كم من عشرة تستحق أجوبتها؟ .. موسم اختبارات حوامل الأول

[رويدة_ أم ألق]

معنا اليوم مشتركتان جديدتان:

فاطمة من الجزائر

عمرها 26 سنة

حامل ربي يتمم لها على خير

وبنت صيدا من لبنان

عمرها 32 سنة

ندعو لها الله عز وجل بالحمل القريب يارب

مراحب بالغاليتين أتمنى لكما التوفيق

[رويدة_ أم ألق]

هذه هي الأسئلة وأرجو الإجابة خلال هذا اليوم فقط مع الشكر:



س1- موقف كبير مررتِ به في طفولتك شعرتِ إنه خلق فيكِ النضوج وزاد من عمرك ووعيك؟





س2-الحب طرق وأصناف ومذاهب ما هي طريقة حبك لزوجك؟ كيف تعبرين عن هذا الحب وكيف توصلينه له ؟ سواء بالأفعال أو بالكلمات الخاصة بشخصك أنتِ؟




س3- ما هي السلبيات التي أوقعكِ فيها الدخول المتواصل لشبكة الانترنت وتحاولين التخلص منها؟




س4- هل يضيرك ويزعجكِ حديث زوجك بحضورك عن جمال كذا فنانة او اعلامية او شخصية مشهورة؟ وما هي ردة فعلك لحظتها؟ تبدين الغيرة أم تكتمينها ولا تجعلينه يلاحظ شيئا؟




س5- الزواج بعيداً عن مدينة أو بلد الأهل هل له إيجابيات معينة؟ ما هي برأيك؟

[بنت صيدا]

مرحبا
خلص انا فضيت صندوق الرسائل حبيبتي
وبطريقي لاجاوب عالاسئله ان شاء الله
شكرا كتير

[اوشي]

اهلا ام ايهومي وننتظر اجابات الغالية ام الق


يلا جاوبي انت ضامنة نفسك بكرة موجودة في المنتدى ياخوفي الاتكوني موجودة بغرفة الولادة هههههههههه

[اوشي]

يلا فاطمة وبنت صيدا بانتظاركم حبايبي

[رويدة_ أم ألق]

أظن 3 ساعات جدا كافية للاجابة!
نحن بالإنتظــــــــــار ..

[رويدة_ أم ألق]

عزيزتي أوشي بصراحة مو ضامنة أكون هنا
ولكن لابد من انتهاء دور الأختين فاطمة وبنت صيدا
لأبدأ بتلقي اسئلتكم يوم غد باذنه تعالى.

[بنت صيدا]

س1- موقف كبير مررتِ به في طفولتك شعرتِ إنه خلق فيكِ النضوج وزاد من عمرك ووعيك؟

الموقف كان لما كان عمري 16 سنه والموقف كان زواجي من زوجي السابق وفعلا خلق فيي النضوج وزاد من عمري كتييير ومن وعيي اكتر بس للاسف بطريقه سيئه نتيجة الامور اللي مريت فيها .. الحمد الله على كل شي بس من ناحية ايجابيه صرت واعيه كتير



س2-الحب طرق وأصناف ومذاهب ما هي طريقة حبك لزوجك؟ كيف تعبرين عن هذا الحب وكيف توصلينه له ؟ سواء بالأفعال أو بالكلمات الخاصة بشخصك أنتِ؟

طريقتي معه اني بعمل كل شي بحبه وبمشي زي ما بده وبسمع كلامه خليني قول بنسبه 90 بالميه وبتجنب الاشياء اللي بتعصبه ومن الاول اهتميت بنقاط ضعفه والنقاط اللي فاقدها واللي محتاجها وركزت عليها كتير .. اما طريقه تعبيري عن حبي ففي اكتر من طريقه تعلمت كل الاكلات اللي بحبا و بهتم بادق تفاصيل راحته و كمان بسمعه كلام حلو وغزل بس نكون مع بعض و كل فتره وفتره ببعتله مسج حلو واحيانا ببعتله كلمة بحبك بس .. طبعا هالشي من فتره لفتره من شان ما يمل من هالشي .. وفي طريقه كمان اني بعز وبكرم اهله كتييير كتييير و هالشي اكيد كمان طريقه تعبير عن حبي اله لاني لو ما بحبه مش رح حب اهله


