....والضربة إللي ماتذبحك تقويك
أصلآ وش إنتي مستفيده من سلفتك هذي ....؟؟؟؟؟؟؟؟ولااااااااشيء
بس وجع الراس وشكلها مو قد المسؤلية,,

والحمدلله ربي كشفهم على حقيقتهم ..وإلا حاجه مثل هذي ينزعل منها.؟؟؟؟
بس شكلهم يحبون السيطره بأي شكل,,,

ريحي راسك حبيبتي وباب جاك منه ريح سده وإستريح...........بالتوفيق

[مرهفة]

كلامك مافيه إيہ غلط وانا مارة بحالتك ذي وكنت اطردهم من شقتي لاني بصراحة وحدة ماتحمل ازعاج بالموت اتحمل بنتي
اهم شي تكسبين زوجك بصفك وتخلينه يتفهم الموضوع
انا لمن كان كل يوم يدخل عيال اخوه شقتي ويجلس معاهم ويازعم مستانس معاهم ويخليهم ينامون بشقتي تخيلوا لدرجة انهم نجسوا شقتي بالبول تكرمون
والله ماسكت عن الموضوع وقلت له انا ماتحمل عيال احد ومالي خلق عيال اخوك ابي اخذ راحتي معاك ابي البس براحتي واجلس براحتي مو اجلس واخاف يطلع شي من جسمي قدامهم
طبعا في البداية تحسس وزعل بعدها صار الامر عادي وقام اهو يطلعهم او يسألني تبين يدخلون والا لا؟
فمثل ماقلت لج حاولي تفهمينه باسلوبج

[ام تومي888]

يسلمو لكل اللي ردو علي
وردي كان لخالتي ام زوجي قلتلها لا ياخاله راسي يعورني من الازعاج حسيت وجهها قلب
وبعد يومين وصلوها لزوجي وسلفتي دي راحت لاهلها لان اخوها رجع من البعثه وولدها ماكان يبغى معاها
وسلفتي الثانيه تكرهني مره واستغلت الموقف واخدت الولد عندها لتبين اني غلط وتراقبني عند اهل زوجي تشوف ماحد معطيني وجه
لبست عباتي وطلعت شقتي

[ام تومي888]

المشكله زعلتني كلمه زوجي هما الداخلين وانتي الطالعه ايش يقصد فيها من يومها مانتكلم لنا 3 ايام وتعرفون المسلم مايتاخصم مع اخوه فوق ثلاث ليال ايش الحل معاه قلب الزعل علي مع اني حاسه انه حاسس انه غلط بس مايبين

[أم أصيـــل]

طيب حبيبتي مثل ماقلنا وضحي وجهة نظرك لزوجك وإسحبي عليه,,

إذا بجد زعلانه منه لاتعطينه وجه.....مو حلا يزعلك وتجرين وراه إثقلي عليه

وبتشوفين بالنهاية يتعب ويرجعلك...........