تأجيل الحمل والدراسه

[مستقبل]

سؤالي هو انا عندي ولد عمره سنه و ان شاء الله حابه اكمل دراستي اللي تاخد مني اربعه سننين وعلشان اكمل دراستي الازم أأجل حملي حتى انتهي من الدراسه طيب ارح تقولوا ايش المشكله انا اقولكم المشكله فين انه خايفه فرق العمر بين ولدي وطفل الثاني يكون كبير وولدي يعتبر اخوه مجرد مصدر ازعاج واهتماماتهم تختلف ايش رايكم بالموضوع عادي وعلى فكره انا عايشه في اوروبا ولازم ارجع بلدي بعد اربعه سنين يعني ماقدر اجيب طفل الثاني وبعدين اكمل دراستي فشوروا علي اكمل دراستي ولا اكون ربه منزل وانسى الدراسه لان هنا الدراسه ببلاش وفي بلدي فلوس وزوجي مايقدر عليه وقالي يا استغل الفرصه دحين او انسى اكمل دراستي للابد

[فضــــــ بينكم ــــولية]

حبيبتي أنا في رأيي إنك تكملي دراستك أحسن
و لا تخافي بالعكس لما يكون ولدك كبير و فاهم يقدر يعتني بأخوه و يحبه و يلعب معاه
أما إذا كان صغير ممكن يغار منه و يحس إنه أخذ مكانه
بس أهم شي من الحين تبدأي تجهزي ولدك لاستقبال أخوه يعني مثلاً لا تدلعيه كثير بحيث إنه لما يجي أخوه ياخذ من نصيبه
و في نفس الوقت لا تهمليه كثير عشان لما يجي أخوه ما يتذكر و يقول في نفسه أنا لما كنت صغير ما عملولي كذا
و في النهاية القرار يرجعلك

[أم رزاان]

والله يالغالية هذة فرصة لك لا تضيعيها !
وولدك لسى صغير !
أنت نظمي لك جدووول وعلى آخر سنة قبل التخرج
اتركي الموانع .. عشان لما تولدي يكون أبنك الله يحفظة 4 سنوات وشوي
وهذه مدة مو كبيرة !
بالعكس لما يجي اخووة بيكون واعي وفاهم ويريحك من مسألة الغيرة !

توكلي على الله واستخيري .. وربي يكتب لك مافية الخير

[مستقبل]

مشكورين على نصايحكم بنات كلامكم مررررره ريحيني بس ملاحطه ولدي عمره سنه وبعد اربعه سنين راح يكون عمره خمسه سنين والحمل تسعه شهور يعني ولدي راح يكون سته سنين لما اجيب له اخ او اخت ان شاء الله فبرضو تشوفو كدا عادي

[سلوان]

ياقلبي انا صديقتي جابت ولد ووقفت حمل رغم انها فاضيه لادراسه ولا شي وماحملت البنت الا لما الولد دخل المدرسه

يعني صار عمره سبع سنين وبالعكس مرتاحه الولد يساعدها وينته لاخته

وانا بصراحه اشوف انه هالشي لازم يكون من اختيارك انتي وبقناعه يعني هل تفضلين يكون عندك اطفال قريبين من بعض بالعمر

او هل تفضلين تكون عنده شهاده يعني هالشي باختيارك انتي ياقلبي

والله يوفقك

[ام اسكندر]

ياحركااااااااااااااااااااااات يامستقبل

[مشاعل الدوسري]

دام انتي بره استغليها بشي كويس و كفايه عليك ابنك الله يخليه لك ... و ادرسي على الاقل لا جيتي ترجعين بلدك معاك شي بينفعك ..
و طفل ثاني و انتو بغربه يعني زيادة مصروف و يعني تعب فوق التعب حق الدراسه ووووو الى اخره من هذا الكلام ...

و زي ماقالو البنات ماراح يكون في فرق كبير ...

و الله يكتب لك اللي فيه الخير انشالله ..

[الريميه]

الله يحقق ماتتمنين

فرق العمر بين الاطفال شي مو حلو انا شفته بعيني بااختي وزوجات اعمامي راح فيهم العمر وهما لسى بيحملوا ويولدو وكمان عيالهم متباعدين ودايما خناقات وزعل
انا ماشوف فيها شي تحملي من السنه الثانيه وتجيبيه بالغربه ايش المشكله نظمي وقتك بقد ماتقدري واتفقي انتي وزوجك على المساعده وخلي يكون لولدك اخ او اخت احسن من انو ييش 6 سنين وحداني

فالاخير القرار لك هذا مستقبلك وانتي الادرى بامكانياتك ومدى تحملك وكيف وضعك

لو انا بختار الاطفال لانهم زينة الحياه و6 سنين عمر صراحه حتى لو انتي صغيره وكمان مااظمن ان الموانع ماتعطيني عقم اطول من 6 السنين ولا اضمن ان الله راح يرزقني بحمل على طول كثير جابوا طفل او طفلين وبدون اسباب صار صعب الحمل
انتي حطي كل هالامور ببالك وشوفيها من كل جهه وبالاخير القرار لك

الله يسعدلك حياتك ويخليلك ولدك

[روح الورد]

انامن رئيي تكملي دراستك والله يوفقك

[حـورية]

بالعكس افضل

عطي طفلك حقه كاملا لما الطفل يصير له اخه رح ينقص الاهتمام فيه لانه رح يتوزع على اثنين
عشان كذا توكلي على الله و اجلي حمل
انا ما عندي دراسة و ناوية باذن الله بعد ولادتي ااجل موضوع الحمل الى ثلاث او اربع سنين
حابة استمتع بابني و اعطيه كااامل حقه