بالشهر 7 وبطني كبير ومايطلع بالسونار!!

[متأمله]

سلام عليكم ورحمة الله وبركاتة
حابة اسألكم .. ابي اشوف إذا فيه احد مثلي ولالا؟
انا من زمان وانا اعالج وماخليت شي ماسويته عشان احمل
وماكتب ربي حمل..وشهر 2 ماجاتني الدورة
وبعد فترة فحصت منزلي طلع نسبة حمل
فرحت بس ماكنت مصدقة نفسي
فحصت 3 مرات ونفس النتيجة الحمدلله
قلت بسوي فحص دم
اول مره طلع فيه نسبة والمره الثانية ماطلع
وقلت ربي ماكتب
بس كل شهر اشوف بطني يكبر زيادة
ورحت للمسادة بعد فحوصات كثيرة
وقالت الجنين موجود وبيتحرك بعد 10 ايام
وفعلا بعد 10 ايام تحرك
انا الحين على حسابي للحمل انا الحين بالشهر السابع
وبطني كبييير واحس بحركة الجنيين ! والله يابنات احس فيها
ما اتوهم !
وحتى اختي حطت يدها على بطني وحست فيه تقول والله حسيت به
بس المشكلة الكبيرة ؟ ماطلع بالسونار !
كل مره اروح مدري ليه مايتنسخون من الفحص
بنت اختي يوم حملت شفتها يتنسخون بالسونار ويحركونه
اما سوناري انا حطه بالبطن من تحت وضغظ بقوةة بمكان واحد؟
وقال مافيه ! طيب انا حملي فوق احس ماجا بمكان اللي الجنين فيه
والحوامل دايم يحركون السونار لين يطلع بس هذا ضغط بمكان واحد وقال مافيه؟
طيب ليه انقطعت الدورة ؟ وإذا مافيه حمل ؟ ليه بطني كل شهر يكبر ؟
والحركة اللي احس فيها معقول مايكون جنين؟
وانا متوكلة على ربي وهو يقدر وهم مايقدرون بس ابي اشوفوش ممكن يكون السبب؟
وفيه احد مثلي؟

كل مره اقول يمكن ربي عطاني اياه ومايبي حد يشوفة عطية من عنده
طبعا لي سنوات طوييييييلة اعالج وحتى الكل كلمني وهناني ماحد
صدق وكلن فرح من قلبة بالخبر
وانا اللهم لك الحمد ماخليت الدعاء يوم واحد واملي بالله كبيييييييييييير
وهذا الحمل ماجا الا عقب ماتركت العلاج وقعدت فترة بدون ماعالج

بس يمكن مكتوب لي ان الدكتور مايتنسخ وماكتب لي اشوفة بس انا احس بجنين واحس بحركتة كل يوم يعني مب مره ولا مرتين

ممكن يكون الرحم غليظ ومابين ؟

ربي ارزقني بالذرية الصالحة ..
انتظر رايكم ..

[نهال الدوسري]

سبحان الله موضوعك غريب

شوفي اهم شي احساسك بحركتة واحساسك انه موجود

روحي سوي اشعة رباعية يمكن يوضح

وعليك بكثرة الاستغفار

[متأمله]

اي والله ياختي غريب
بس مابه على ربي سبحانه
طيب مافهمت شلون اشعة رباعية؟
مثل الثري دي؟

[zobaaa]

ان شااء الله خير وتفرحي بشووفتة

[متأمله]

امين يارب الله كريم

[فجـ2010ـــــر]

يااااعمري ماشاء الله لاقوة الابالله يارب تكونين حامل ربي قادر على كل شي بس سوي اشاعه رباعيه وارجعي حللي وسوي اشعه عاديه عند دكتور ثاني

[الحلم المنتظر]

سبحان الله بس مافيه.شئ غريب على الله يارب.يكون موجود ولايحرمك منه ماعندي معلومات والله

[نعمة ربي]

غريبة الله يعينج

[متأمله]

الله يسمع منكم ..يجزآكم الف خير
وان شاءلله بسوي اشاعة مره ثانية
وان شاءلله ان ربي يفرحني

[ناطرة الفرح]

سبحان الله


الله قادر على كل شيّ
أنتي روحي دكتور ثاني وسوّي أشعه
وفحوصات
أو أطلبي سونار مهبلي يمكن المشكله من جدار البطن عندك غليظ
والله تعالى أعلم
ربي يتمم فرحتك ولا يسلبك الأمل الي أعطاه لك
ويرزق كلّ مشتاقه ومحرومه ياربّ العالمين