تجمع حوامل سوريا-دردشة ورود سوريا-دردشة الغاليات

[jorri sham]

ام عاائشة تسلميلي يارب وتشووفي ولادك وتفرحي فيهن انتي كم ولد عندك غير احمد وابراهيم بعدين شو بينادولكم انتي وجوزك ام ابراهيم ولا احمد .زززززز
وويلا مو مشكلة اهم شي قومتك بسلامة مابدنا قصه هههههههه

[jorri sham]

كيفكوون يا بناات
هدوووووووووولة ويينك غاايبة وسيلا
شام الهوا ووردة حلب وام عائشة ووعبوووووووووووووووووووووورة
وزهرة كمان غايبة
وسرووءة
وينكم كل هلاد الولاد بيشغلو وهههههههههههههههههههه <<<قال يعني ما كنت انشغل انا ههههههههههههههههه

ورنووووووووووووووووووووووومة


شتقتلككم .. كتيرررررررررررر


انا تعبانة ليومم كتير ومجرببببببببببببببة رشح وجسمي مكسر حتى بيتي ما عملتو بس ضبضبتوو وعملت الحمامات ويمكن بكرا انشالله روح عند اميييييييي

وبسسسسس

ليوووم رح اتغدا صفيحة
مبارح ككنت عاازمة اهلي وعممييييي ع العشا

جبنا صفيحة ولبن زبادي ولبن عيراان ووورق عنب وسلطة وببسي ...
وحلووو وبسسسسسسس

[شام الهوى]

سلامتك جوري اسأل الله العظيم رب العرش العظيم ان يشفيكي ديري بالك تعدي يزون يقبشني شو طيب ماشاء الله
شربي زنجبيل كتير منيح للكريب
كيفك وردة وشو اخبارك شو عاملة هالايام انا ياعزيزتي عم اطبخ برياني خخخخخ نفسي اتعلم انزل الصور منشان اشهيكن 😜اممممممممم
ام ملااااك وينك يا عسل كيف ملوك العسولة اديش عمره بدي اخطبها لابني خدي المحبس💍يالله اقري الفاتحة تراني مو حمايه أبدا لاتخافي عليها بأيدي أمينه هههه
وين باقي البنات اشتقنالكن
ادعوا لأهل سوريا والله موطالع بإيدكنا غير الدعاء

اللهم انصرهم وعجل الفرج لهم وارسل على بشار وأعوانه جنودا من عندك فإنهم لا يعجزونك
اللهم أسألك برحمتك التي وسعت كل شيء انت ترحمهم وان تحقن دماءهم وانت تستر أعراضهم وان تحمي أطفالهم اللهم امين اللهم امين

[زهرة سورية]

مرحبا يا حلوين انا جديدة معكم بتمنى تقبلوني حبيت سلم عليكم انا سورية وعايشة بالرياض وبدي اسالكم وين بتروحو دكتورة نسائية هلئ بتقولو من اولها اسئلة ههه بس معلش حبيباتي ما النا غير بعضنا انا كنت روح عند ليلى اليان بالتخصصي بس رح بطل لانو كتير عجقة وبتضلا مشلوشة بمين بتنصحوني

[شام الهوى]

أهلين وسهلين فيكي بيننا زهرة سورية نور التجمع بوجودك بتمنى أفيدك بس انا مقيمة بالكويت بس ان شاء الله الأخوات مابيقصروا

[أحاسيس الترف]

السلام عليكم اخواتي بنات سوريا الغاليات

انا داخله التجمع ادعي لكم من قلبي بأن الله يفرج الغم عن شعب سوريا الحبيب

والله ينصركم على بشار واعوانه ويفرح قلوبنا اجمعين بالنصر القريب بأذن الله

احزننا كثير مايحدث في الاطفال والنساء ومانملك إلا الدموع والدعـــاء من قلب صادق ان يفرج الله الغمه وتعود الافــراح الى سوريا وشعبها الغالي

والله يتمم لكل حامل في هالتجمع حملها ويقر عيونكم بشوفة ذريتكم صالحه سليمه معافاه



اختــكم : أحاسيس الترف من السعوديه

[عبير اسماعيل]

زهرة سوريا اهلين فيكي بنصحك بالدكتورة الاستشاريه
منى الريس بمستوصف الشبلان بشارع العروبه ممتازة وهي سوريه
كمان وسمعتها شاطرة حتى انا عانيت من الاسقاطات بفضل ربي ثم هيي
الله تمملي هاد الحمل والحمد لله ولدت يوم الخميس عقبال قومت الكل ‏
بالسلامه

[عبير اسماعيل]

جوري يبارك فيكي ربي
ويخليلك يزن الله يحفظو ويخليه ‏

[زهرة الحب]

مرحبا يابنات كيفكن اشتقتلكن كتير كتير كتير
شو اخباركن ياعسولات
جوري سلامتك ياعسل وعليكي ألف عافية دير بالك على صحتك
أم عائشة نورتي ياعمري والحمد الله على قومتك بسلامة يارب يربوا بعزك ودلالك ياقمر
عبورة العسولة الحمد الله قمتي بسلامة وكيفه حمودة الله يحميه ويخليلك ياه ويربى بعزك ودلالك
هايدي كيفك ياحلوة دائما عم اشتقتلك وعم دور عليكي هههههه كيفك وكيفه هنودة الحلو
ادعولي يصير عندي بنات لحتى احجز مهند ويزونة هههههه واعملهن اصهرتي وكمان يصيروا عدلة هههههه
أم ملاك كيفك ياامورة اشتقتلك كتير وكيفها ملوكةومالك الله يحميهن ومبروك عرس اخوكي
هدولة وينك ياحلوة غايبة عنا اشتقتلك كتير كتير
سيلا ياعمري وينك كمان غاطة اشتقتلك كتير كتير وكيفه كريم الحلو
شام الهوى كيفك ياحلوة وشو اخبارك
وردة حلب كيفك ياعسل وشو اخبارك
زهرة سورية تشرفت فيكي اسمي اماني وعمري 20 متزوجة انا من حلب وعايشة بالشام ولسا الله ماطعمني ولاد
نورا علوش وينك لاتغطي خليكي متل شام الهوى ووردة حلب دائما منورين التجمع
رنوومة ياحلوة كيفك وكيف اضراب معك؟؟؟؟؟؟؟الشام كلها اضراب
زوجي قاعد بالبيت معي صله يومين وانا كتير مبسوطة لانه جنبي وخايفة كتير من القصف اللي عنا يارب تهدى الدنيا وترجع سوريا بلد امااااااااااااااااااااااااااااااااااان
وردة سورية بتسلم عليكن كلكن وهي بخير ومشتاقة الكن كتير
يارب ماكون نسيت حدا سامحوني امانة

[أيوش الحلوة]

مرحبا كيفكن ؟؟
سيلا شوفي هالموضوع
تعالو نفيد بعض .. سرير البلايبين و سرير الخشب..