خايفة من بنتي تعديني(ساعدوني)

[شهدعمري]

السلام عليكم
كيفكم يا بنات يا كروشات انشاء الله بخير
بنتي اليوم صار فيها مرض الجدري وابتدات الحبوب على وجهها
والمعروف ان مرض الجدري يعدي وانا من قبل ما صار فيني
والمعروف ايضا الحامل مناعتهاا ضعيفه جداا وتعدي بسرعه
واليوم سويت بحث وقريت ان الحامل اذا انعدت بالاشهر الاولى يعني من اول شهر للثالث
راح تعدي الجنين وممكن يطلع مشوهلا قدر الله
طيب انا شنو اسوي بهالحاله حتى ما انعدي منها والله مو خايفه على حالي بس ما ابي اضر الجنين وبنفس الوقت ما ابي اجرح بنتي كلما تجي جنبي اقولها روحي بعيد
يا ريت كل وحده تعطيني حل او تجربه مريتو فيها حتى استفيد
ناطره ردودكم فديتكم

[عيش الحياة]

روحي عند الدكتورة عشان تعطيكي الحل وان شاء الله ماتعديكي
ولو تقدري تخليها عند احد يهتم فيها لم تخف وهذا راجع لكي
توكلي على الله

[فرح عمري]

والله موقف صعب

الله يكون بعونك وخصوصا ان بنتك محتاجه الى عنايه

الان يوجع شوي الجدري ويجيب سخونه

[انت لي وبس]

ربي يكوون بعونك روحي للمستشفى ممكن يعطوك ابره او اي حل
لان البنت مسكينه وش ذنبها يبلها اهتمام

[متفائلة دائما]

كلام البنات صحيح روحي للدكتورة فوراااا
ربي يشفي بنتك يا الغالية

[jorri sham]

وانا من رايي البنات ازا بتقدري تتركي بنتك عند اختك او امك خليها لبين ما تطيب وتتعافى ..
او ر وحي مشفى اشكيلن حالك .....
الله يعافيها

[MAяSҺy]

يب لازم تبعدي عنهآ .. وزي ماقلتي .. بعدين يتششوه الجنيين لا سسمح الله ..

بنت خالتي بنتهآ جآهآ و وهيآ حآمل بس الحمدلله ما انعدت .. وولدهآ تمام

بس حطيهآ عند احد ادأ تقدري .. وان ششاء الله ما جيكي ششي

واسستودعي نفسسك وجنيينك ..^^

وسسلامتهآ .. ما تششوف ششر

ادا ممكن تلبسسي كمام او ششي زيو .. !

[شهدعمري]

يســــــــلمـــــــو مـــــــشكــــــورين عـــــــــلى ردودكم فديتكم والله ماقصرتو انا رحت مبارح للطبيب وقالولي نفس الكلام لازم ما قرب على بنتي ولازم اخليها عند احد بس شسوي بنتي ما تصبر وانا بعد ما اقدر على فراقهاا احاول ما اقرب صوبهاا والله يتر انشاء الله يسلم هالجنين لسه توني داخله الثالث حتى البارحه سويت سونار وطمنتني الدكتوره يعني لو بالشهر الرابع ايكون افضل وقالت التطعيم مرات يكون خطر على الحامل قالت اروح للمركز الصحي الي تابعه اليه واشوف اذا في تطعيم مو مضر على الجنين ممكن تعطيه ودكتوره ثانيه تقول انتي شسوين بالتطعيم يعني لو اجالك المرض لا بينفع التطعيم ولا شيء وخوفتني وفعلا يشوه الجنين الله يعديها على خير ادعولي وادعو لبنتي بالشفاء فديتكم ياغاليات

[huda_l]

والله الموقف صعب الله يعينك علية

[شهدعمري]

اي والله الموقف صعب والحين اصعب لان المرض لسه في البيت بعد ما بنتي كملت اسبوعين عدت اختها الاصغر منهاا وبعد ما بنتي الثانيه كملت الاسبوعين هالاسبوع عدت ولد عمهااا الله الساتر بس الله يكون بالعون دعواتكم حبايبي