دردشة حوامل أهل الدمام - دردشة بنات الدمام - تجمع حوامل مدينة الدمام

ام يونس123 · 05-15-2012, 12:36 AM

هلا وغلا بكل البنات
كيف احوالكم واحوال الكرشات يحليلنا واحنا مثل السلاحف وع والله مليت وتعبت الله يخارجني ويخارجكم على خيييييييييييييير
جوري الحياه تسلمين على سوالك عني والله يعين ترا انا كمان في حملي الثاني ولدت في الاسبوع 36 والحين ماشي الحال جهزت حالي بس مابي الولاده تجيني وانا مو مستشوره شعري ههههههه ادري ابتضحكون لاني ابي زوجي يدخل وياي ويصورني طبعا قبل مااولد وقت الطلق بعدين يطلع من شان ماينفجع وع...
تاليا شخبارك ياعمري عساك بخير الا الشريط كمان يبغاله تحديث والله يله طلعته كمان نحدثه وانا اقول ليه مايمشي عنه لامشى انا امشي بتقويم كل يوم اصبح من الفجر واقطعه من قلبي ويه ههههههه..
ام فطومي كيف الحال ياقلبي يله انتي كمان قربتي للولاده وترا انا كمان كل ماروح السونار يتقص يومين لكن اليومين هذولي انضبط والله يسهل علينا كلنا اللهم امين ..
بسمه هلا يلغلا شخبارك انا جاهزه بس باقي استشور ههههه وباقي شوية ترتيبات في البيت واليوم بديت امشي ورحت ايكيا لاني اموووووووووووووووت فيه ومسيكين زوجي احط في العربانه واهو يقول الحين انتي جايه تمشين ولاتتسوقين والله فاضيه ...
وان شاء الله ماانساكم من الدعاء الله يسهلها علينا كلنا..
ميسوو ياقلبي ان شاء الله يتمم عليك ويبين معاكي الجنين يمكن لسى اصغير ومابين طيب عشان تطمنين شوفي نعيمه بس من دون لاتخبريها ايش قالت لك دعاء وشوفي ايش بيكون نفس الكلام واستبشري بخير واقري البقره وانتي حاطه ايدك اليمين على الجنين والل يفرحك ان شاء الله..
الحين استودعكم الله الذي لاتضيع ودائعه لاني حدي نعسانننننننننننننننننننننننننه
تصبحون على خير .......*******

*بسمة * · 05-15-2012, 12:41 AM

وانتي من اهله ياقلبي

بنت القطان · 05-15-2012, 12:46 AM

ما كو فايده خلصت كيس تمر ومشيت وايد من الثامن وانا امشي
خلاص بخليه براحته اذا زهق بيطلع

انتي شلونج مع الحمل ؟
الله يعينكم يارب ويسهل على الجميع

أمووله · 05-15-2012, 08:53 AM

صبآحكم عسسل يااحلى كروشات
وش اخباركم ان شاءالله كلكم بخير
معليش اعذروني من فتره مادخلت بس كنت
تعبانه شوي والحين احسن
وان شاءالله اكتب لكم قصة ولادتي
بس الحين جالسه احاتي فيصل حبيبي
اليوم ختانه ومرره قلقانه عليه
ام يونس الله يقومك بالسلامه
ويسهل عليك حبيبتي لاتتعبي نفسك بالسشوار ممنوع
دخول الرجال قسم الولاده نهائيا اي وحده
تبي تكلم زوجها من عند الباب كنت مثلك حابه زوجي
يكون معاي وقت الطلق ورفضوا يقولون كل اللي داخل حريم بس
حتى لما ولدت نادوا عليه طل عليه خمس دقايق وطلع
يلا اشوفكم ع خير

ام يونس123 · 05-15-2012, 11:45 AM

هلا وغلا امووله وحشتينا حيل ياعمري شخبارك وشخبار فصولي عسى مايعذبك الله يخليه لك وميسر ختانه ان شاءالله وقوليلي ولدتك عزه
الا عسالفة دخول الزوج غريبه مع انه وحده تقول ان زوجها دخل وياها ..اللمهم حبيبتي بسرعه احنا مستنين القصه ابي استفيد قبل لاولد تكفين ولو نص القصه لانك حمستينا وانا مااحب الانتضار ابد ..الله يسعدك..