س3- ما هي السلبيات التي أوقعكِ فيها الدخول المتواصل لشبكة الانترنت وتحاولين التخلص منها؟


السلبيه المشكله عندي اني مجرد ما افتح النت بنسى حالي وممكن اقعد بالساعات وانا مش حاسه على حالي وبصير كل شوي بقول لحالي هلأ بقوم وخلص بكفي بس ما في فايده هههههههههه من شان هيك صرت خلص اشغالي كلها بالاول بعدين بقعد عالنت لاني مش قادره اتخلص من هالسلبيه

س4- هل يضيرك ويزعجكِ حديث زوجك بحضورك عن جمال كذا فنانة او اعلامية او شخصية مشهورة؟ وما هي ردة فعلك لحظتها؟ تبدين الغيرة أم تكتمينها ولا تجعلينه يلاحظ شيئا؟

انا عني من جواتي بكون رح موت غيره ما بكذب عليكي بس ما بظهر هالشي .. بس كل مره بصير هيك بصير بطريقه المزح معه ببينله اني انزعجت وبصير قله يا خاين اه يا قلبي وهيك شي .. و كمان في شغله منيحه بهالنقطه اني بعرف شو اللي لفتله نظره بالفنانه او الاعلاميه وبحاول اني خليه فيي كمان .. اممم رح اعطيكن مثل اكتر شغله صارت بيني وبين زوجي انه دايما بعلق عالجسم الحلو والحمد الله عم نقص وزني وصرت منقصه من 94 كيلو ل 67 كيلو .. يعني احيانا بتفيد هالنقطه .. في نقطه بدي قولا بخصوص هالشي كمان انه في ناس بتحس هالشي نقص من كرامة الزوجه وعدم احترام مشاعرها انا عني ما بعتقد بهالشي .. لانه طبيعه الرجال انه يطلع هالشي من رب العالمين .. الله خالق فيهن حب النساء .. وخليه يقول هالشي قدامي بالنهايه انا كسبانه احسن ما يقوله بقلبه وانا ابقى على عمايي مش عارفه شي

س5- الزواج بعيداً عن مدينة أو بلد الأهل هل له إيجابيات معينة؟ ما هي برأيك؟

انا حاليا عم مر بهالتجربه بس بطريقه غير شوي .. انا كنت عايشه مع اهلي ببلد غير لبنان ولما تزوجت من زوجي الحالي انتقلت لبلدنا لبنان واهلي بقيوا بالبلد التاني .. بالنسبه لايجابيات هالشي انه المشاكل بين اهلي وبين زوجي بتكون قليله كتير وعالاغلب معدومه لانه كترة الخلطه الا ما تولد مشاكل حتى لو كانت صغيره هالشي تفاديته .. كمان في اني اعتمدت على حالي اكتر بغياب امي يعني بابسط شغله بدل ما اطلب من امي اكلات معينه بحبا صرت اخد الطريقه منا وانا اطبقها .. وشي اخير انه عبء الواجبات التقليديه خفت عندي من زيارات وهدايا هههههه ما تقولي عني بخيله بس والله احيانا بتكون هالشغله مصروف تاني .. يعني صرت حاليا بس مكالمات هاتفيه بتكفي

هيدي اجاباتي وبانتظار تقييمكن يا احلى بنات

[عسل بغداد]

اشكرالعزيزه ام الق
وجميع الاخوات العزيزات على تقييمهم الرائع لي

[رويدة_ أم ألق]

بنت صيدا أصفق لك من قلبي

كلك وضوح وثقة في النفس ما شاءالله عليكِ

يارب بحق كل المقدسات تبشرينا بحملك قررريبا.