تكفون افيدوني بكره الصبح بسوي عمليه كحت لرحم

[كآدي]

السلام عليكم ورحمه الله وبركاته
بكره عندي عمليه كحت لرحم بعد سقط الجنين في الشهر الثاني الحمدالله الله على كل حال
المهم افيدوني هل لازم تنويم او لا وافيدوني هل ينفع اسوي تضيق مع الكحت
بليز جاوبوني في انتظاركم ما اح انام لما تطمنوني عشان اخذ احتياطاتي بنسبه لتنويم وبنسبه لعيالي ومدارسهم
في انتظاركم

[مجنونة بحبها]

الله يعوضك انا لما اعمل الكحت التنظيف اروح الصبح واكون بدون افطار
يعني صايمه واعمل العمليه ولما اصحى من البنج ارجع على طول للبيت
وثاني يوم امارس حياتي الطبيعيه

[فوضت امري لله]

الله يكون بعونك والله مافيه احسن من عشبه المدينه تنظف الرحم جداااااااااا


احسن من المستشفيات اللي تعمل كحت واحيانا يكون قوي ياخر الدوره ويلخبطها---------

[ام اسكندر]

الله يسهل امورك يارب

ودام الجنين نزل ليش عاد الكحت؟؟؟

[ورودي البيضاء]

يسووها لما يكون فيه بقايا لسه عالقة وماطلعت

قلبو انتي

اللي اشوفهم عملوها يوم كنت بالمستشفى كانو يتنومو يوم واحد واذا كل شي تمام يخرجوا خلاص

[كآدي]

ربي يخليكم حبايبي وان شاء الله اطمنكم لما اخرج بسلامه
شكرا لكل وحده اهتمت وردت الله يحقق كل امنياتكم
لي عوده

[مجنونة بحبها]

الله يقومك بلسلامه

[ام اسكندر]

هاااااااا طمنينا؟؟؟

الف سلامة عليكي يارب

[كآدي]

فديتكم ربي استجاب دعواتكم ودعوات الغوالي على قلبي من البارحه المغرب لما عرفت اني بسوي
كحت من الخوف اقسم با الله نزل مني شي ما عمري شفته والله من الخوف لما رحت الصبح وسوت لي الدكتوره
سونار قالت خلاص مايحتاج كحت بعطيك حبوب تساعد على تنظيف الرحم
والله من الخوف اللي جاني اني ماسكه بطني وامشي واحس بشي ينزل مني مع ان الدم وقف
من يومين بس الخوف لعب فيني حتى زوجي يقول علامك كانك ماعمرك ولدتي كانك بكر ماتعرفين وش السالفه
قلت تفسير الايه ان حمله وولادته كره موب بكيفنا سبحان الله يعني فيه احد يحب يتعب نفسه
بنفسه يعني خفت خوف موووت بس لما قالت خلاص ما تحتاجين كان روحي ردت لي الحمدالله رب العالمين
وشكرا على وقفتكم معاي فديتكم الله يرزقكم من حيث لا يحتسب ويعز شانكم ويرفع مقامكم امين

[سكر بني]

مرحبا اختي اولا حمدا على السلامة وربنا يعوضك ويعوضني يا رب .. انا يا اختي مريت بنفس تجربتك قبل 4 ايام كنت نايمة في المستشفى لمده 2 لانهم كانوا خايفين ينزل لي دم كثير (نزيف ) واعطتني الدكتورة تحاميل عشان ينزل الجنين لانه ما كان يجيني وجع ... وبعدها سوت لي صورة وسبحان الله الجنين كان نزل رغم اني ما حسيت بشء غير قطع دم تنزل علي ... وقالت لي ما تحتاجين تسوي تنظيف لانه في قطع بس بتنزل بروحها ...اعطتني حبوب (مضادات حيوية)metrolag250 وحبوب erythrodar250 استخدمهم لمدة اسبوع وبعدها ارجع مرة تانية للدكتورة