*بسمة * · 05-15-2012, 12:27 PM

مساءالخير يالحلوين

اهلين امووووله شخبارك وشلون صحتك وشخبار النونو الجديد؟؟

ام يونس لييييه التوقيع حقك مايتغير ؟؟ شكلك بتولدين وهو ماتصلح ياليت تعدلينه وووووتركي عنك الاسشوار هههه بتحترين وقت الولاده وبيخترب

بنت القطان هلافيك انا الحمدلله ماشيه مع الحمل اللي ايااااامه طويله وانتي وكلي امرش لربش وانشالله بتولدين قرييييب بأذن الله

عندي سؤااااال محيرني جوابه !!!!! انا بشرتي فاتحه واسمريت في بعض المناطق في حملي هل تروح بعد الولاده ويرجع لوني طبيعي ؟؟؟؟
يااااااي عنده خبره يطمني ويقولي تكفوووون حبايبي

شموع العلم · 05-15-2012, 12:58 PM

سلاااااااااااااااااااااااام يابنات الا يا حوووووووووووووووووامل

اهلين امولة ربي يقر عينك بولدك

اهلين ام يونس شدي حيلك هانت راح الصعب باقي السهل

كيفك تايا وبسمة وام فطومي والبنات الجدد ربي يحيكم

لا جديد لا زلت تعبانة اكثر شي وصلني هذا الحالة هو المشاكل مع زوجي الله يهدية

بس قلعتة باقي اسبوع واروح لامي وافتك من نكدة

كرهني حتي حملي ما تهنيت فية تخيلوا دخلت للخامس وما طلع لي بطن بس انتفاخ بسيط تحت السرة ولا احس باي حركة

يعني انا طفشت

maesooo · 05-15-2012, 02:24 PM

اهلييييييييييييييييييييييين صبايا
ابشركم رحت امس ودخلت عند دعاء وقالت لي اوكي مبين وعمره 7 اسابيع الحمد لله وباين فيه نبض الحمد لله والشكر
ارتحت بقوه واطمانيت اخبرا

جوري الحياة · 05-15-2012, 02:38 PM

اقتباس:

المشاركة الأصلية كتبت بواسطة thalia20

االعفو ام يونس ما سويت شي تستاهلي كيف النونو اليوم
جوري الشرقية بعد مشتاقه لك موووت حيااك يالغالية
اساير والله ماعندي فكره ان شا الله البنات يفيدونك
ام فطومي كيفك ياعسل انا موعدي يوم الخميس ان شاء الله مع انو مافيني صبر هههه ودي اروح قبل

مشكوره ودي اجيكم اليوم قبل بكره
بس استنى ارتفع شوي واجيكم بالاجازه
اكحل عيوني بالشرقيه واهلها

جوري الحياة · 05-15-2012, 02:50 PM

اقتباس:

المشاركة الأصلية كتبت بواسطة maesooo

اهلييييييييييييييييييييييين صبايا
ابشركم رحت امس ودخلت عند دعاء وقالت لي اوكي مبين وعمره 7 اسابيع الحمد لله وباين فيه نبض الحمد لله والشكر
ارتحت بقوه واطمانيت اخبرا

الحمدلله الف مبروك
الله يبشرك بالخير ويفرح قلبك بضمته

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع و دردشة حوامل الدمام - 2011	يارب أصير أم	إستفسارات حوامل من الشهر السابع إلى الشهر التاسع	48	08-12-2012 02:28 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM